Amoth 7:17 - JAM DE NHIALIC 2011

¹⁷ Ku ënɔɔnë, aye Bɛ̈nydït lueel an, ‘Tiiŋdu abï aa akɔɔrröör wutic, ku wɛ̈ɛ̈tku ku duet ku mïthku abïk wïïk në abätäu, ku Pinydu abï tek në awiɛi. Ku yïn bï lɔ thou piny ë kɔc kuc Nhialic. Ku kɔc ke Yithriɛl abïï keek peec pinyden leerë keek piny lei.’ ”

Amoth 7:17 Iomraidhean Croise

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

Diɛt 78:55

Acï juöör ceŋ wut bɛ̈n cieec ɣɔn lee ë kɔcke ke ke bɔ̈, go pinyden tɛ̈k dhiëën ke Yithriɛl, ku gëm ɣöötken kɔc ke.

Yith 13:16

Ku cuɛ̈ɛ̈në mïthkɛn kor kɔ̈ɔ̈th abïk thou ke ke daai, ku yak ɣöötken yiic ku wïïtë diäärken.”

Yith 22:18

Abï yï jat nhial cït man ë kura ku cuɛt yïn wun mec lääuwic. Yïn bï thou ëtɛ̈ɛ̈n në abëël ke jöŋgöör ku lɔ̈m, ka wään yïn rɔt lɛɛc në keek. Yïn ë guöp yäär tëde raan rëër yïn baaide.

Jeremia 14:16

Ku kɔc cïk keek lɛ̈k ee jamë abïï keek nɔ̈k në ee kueerë aya. Gupken abïï keek cuat wei ë kuɛɛr ke Jeruthalem yiic, ku abï ciɛ̈n raan bï keek tɔ̈ɔ̈u. Kënë abï rɔt luöi keek kedhie. Diäärken ku wɛ̈ɛ̈tken, ku duetken, abä keek tɔ col karɛcken.”

Jeremia 20:6

Ku yïn Pacur, yïn bïï peec ku leerë yïn Babilonia. Ku yïn bï thou ku tɔ̈ɔ̈u yïn ëtɛ̈ɛ̈n, wekë määthku kedhie, määthkuön wään ye ke lɛ̈k mɛth juëc.’ ”

Jeremia 28:12

Ku në kaamic ëtɛ̈ɛ̈n të wään cï tiët Ɣanania wai dhoŋ kɔ̈ɔ̈th ë tiët Jeremia yeth cök go ë Bɛ̈nydït lɛ̈k yɛn,

Jeremia 28:16

Ku acïï Bɛ̈nydït lueel guöpde bï yen yïn nyaai nyin. Yïn bï thou ke ruöönë ë kën kɔn thök, në biäk cï yïn kɔc yɔ̈ɔ̈k bïk Bɛ̈nydït rɛɛc.”

Jeremia 29:21

“Bɛ̈nydït de rɛm, Nhialic de Yithriɛl, acï jam në biäk de Aɣap wën e Kolaya ku Dhedekia wën de Maathia, kɔc ee week lɛ̈k lueth ë rinke. Acï lueel nɔn bï yen ke tɔ dɔm ë Nebukadnedhar melik de Babilonia, ku abïï keek nɔ̈k ë wenyïïn ke we daai.

Jeremia 29:25

Kënë lueel Bɛ̈nydït de rɛm, Nhialic de Yithriɛl kï, Yïn cï awerek gäär në rinke yetök, awerek gäärë kɔc ke Jeruthalem kedhie, Dhepania wën ë Maathia bɛ̈ny de kake Nhialic, ku bäny kɔ̈k ke kake Nhialic. Në awerekë yic acïï Cemaya gäär Dhepania alëyɔ̈ɔ̈ an:

Dhiëëu 5:11

Diëërkuɔ acï keek wiëët në kuur ë Dhiɔn guöpde, ku tɔ duetkuɔ gäm në riɛl në wuöt ke Juda yic ëbɛ̈n.

Edhekiɛl 4:13

Go Bɛ̈nydït lueel an, “Kënë anyooth kueer bïï kɔc ke Yithriɛl dhil aa cam në këcam cïï ë löŋ pëën, të lan ke thiäi në juöör yiic.”

Ɣodh 9:3

Kɔc ke Yithriɛl acïkï bï bɛ rëër piny de Bɛ̈nydït, kɔc ke Eparaim abïk kenïïm puɔ̈k në lïïmic cït man ɣɔn kɔn kek tɔ̈u paan ë Rip. Ka abïk aa lɔ cam në këcam nhiany piny de Athiriya.

Amoth 6:7

Në biäk de ee kënë, ee wek abïï kɔn peec, ka dhuëŋkuön ke kacaamdït, ayï tɛ̈ɛ̈c ya wek wekɔ̈ɔ̈th tääc acïkï bï bɛ nu.

Amoth 7:11

Aa ye Amoth lueel an, “Jerobowam abï thou në abätäu, ku kɔc ke Yithriɛl abï keek peec, jɔt keek pinyden, leerë keek piny lei.

Amoth 8:1

Na wën ke Bɛ̈nydït Awärjäŋ ë be yɛn nyuöth nyuuth däŋ, në nyuuthic yɛn cï diöny de mïth ke tiim amäi tïŋ.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Amoth 9:8

Ku ënɔɔnë nyïïn ke Bɛ̈nydït Nhialic awoikï ciɛɛŋ rɛɛc de Yithriɛl, ku abä riɔ̈ɔ̈k taitai në pinynɔm. Ku Yɛn cïï käu de Jakop bï riɔ̈ɔ̈k ëbɛ̈n. Kënë ë lueel Bɛ̈nydït ka.

Maika 1:16

Muɔ̈tkï wenïïm, dhiëëukï mïth nhiaarkï. Lɛnykï wenïïm abäk ciët anyigoon, në biäk bïï ë mïthkun lɛɛr piny lei.

Dhek 14:2

Bɛ̈nydït abï juöör bɛ̈ɛ̈i tëtök bïk tɔŋ bɛ̈n luöi Jeruthalem, pänydït abïï nööm, ɣööt abï keek yak yiic, ku diäär abïï keek wiëët, ku biäk töŋ de kɔc abïï keek peec, ku kɔc kɔ̈kkë abïk döŋ ë pänydïtic acïï keek bïï jɔt.