Amoth 7:15 - JAM DE NHIALIC 2011

¹⁵ Go Bɛ̈nydït a jɔt tëdiën ë yan thök kuany cök, ku lëk ɛn an, ‘Lɔ Yithriɛl, lɔ jäämë kɔckï ëtɛ̈ɛ̈n.’

Amoth 7:15 Iomraidhean Croise

2 Tham 7:8

“Ka lɛ̈kë awundiën Debid an, Yɛn Bɛ̈nydït de rɛm. ‘Yïn cä jɔt ë tiët de thök yiic, ke yï bï aa bɛ̈ny nu ë kɔckiën ke Yithriɛl nïïm.

1 Mel 19:19

Go jäl ëtɛ̈ɛ̈n le ku yök Elica wën ë Capat apur në miöör cï ke rek yiëth në tiim, miöör kathiëër ku rou, ku apur në miɔɔr wën ee kek thiëër ku rou. Go Elija tëëk ë yelɔ̈ɔ̈m le ku cuët lupɔde ë yekɔ̈u.

Jeremia 1:7

Go ë Bɛ̈nydït lɛ̈k ɛn an, “Du luel an, ‘yɛn koor arëët,’ lɔ tëde kɔc cä tuöc yïn ëbɛ̈n, ku lɛ̈k ë keek këriëëc cä lɛ̈k yïn bä lɔ lueel.

Jeremia 26:12

Aguɔ lueel an, “Bɛ̈nydït acï ya tooc bä këriëëc ëbɛ̈n lueel, kë ca piŋ ke luɛɛl në biäk ë Luaŋdït ku në biäk ee pänydïïtë.

Amoth 3:8

Të cïï köör ŋäär eeŋa cïï duëër riɔ̈ɔ̈c? Të cïï Bɛ̈nydït Nhialic jam, eeŋa duëër mim ke cïï jamde lueel?

Math 9:9

Na wën, acï Yecu jäl ëtɛ̈ɛ̈n, ke tïŋ raan cɔl Mathayo, arɛ̈ɛ̈r ë maktap de athölbö yic, ago Yecu yɔ̈ɔ̈k an, “Kuany a cök.” Go rɔt jɔt, ku kuɛny cök.

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 4:20

Ku wo cïï aguiɛɛr duëër pɔ̈l në ka cuk tïŋ ku piŋku ke.”

Luɔi 5:20

“Lakï, kääckï nhial ë Luaŋdïtic, ku guiëërkï kɔc në wël ke pïïrë kedhie.”

1 Tham 10:11

Na wën aa tïŋ ë kɔc ŋic en nɔn cɛɛr en käŋ kekë tït ëtök, ke ke lop an, “Eeŋö ë wën ë Kic dɔm? Cï Thaulo bɛ̈n aa tiët nɛn däŋ aya?”