Amoth 6:6 - JAM DE NHIALIC 2011

⁶ Wek ee mäu dek në guöl athiäŋ, ku yak röt tɔc në wɛ̈ɛ̈l ŋïr aläl, ku cäkï riääk de Yithriɛl dhiëëu.

Amoth 6:6 Iomraidhean Croise

Cäk 49:22

“Jothep acït tim de enap ŋic luɔk, tim cï com ë nyin ë pïïu nɔm, tim cï kërke röt thiɛth ë kal nɔm.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

Ethta 3:15

Kë cïï Melik lueel, ë löŋic ëbɛ̈n, acï kuɛ̈n kɔc nu tëde riɛl ë Thutha, ku dap kakë lɛɛr ë wuöt yiic. Melik ku Ɣaman aake cï nyuc piny, ku jɔkï dek, ku nu pänydïït Thutha ë anuɔɔn yic, në kë de ee löŋë.

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Yith 5:12

Në dhuëëŋduön ë cämic, wek ee thoom gut ku lɔ̈r ku kuɔthkï aruöör, ku jɔ aa mɔ̈u. Ku kë looi ë Bɛ̈nydït acäkï ee yökic,

Jeremia 30:7

Kööl rac abɔ̈, acïn kööldäŋ bïï thɔ̈ŋ en, ee kööl ë jiɛthëpiɔ̈u tëde kɔckï, ku abïk pïïr.”

Edhekiɛl 9:4

“Lɔ caathë pänydït ë Jeruthalem yic ëbɛ̈n, ku ye raan cï yök ke nuan, ku jiɛth piɔ̈u në biäk de karɛc ku kanhiany ye kɔc keek looi ë pänydïtic, ye jak nɔm në kït.”

Ɣodh 3:1

Go ë Bɛ̈nydït lɛ̈k ɛn an, “Ɣodhiya, be tiiŋdu nhiaar na cakaa nɔn yen röör kɔɔrë. Nhiaar cït man nhiɛɛr ë Bɛ̈nydït Yithriɛl, na cakaa nɔn cï kek A puɔ̈l ku gamkï yiëth, ku nhiaarkï cäm de këcam de mïth ke enap cï riɛl ye kek Baal lam.

Amoth 2:8

Ku të ye kek lɔ tɔ̈c në yïk kɔ̈ɔ̈th, ŋɛk ee rɔt thiëth lupɔɔ ë peec tëde kɔc kuanynyïïn, lupɔɔ ke kɔc känykï. Ku dëkkï në mɔ̈u ɣön ë Nhialicden, mɔ̈n ë nömkï tëde kɔc känykï.

Amoth 4:1

Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Jɔn 12:3

Na wën, ke Meri nöm rothol töŋ de miök de yic wɛ̈ɛ̈l lɔ wai cï tumëtum, miök tuc ë ɣööcde, go Yecu tɔc cök, ku coth ë nhïm ke yenɔm, go ɣöt yic a pat ëbɛ̈n në atuöm ë miök.

Romai 12:15

Yak piɔ̈ɔ̈th miɛt ëtök në kɔc mit piɔ̈ɔ̈th, yak dhiau ëtök në kɔc dhiau.

1 Kor 12:26

Ku të töök ë kë töŋ ë raan guöp, ke ka ke guöp kedhie ke ke jɔ töök në yen ëtök, ku të bï kë tök ë raan guöp gäm dhuëëŋ, ke ka ke guöp kedhie ke ke jɔ piɔ̈ɔ̈th miɛt në yen ëtök.

1 Tim 5:23

Du ee bɛ dek ë pïïu tei, ye dek ë mɔ̈n thiinakäŋ në biäk de yäc, ku në biäk de tɔ̈ɔ̈k ee cool ë töökë yï.