Amoth 6:14 - JAM DE NHIALIC 2011

¹⁴ Acï Bɛ̈nydït Nhialic Awärjäŋ lueel an, “Wek baai de Yithriɛl, wek bä tuöc rem de tɔŋ de jur däŋ, bïk pinydun bɛ̈n rum. Abïk we bɛ̈n yɔŋ, gɔl në Ɣamath të lɔ rut, ku bïï në wak de Araba të lɔ wöuwic.

Amoth 6:14 Iomraidhean Croise

1 Mel 8:65

Go Tholomon kekë amatnɔm dïït de Yithriɛl ëbɛ̈n Dhuëëŋ de Kɛ̈ɛ̈t looi në Bɛ̈nydït Nhialic nɔm ëtɛ̈ɛ̈n ë luaŋdït yic, në nïniic kadhorou. Go kɔc juëc kenïïm mat ëtɛ̈ɛ̈n, kɔc ëbɔ̈ në Ɣamath të lɔ rut, në aken ë Rip të lɔ wöuwic.

2 Mel 14:25

Yen, acï aken ë Yithriɛl puk nɔm, ɣɔn ɣet piny de Ɣamath, gɔl të lɔ rut ɣeet ë Wɛ̈ɛ̈r de Amilɔ biäk të lɔ wöuwic. Yen kë wään cï Bɛ̈nydït, Nhialic de Yithriɛl gutguut lueel ka në lïmde tiët Jona wën de Amitai thok, wun cɔl Gath Ɣeper.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:6

Në ruöön ye run ke Ɣocia dhoŋuan, go melik de Athiriya Thamaria dɔm, ku peec kɔc ke Yithriɛl leerë ke Athiriya, ku tɔ kɔc kɔ̈k rɛ̈ɛ̈r wun cɔl Ɣala, ku tɔ kɔ̈k rɛ̈ɛ̈r në wɛ̈ɛ̈r ë Ɣabor yɔu në aken ë Godhan nɔm, ku tɔ kɔc kɔ̈k rɛ̈ɛ̈r në wuöt ke Media yiic.

Yith 7:20

“Në aköölkë Bɛ̈nydït abï rem de tɔŋ de melik de Athiriya nu ë wɛ̈ɛ̈r ë Yuparat lɔŋ tui riɔp, ku abï we muut nïïm, ku muut nhïm nu ë we nɔ̈k ku nhïm nu ë we gup.

Edhekiɛl 47:20

“Aken de aköl athɛ̈i ee rɔt gɔl në Wɛ̈ɛ̈r Ɣer kɔ̈u, tëëk të lɔ rut lee ë tuŋ tɔ̈u të lɔ në Ɣamath thok.

Ɣodh 10:5

Kɔc cieŋ Thamaria, ayek riɔ̈ɔ̈c në yanh dau, dan de Bethaben. Ku yen ee yanhë, abïï kɔc de ye dhiëëu mɛ̈tkï në bänyke, në baŋ de diɛkde në luɔi bïï ë ye peec.

Amoth 3:11

Ku be ë Bɛ̈nydït Nhialic lueel an, “Pinydun abïï ë raan ater peec, ku abï ɣöötdïtkun riäär piny, ku yiɛk keyiic në kapiɛth tɔ̈u thïn kedhie.