Amoth 6:10 - JAM DE NHIALIC 2011

¹⁰ Na lɔ raan de kɔckɛn cï thou bɛ̈n, bïï gup ke kɔckɛn cï thou bɛ̈n bɛ̈ɛ̈i bei le ke rɔk. Ku kɔc de kɔc cï thou, abïk raan cï döŋ apïïr ɣööt luɔp, an, “De raan däŋ cï döŋ kekë yïn? “Ku abïï röl bɛ̈ɛ̈r an, “Ei! Ka abï raan de kɔc cï thou lueel an, “Mimku thook! Titku röt apiɛth, duku Bɛ̈nydït be lueel rin.

Amoth 6:10 Iomraidhean Croise

2 Mel 23:16

Na wën lɔ melik Jothia ye nyin wɛl ë kuur nɔm, ke tïŋ rɛ̈ŋ ëtɛ̈ɛ̈n, go kɔc tuɔɔc bïk yom lɔ wɛ̈t biic ë rɛ̈ŋiic, ku nyop ke në yïk nɔm, ago yïk nhiany, cït man ɣɔn cï raan de Nhialic ë caar ë kake ye lueel.

2 Mel 6:33

Të wën jɔ yen ŋoot ke jam ke keek, ke tuny ë melik ë go bɛ̈n tëde Elica ku lueel an, “Ee Bɛ̈nydït Yen ë bïï ë nuɛɛnkë! Ka eeŋö ja bɛ tiët Bɛ̈nydït?”

Jeremia 16:6

Kɔc kueth ku kɔc kuanynyïïn abïk thou ee pinyë, ku acïn raan bï ke tɔ̈ɔ̈u ku cïn raan bï ke dhiëëu. Acïn raan bï rɔt ŋuɛ̈ɛ̈t ku cïn raan mut yenɔm bïï yen ke dhiëndepiɔ̈u nyuɔɔth.

Jeremia 44:26

Ku ënɔɔnë piɛŋkï kuëëŋdiën cä looi, Yɛn Bɛ̈nydït në rinkiën wärjäŋ, kuëëŋ lɛ̈k week wek kɔc ke Yithriɛl tɔ̈u ë Rip wedhie: an, acïn raan ë weyiic bï aa kuëëŋ ë rinkï an, ‘Yɛn kuëëŋ në rin Bɛ̈nydït Awärjäŋ pïïr!’

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Edhekiɛl 20:39

Acïï Bɛ̈nydït Awärjäŋ lueel an, “Ku ënɔɔnë, wek baai de Yithriɛl, takï we piɔ̈ɔ̈th mit! Luööikï yiëthkun! Ku wek jääny, në ee kake cök, wek bï ya dhil riëëu, ku pälkï luɔi ya wek rinkiën ɣeriic yɔ̈ɔ̈r, në gɛm ya wek miɔ̈c gäm yiëthkun.

Edhekiɛl 24:21

“Bä we yiɛ̈n ee jamë, wek baai de Yithriɛl: wek ee röt leec në riɛl de tëɣeric. Anhiaarkï bäk aa woi ku yak lɔ kɛ̈ny, ku abïï Bɛ̈nydït riɔ̈ɔ̈k. Ku wɛ̈ɛ̈t dhuök ke bɛ̈ikun kɔc cï döŋ Jeruthalem abïï ke nɔ̈k në tɔŋic.

Amoth 5:13

Yen aye raan pelnɔm thok mim ke cïn kë lueel në akööl ke kërac!

Amoth 8:3

Në ee köölë, diɛt ke luaŋ ë bääny, abïk röt puk aye dhiëëu. Gup ke kɔc cï thou, abïk dhɔt piny ëbɛ̈n. Ku abïï keek aa cuat wei ke kɔc ë ke mim thook.

Kuɛ̈n 17:12

Go kɔc ke Yithriɛl lɛ̈k Mothe an, “Yen thökda ka!

1 Tham 31:12

go jööt ril röt jɔt, ku ciɛthkï në wɛ̈ɛ̈ric ëbɛ̈n ke ke lɔ Beth Can. Gokï gup ke Thaulo kekë wɛ̈ɛ̈tke bɛ̈ɛ̈i piny në päny kɔ̈u, ku bïïkï ke Jabec ku nyopkï keek ëtɛ̈ɛ̈n.