Amoth 6:1 - JAM DE NHIALIC 2011

¹ Amawoou në week, wek kɔc cï rëër lɔ läŋ yök në Dhiɔn, ku kɔc cï gup a päl piny në kuur ë Thamaria nɔm. Wek bänydït ke baai de Yithriɛl ee röt yök cït ka wär bäny ke juöör ëbɛ̈n. Wek kɔc ye kɔc ke kuɔɔny kɔɔr tëde keek!

Amoth 6:1 Iomraidhean Croise

1 Mel 16:24

Na wën ke ɣɔc kuur de Thamaria tëde Cemer në aguum kadhetem ke ateek. Go Omri pänydït yïk ëtɛ̈ɛ̈n ku jɔ cäk an Thamaria, në rin ke Cemer raan ɣɔn de kuur.

Diɛt 123:4

Wok cï lɛ̈ɛ̈t ë kaam bäär yic në kɔc kueth ku dɔl wook gup në kɔc ee röt lɛɛc.

Kɛ̈ŋ 1:32

Kɔc piɔl piɔ̈ɔ̈th ayek thou në baŋ ye kek pɛlënɔm rɛɛc. Ku dhän aye dhääl ye kek käŋ dhɔ̈liic ke riɔ̈ɔ̈k.

Yith 33:14

Kɔc ke Dhiɔn ee karɛc looi alɛth ë riɔ̈ɔ̈c keek. Ayek lueel an, “Guiëër de löŋ de Nhialic acït many dɛ̈p aɣet athɛɛr. Duëër dɛ raan bï poth në many cït ee kënë?”

Jeremia 2:3

Yïn Yithriɛl yïn ee këdï Yatök, yïn ee kë cï kɔn luɔk ɣeric. Yɛn cï nuan, ku riääk tuöc kɔc ee yïn luöi kërac. Acä lueel, Yɛn Bɛ̈nydït.”

Jeremia 48:11

Go Bɛ̈nydït lueel an, “Mowap acï ceŋ ke rëër në mätic ku akën ë kɔn peec. Mowap acï ciët mɔ̈n cï pɔ̈l ke kiët ke cïï tɔɔric ku akënë wuöl në gulic tɛ̈ɛ̈uwë ë guldäŋic. Awäude akënë kɔn riɔ̈ɔ̈k, ku amit arëët.

Jeremia 49:31

‘Bäkkï! Wo bï jurë bɛ̈n mak, kɔc ee ye lueel an lek läŋ ku tɔ̈ukï ë mätic! Pänydïïtden acïn thok athïïn ku acïnkï gɛ̈ɛ̈rgɛ̈ɛ̈r, ku acïn kë gël en taitai.’

Jeremia 5:5

Yɛn bï lɔ tëde röördït, ku jam wo keek. Ee yic aŋickï kë kɔɔr ë Nhialicden, kë kɔɔr ë Bɛ̈nydït bïk looi.” Ku keek kedhie acïk bääny de Bɛ̈nydït rɛɛc ku acïk jaai bïk riëëu.

Jeremia 7:4

Duökï wël ke mɛthkë ee piŋ an, ‘Wok lɔ läŋ! Kënë ee Luaŋdït! Kënë ee Luaŋdït! Kënë ee Luaŋdït!’

Dhiëëu 1:1

Eeŋö cïï Jeruthalem döŋ aya yetök, wun wään cï kɔn thiäŋ ke kɔc! Wun wään ye juöör riëëu, ënɔɔnë acï ciët tiiŋ thuööm. Adhuëëŋ ke pɛ̈ɛ̈nydït acï keek tɔ ye lïïm.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Amoth 3:9

Lɛ̈kë kënë kɔc rëër në ɣööt ke bäny ke Acedɔd yiic, kekë bäny ke Rip, an, “Bäkï në kur ke Thamaria nïïm, bäk tiëŋkï awënwën loi rɔt, ku yaaŋ yɔŋë ë kɔc röt.

Amoth 4:1

Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Amoth 9:10

Kɔc ee karɛc looi kedhie në kɔckï yiic abïk dhil thou në abätäu, kɔc ee ye lueel an, ‘Acïn kërɛɛc bïï Bɛ̈nydït bɛ̈ɛ̈i në wogup.’

Maika 3:1

Go Maika lueel an, “Piɛŋkï wek bäny dït ke baai de Yithriɛl. Cäkï yic duëër ŋic ku luɔikï?

Dhep 1:12

“Në aköölkë ee manyalath yen abä nööm ku kaar Jeruthalem yic. Ku luöi këtuc kɔc cï piɔ̈ɔ̈th kuɛth ee röt ŋɔ̈ɔ̈th, ee ye lueel an, ‘Acïn kë bïï ë Bɛ̈nydït luöi wook, nɔn yen këpiɛth ku nɔn ee kërac.’

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

Jakop 5:5

We ye röt ŋiëc kapiɛth ë piny nɔm, ku yak kuɛth ë yänydun kɔɔr, we ye röt tɔ kueth ë kuɛth ee kɔc kuɛth ëkööl ee käŋ nɔ̈k.

1 Pet 5:7

Yak diɛɛrduön aa wek diɛɛr ëbɛ̈n cuat ë yekɔ̈u, luɔi ee yen diɛɛr në këdun.

Bäny 18:7

Ago röörkë kadhïc jäl, ku lekkï Laic, gokï kɔc rɛ̈ɛ̈r ëtɛ̈ɛ̈n tïŋ ke ke rɛ̈ɛ̈r ë lik, cï kɔc ke Thidon. Acïn kë diir keek ku lek yum. Në luɔi ye pinyden ŋiëc luɔk, acïk kuɛth. Ku keek ayadäŋ arëërkï tëmec ë kɔc ke Thidon, ku cïn wuöt kɔ̈k de kek nïïm amat.