Amoth 5:3 - JAM DE NHIALIC 2011

³ Acïï Bɛ̈nydït Awärjäŋ lueel an, “Pänydïït töŋ bï agum de rem ë tɔŋ aa lɛɛr tɔŋ, ee bɔt tök yen bï yenɔm aa lɔ dɔ̈k ciëën. Ku pänydïït däŋ bï bɔt lɛɛr tɔŋ, ku ee thiëër kek bï röt aa lɔ pɔ̈k baai de Yithriɛl.

Amoth 5:3 Iomraidhean Croise

Diɛt 144:14

Tɔ ɣɔ̈kkuɔ ye dhiëth apiɛth ku bï ciën kɔ̈k ee thou, ku cïkï ee määr. Tɔ cïn dhiëëu ku jiɛthëpiɔ̈u ë kuɛɛrkuɔ yiic kedhie.

Yith 1:9

Të ë Bɛ̈nydït de rɛm ë kën kɔc kɔ̈k pɔ̈l apïr, adï cï Jeruthalem riɔ̈ɔ̈k taitai, cït man ë Thɔdom ke Gomoora.

Yith 10:22

Cakaa nɔn juëc ë kɔc ke Yithriɛl ënɔɔnë cït liɛɛt ë wɛ̈ɛ̈r yɔu, ee kɔc lik kek abï lɔ bɛ̈n ciëën. Në biäk cïï riääk thiäŋ ke piathëpiɔ̈u täu keek ku arɔ̈ŋ ke keek ë liŋliŋ.

Yith 6:13

Cakaa raan tök yen ë dɔ̈ŋ ë kɔc kathiëër yiic, yen abïï riɔ̈ɔ̈k aya, abï ciët tim de ɣok cïï ë luc döŋ piny të cïï ë yen yep.” (Kɔc ɣeriic ke Nhialic kek ee luny bï röt bɛ jɔt.)

Edhekiɛl 12:16

Yɛn bï kɔc lik tɔ pïïr në tɔŋic, ku cɔk, ku jɔɔk, yen abïï kek e jɔ ŋic në juöör yiic ëtɛ̈ɛ̈n, abïk jɔ ŋic nɔn rɛɛc ë ka wään yek looi, ku abïk a ŋic nɔn ee Yɛn Bɛ̈nydït.”

Amoth 6:9

Na de röör cï döŋ apïïr baai kathiëër, abïk ŋoot ke ke thou.

Romai 9:27

Ku Yithaya ee cööt në këde Yithriɛl an, “Na cak mïth ke Yithriɛl juëc acïtkï nɔn ë liɛɛt nu wɛ̈ɛ̈r yɔu, ee kɔc lik cï döŋ tei, kek abï kony wëi.

Nyöŋ 28:62

Cak aa wek ë cï juëc abäk ciët kuɛl nu nhial, ee kɔc liaakäŋ tei kek abï pïïr ë weyiic, në biäk kën wek Bɛ̈nydït Nhialicdun riëëu.

Nyöŋ 28:63

Cït man Ye Bɛ̈nydït piɔ̈u miɛt në kuɛthdunic, ku juëc bä wek juëc, yen abï Yen piɔ̈u miɛt aya në riääk riëëk En week, ku bïï riääk dït tëde week. Wek bï cuän bei në piny bäk lɔ nöömë yic.

Nyöŋ 4:27

Bɛ̈nydït abï week thiäi piny ë juööriic, të bïï kɔc liaakäŋ kapäc lɔ pïïr ë we yiic.