Amoth 5:26 - JAM DE NHIALIC 2011

²⁶ Ku ënɔɔnë, në biäk cä wek yiëth lam, yanh cɔl Thakuth melikdun, ku Kaiwan yanhduön ë kuel, kek ee yiëthkuön cäk guɛ̈ŋ röt, abäk keek ɣääc wadäŋ,

Amoth 5:26 Iomraidhean Croise

1 Mel 11:33

Në luɔi cï Tholomon A pɔ̈l, ku le yiëth kɔ̈k lam yï Acetoreth yanh ë Thidon ku Cemoc yanh ë Mowap ku Molek yanh de Ammon. Tholomon acïï kuɛɛrkï kuany yiic, ku looi yic në Yanɔm ku döt lööŋkï, ku lööŋ ɣɔn cä tääu piny bï ke lɔ̈ɔ̈k aa looi cït man ɣɔn ye wun Debid ke looi.

Edhekiɛl 20:16

Yɛn aa loi gutguut në biäk cïï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl de Thabath, ku kɔɔrkï bïk yiëthken aa lam.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Amoth 5:27

të la Yɛn week tɔ pec, leerë week paan tɔ̈u në Damathko kɔ̈u ciëën.” Yen kë cïï Bɛ̈nydït lueel ka, ku rinke acɔl keek Nhialic Awärjäŋ.

Luɔi 7:43

Aa ye paany de yanh cɔl Molek yen ë ɣääckï, ku damkï kuel de yanhduön Repan, ka cäk cuëëc ayek yiëth bäk ke aa lam. Ku ënɔɔnë, we bä lɛɛr ë Babilon baŋ tui.’