Amoth 5:25 - JAM DE NHIALIC 2011

²⁵ “De miɔ̈c de kë näk ë cäk gäm Ɛn, baai de Yithriɛl në run yiic kathiërŋuan, run ɣɔn caath Ɛn week në jɔ̈ɔ̈ric?

Amoth 5:25 Iomraidhean Croise

Neɣe 9:18

Cakaa ɣɔn cï kek röt luöi yanh cïk looi ke cït guöp miɔɔr thiin ë weŋ, ku luelkï an ee yen nhialiny ë bïï ke bei ka paan ë Rip! Ka, cïk Yïn jɔ läät në lɛ̈ɛ̈t rac Bɛ̈nydït!

Neɣe 9:21

Në run kathiërŋuaniic në jɔ̈ɔ̈ric, acï ke gäm këriëëc kɔɔrkï ëbɛ̈n, lupɔɔken acïkï ee rɛɛt, ku cökken akën arɛɛm ke tɔ but.

Edhekiɛl 20:16

Yɛn aa loi gutguut në biäk cïï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl de Thabath, ku kɔɔrkï bïk yiëthken aa lam.

Edhekiɛl 20:24

Yɛn aa loi ee kënë në biäk cï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl ë Thabath ku lamkï yiëth wään ye kuarken luööi.

Edhekiɛl 20:8

Ku acïk a rɛɛc, ku cïkï yɛn ee piŋ thok. Akënkï yiëth rackɛnkë cuat wei ku mɛ̈lkï në yiëth ke Rip. Yɛn aa cï rɔt guiir, bä ke tɔ yök agönhdiën tuc wään ë Rip.

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Dhek 7:5

Lueel an, “lɛ̈kë kɔc cieŋ piny kedhie, ayï bäny ke kakë Nhialic, an nɔn ya wek thek, ku dhiaukï në pɛɛi ye pɛ̈i dhïc, ku pɛɛi ye pɛ̈i dhorou në ee runkë yiic kedhie kathiërdhorou, ë we ye thek në këdï?

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.