Amoth 5:2 - JAM DE NHIALIC 2011

² Yithriɛl nyan kën kɔn yök ke moc ë wïïk, acïï rɔt bï bɛ lëu në jöt! Acï pɔ̈l adhɔt piny, ke cïn raan jɔt e nhial.

Amoth 5:2 Iomraidhean Croise

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 17:16

Acïk lööŋ ke Bɛ̈nydït Nhialicden dhoŋ kɔ̈ɔ̈th ëbɛ̈n, ku luikï röt yiëth ke daau kaarou bïk keek lam, ku loikï yanh tiiŋ cɔl Acera, ku yek kuɛl nhial lam ku luuikï Baal.

Yith 14:21

Guiɛɛrkï kɔc ee kɔc tɛm röt! Näkkï wɛ̈ɛ̈t ke meliŋë në biäk de awɛ̈ɛ̈c ke kuarken! Acïn raan ë keyiic bï rɔt bɛ jɔt ku mɛc piny ku nɔn be yïk nɔm ë pɛ̈ɛ̈nydït.

Yith 24:20

Piny guöpde abï tuëk ë käŋkäŋ cï raan cï wiɛɛt, ku tɛɛny rɔ cï kät beŋ ë amaŋ. Piny nɔm acïï awɛ̈ɛ̈cke tiaam, abï wïïk ku acïï rɔt bï bɛ jɔt.

Yith 3:8

Ɣɛɛ, Jeruthalem ariäk! Ku Juda awiëëk! Në biäk ye kek Bɛ̈nydït wööc piɔ̈u në jam ku luɔi de këriëëc ëbɛ̈n, ku lɛ̈ɛ̈tkï Nhialic Guöpde në dhuëëŋ de yic në kɔc nïïm.

Yith 37:22

acïï Bɛ̈nydït lueel an, “Nyan de Dhiɔn adɔl yïguöp, ku nyan de Jeruthalem abiɔn Thenakerip guöp.

Yith 43:17

Acï rem de tɔŋ ril wat bïï ke lɔ riɔ̈ɔ̈k, rem de tɔŋ de abëël ku jöŋgöör. Acïk lööny piny ku cïkï röt be jɔt, acï ke kuɔɔth wei cï many de alath!

Jeremia 14:17

Bɛ̈nydït acï yɛn yɔ̈ɔ̈k bä kɔc lɛ̈k jiɛthëpiɔ̈ndï, ku guɛɛr an: “Në ya wat nyin në pïïu aköl ku wakɔ̈u, në ya cïï kääc ë dhiëëu, në biäk cïï kɔckï yiëk gup bɔ̈ɔ̈tdït, ku acï ke gäm gup tëtöök.

Jeremia 18:13

Aye Bɛ̈nydït lueel an, “Luɔpkï juöör ëbɛ̈n na cï kë cït ee kënë kɔn tuöl. Kɔc ke Yithriɛl acïk kërac aläl looi!

Jeremia 2:27

Wek bï yɔ̈ɔ̈r gup, wek kɔc ee ye lueel nɔn ye tim wuur ku ye kuur moor. Kënë abï rɔt looi në biäk cïï wek röt yal wei tëde Yɛn në nyin duëër wek röt dɔ̈k Ɛn, ku na tɔ̈ukï në riääkic, wek ee Ya bɛ̈n kɔɔr bä we kony.

Jeremia 31:4

Ku wek bä bɛ nyɔk ë yïk. Ku wek bï göölkun bɛ nööm ku cäŋkï ë miɛtëpiɔ̈u.

Jeremia 4:20

Riäŋë ee bɛ̈n në riäŋë cök, piny ëbɛ̈n acï döŋ ke cï riääk. Ago pɛɛnykuɔ riɔ̈ɔ̈k ëthiäu aya, ku retë lupɔɔ ke awëërken nyïïn, ku temë keek.

Jeremia 50:32

Jurduön e guöp lɛc, abï tuëk ku wïïk, acïn raan bï ye kuɔny bä rɔt jat nhial. Yɛn bï pɛ̈ɛ̈nydïtku ɣök mac, ku këriëëc tɔ̈u ëtɛ̈ɛ̈n ëbɛ̈n abï riääk.”

Jeremia 51:64

ku luel an, ‘Kënë yen abï tuöl tëde Babilonia, abï mou ku acï rɔt bï bɛ jɔt taitai, në biäk de riääk bïï Bɛ̈nydït yiɛ̈n yen.’” Wël ke Jeremia acïk jɔ kɔ̈ɔ̈c ee tënë.

Jeremia 8:4

Go ë Bɛ̈nydït lɛ̈k yɛn, bä lɛ̈k kɔcke an, “Të cïï raan wïïk, cïï rɔt ee bɛ jat nhial? Ku të cïï raan kueer mɔ̈ɔ̈r, cïï rɔt ee pɔ̈k ciëën?

Jeremia 9:21

Thuɔɔu acï bɛ̈n thïn në awëërkuɔ nyïïn, ku le ë ɣöötkuɔn ke bääny yiic, acï mïth dhuɔŋ piny ë kuɛɛr yiic, ku dhoŋ dhuök piny ë ɣään ke ɣööc yiic.

Jeremia 9:9

Cä keek duëër luöi këtuc ë biäk de ee kakë? Cä rɔt duëër guöör ë jur cït ee kënë? Acä lueel, Yɛn Bɛ̈nydït.”

Dhiëëu 2:13

Jeruthalem oou, Jeruthalemdiën nhiaar, eeŋö duɛ̈ɛ̈r lueel? Duɛ̈ɛ̈r yïn tɔ dut piɔ̈u adï? Acïn raan cï kɔn nuan cït man ee kënë? Riääk de nyan de Dhiɔn acïn pëk, acït wɛ̈ɛ̈r, acïn kuɔɔny thiɔ̈k bïï ë yï kony.

Ɣodh 14:1

Puɔ̈kkï röt Bɛ̈nydït Nhialicdun, wek kɔc ke Yithriɛl. Awɛ̈ɛ̈ckun acïk week tɔ tuëk ku wiɛ̈ɛ̈kkï.

Ɣodh 6:2

Abï wook tɔ pïïr ee nïnkë yiic kaarou, ku në nïnkë yiic kadiäk abï wook jat nhial, ka wok bï bɛ rëër në Yen.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.