Amoth 5:18 - JAM DE NHIALIC 2011

¹⁸ Amawoou në week, wek kɔc kɔɔr bɛ̈n de kööl ë Bɛ̈nydït. Eeŋö kɔ̈ɔ̈rkï kööl ë Bɛ̈nydït? Ku abï ya kööl col ë cut tëde week, ke cie kööl ɣer.

Amoth 5:18 Iomraidhean Croise

Yith 13:6

Arɔ̈ɔ̈l në arɛɛm! Kööl ë Bɛ̈nydït ë thiɔ̈k, kööl bï Nhialic Awärjäŋ riääk bɛ̈ɛ̈i.

Yith 24:18

Raan lɔ kak ë riɔ̈ɔ̈c abï lööny ë pulic, ku raan raan lɔ ban në pulic abïï wïn ë dɛ̈p dɔm. Amaŋ de deŋ abï bɛ̈n tënhial, ku këërkëër ë piny abï lath.

Yith 5:19

Ayak lueel an, “Adï jɔ Bɛ̈nydït dap bɛ̈n, ku looi kë cï lueel an bï lëu ke buk tïŋ, Nhialic Ɣeric de Yithriɛl aduëër wo dap nyuöth kiɛɛu de kë buk ŋic.”

Yith 5:30

Të le köölë bɛ̈n, abïk roor aläl ke ke bɛ̈k Yithriɛl cït man ë wɛ̈ɛ̈r. Tiëŋkï wut! Ee mɔ̈ɔ̈th ku nuandït! Ɣɛɛr acïï ë mɔ̈ɔ̈th liek.

Yith 58:2

Ayek a lam aköölnyïïn, ku yek lueel nɔn kɔɔr kek bïk kuɛɛrkï ŋic ku bïk lööŋkï riëëu, abïk ciët jur ee piathëpiɔ̈u looi. Akɔɔrkï bä keek gäm lööŋ kapäc, ku an yek piɔ̈ɔ̈th miɛt ë läm ye kek Yɛn lam.”

Yith 8:22

ku lieckï piny, ku acïn däŋ bïk tïŋ ee nuan ku mɔ̈ɔ̈th, ku riɔ̈ɔ̈c de cuɔlëpiny copë ke thïn.

Yith 9:19

Në biäk de agönh ë Bɛ̈nydït de rɛm, guiëër ë löŋde adɛ̈p ë piny yic bɛ̈n ku riëëk kɔc, ku abï aa raan ke yenhde yetök.

Jeremia 13:16

Riëëukï Bɛ̈nydït Nhialicdun, të kën En cuɔlëpiny guɔ bɛ̈ɛ̈i, ku wek ee guɔ kɔ̈th në kur, ke ŋoot ke kën cuɔlëpiny dït bɛ̈ɛ̈i tëde ɣɛɛrduön yak ŋɔ̈ɔ̈th.

Jeremia 17:15

Aye kɔc lɛ̈k yɛn an, “Täu karɛc wään cï Bɛ̈nydït lueel an bïï ke bɛ̈ɛ̈i ë wogup ënou? Tɔ ke looi keek ënɔɔnë!”

Jeremia 30:7

Kööl rac abɔ̈, acïn kööldäŋ bïï thɔ̈ŋ en, ee kööl ë jiɛthëpiɔ̈u tëde kɔckï, ku abïk pïïr.”

Edhekiɛl 12:22

“Mɛnh ë raan, eeŋö ye kɔc ke Yithriɛl kääŋë nyɔkic: ‘Akööl ayek tëëk, ku kë cï caar acie aa yic’?

Edhekiɛl 12:27

“Mɛnh ë raan, baai de Yithriɛl ayek tak nɔn ee nyuuthku, ku ka cï keek caar ajamkï në biäk de ka bï bɛ̈n rial miäk wadäŋ.

Jowɛl 1:15

Ee kööl rɛɛc cït ŋö! Në baŋ cï kööl ë Bɛ̈nydït thiɔ̈k. Abï ya kööl ë riääk ë bɔ̈ tëde Nhialic Awärjäŋ.

Jowɛl 2:10

Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Jowɛl 2:11

Bɛ̈nydït ee rel në rem de tɔŋde nɔm tueŋ. Rem de tɔŋ ee löŋde riëëu ajuëckï ku arilkï. Kööl ë Bɛ̈nydït ee kööldïït tuc thok! Eeŋa bï ye lëu në guöm?

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Obadaya 1:15

Ago Bɛ̈nydït jam lueel an, “Akööl acïk thiɔ̈k, akööl bän juöör ke piny nɔm luöi këtuc kedhie. Kë cäk looi wek kɔc ke Edom, yen abï bɛ luöi week. Kë man ë luɔikï, yen abï rɔt bɛ puɔ̈k week.

Malakai 4:1

Piɛŋkï kë lueel ë Bɛ̈nydït de rɛm an, “Kööl abɔ̈ ë yic, kööl bï tuöc arëët cït many ë tim cï riɔu. Ee kööl bän kɔc ee kenïïm ɣääc nyuɔp piny kedhie abïk dëp cït man aɣɔ̈l, ayï kɔc ee karɛc looi. Abïk dëp kedhie taitai abï ciën raan tök në keyiic.

Nyöŋ 32:24

Abïk thou në cɔk ku atuöc, ku abïk thou në jɔɔk tuc thook. Ku abä ke tuöc läi röör bï keek mak, ku karɛc de thook wurïï bï keek kääc.

2 Pet 3:10

Ku kööl ë Bɛ̈nydït abï bɛ̈n cït man ë cuɛ̈ɛ̈r, Në ee köölë tënhial abï nyaai në awuööu dït, ku lɛ̈ɛ̈ŋ kanhial në tuöc de manydït, ku piny abï nyop kekë ka cï looi thïn abï lɔ kuith piny.

2 Pet 3:4

bïkkï luelkï, an, “Bɛ̈ndɛn, an, bï en bɛ̈n akou? Të ɣɔn thouwë kuarkuɔ käŋ atɔ̈ukï kedhie ë täudɛn gɔlë piny ë cäk!”