Amoth 5:17 - JAM DE NHIALIC 2011

¹⁷ Ku anuɔɔn abï lɔ pat ë duum yiic kedhie, në luɔi cän bɛ̈n bä week bɛ̈n luöi këtuc. Yen kë cïï Bɛ̈nydït lueel ka.

Amoth 5:17 Iomraidhean Croise

Bɛ̈n 11:4

Go Mothe lɛ̈k melik an, “Acïï Bɛ̈nydït lueel an, ‘Rip abä caathic ëbɛ̈n ëlë wakɔ̈u,

Bɛ̈n 12:12

“Ee Yɛn Bɛ̈nydït, paan ë Rip abä caathic ëbɛ̈n në ee wɛ̈ɛ̈rë yic, ke ya näk mɛwä kɛ̈ɛ̈i ëbɛ̈n, kɛ̈i ë raan, ku kɛ̈i ë läi. Ku kuööm yiëth ke Rip kedhie në kuöm tuc. Ee Yɛn Bɛ̈nydït.

Bɛ̈n 12:23

Ku të le Bɛ̈nydït Rip caathic ke näk kɔc ke Rip, abï riɛm tïŋ ɣöt thok baŋë ku baŋë, ku baŋ nhial, ka cïï tuunynhial ë thuɔɔu bï bɛ tɔ lɔ ɣöndun le we nɔ̈k.

Yith 16:10

Acïn raan mit piɔ̈u në duum ŋic luɔk yiic. Acïn raan kit dit ku nɔn moc kiɛɛu de miɛtëpiɔ̈u në duum yiic. Acïn raan ee enap dhiim looi yen mɔ̈u, kiɛɛu de miɛtëpiɔ̈u acï thök.

Jeremia 48:33

Miɛtëpiɔ̈u ku dɔl acï keek jɔt piny piɛth de Mowap. Yɛn cï mɔ̈u pën wat tëde dhiëm de mɔ̈u, acïn raan ee mɔ̈u bɛ dhiim ë miɛtëpiɔ̈u, cöt acie cöt ë miɛtëpiɔ̈u.

Jowɛl 3:17

“Yen abä wek en jɔ ŋic ëgɔk ëtɛ̈ɛ̈n, Yɛn Bɛ̈nydït Nhialicdun. Nɔn rɛ̈ɛ̈r Ɛn në Dhiɔn kuurdiën ɣeric nɔm. Jeruthalem abï aa pänydït ɣeric, ku acïï rem de tɔŋ de alɛi bï bɛ nyɔk ë pɛ̈c taitai.

Naɣum 1:12

Kë ye Bɛ̈nydït lueel kï an, “Na cakaa nɔn juëc ë kɔc ke Athiriya, ku rilkï, abä ke riɔ̈ɔ̈r nyïïn ka bïk liu. Na cakaa nɔn cän week luöi këtuc wek kɔckï, wek cä keek bï bɛ nyɔk ë luöi Ɛn week këtuc.

Naɣum 1:15

Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Dhek 9:8

Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.