Amoth 5:15 - JAM DE NHIALIC 2011

¹⁵ Nhiaarkï këpiɛth, ku mankï kërac. Ku yak gööny ŋiëc guiir tëde gööny. Tɛk däŋ bï Bɛ̈nydït Nhialic Awärjäŋ piɔ̈u kok kekë kɔc lik cï döŋ baai de Jothep.

Amoth 5:15 Iomraidhean Croise

2 Tham 16:12

Tɛk däŋ bï Bɛ̈nydït piɔ̈u kok kekë yɛn, ku gëm ɛn këpiɛth në biäk cïï Cimei yɛn cieen!”

1 Mel 20:31

Go bänyke lɛ̈k en, an, “Acuk piŋ nɔn ee meliik ke baai de Yithriɛl ee piɔ̈ɔ̈th kok, takï wo tɛ̈ɛ̈u lupɔɔ ke cual në wokɔ̈ɔ̈th ku ceŋku awiɛɛth në woyiëth, tɛkdäŋ bï yï pɔ̈l apïïr.”

2 Mel 13:7

Jeɣowadh, aa cïn nɔm rem de tɔŋdɛn ë cï döŋ, aa döŋ ke ye kɔc kathiërdhïc ee cath ë jöŋgöör kɔ̈ɔ̈th kapäc, ku abëël ke tɔŋ kathiëër, ku aguum kathiëër de rem de tɔŋ cath ë yecök 10,000, në luɔi cïï melik de Thiriya rɛm kɔ̈kkë riɔ̈ɔ̈k, aake dum ke piny abïk ciët abuui.

2 Mel 15:29

Në akööl ke bääny de Peka melik de Yithriɛl, yen aa dɔmë Tiglath Pilethar, melik de Athiriya wuötkë: yï Yijon, Abel Beth Maaka, Janowa, ku Kedec, ku Ɣadhor, ku piiny ke Giliyad ku Galili, ku Naptali, ku lee kɔc Athiriya ke ke mac.

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

Diɛt 119:104

Yɛn ë pɛlënɔm yök tëde lööŋku, yen amaan ɛn luɔi de kërac ëbɛ̈n!

Diɛt 34:14

Päl kërac ku loi këpiɛth, ye mät kɔɔr në piɔ̈ndu ëbɛ̈n.

Diɛt 36:4

Ee kiɛɛr rac yen yek tak ëbɛ̈n të cï kek tɔ̈c, ku acïn këpiɛth yek bɛ looi, ku acïn kërɛɛcdɛn yek bɛ rɛɛc.

Diɛt 37:27

Päl luɔi de kërac, ku loi këpiɛth, ke yï bï pïïr anandu,

Diɛt 80:1

Piŋ wo röt, Yïn Tïn de Yithriɛl, Ye wo piŋ röt wok bäny ke lunydu. Yïn raan rɛ̈ɛ̈r në thöönydu nɔm në wuök ke cerubiim lɔ bilbil kɔ̈u,

Diɛt 97:10

Bɛ̈nydït anhiaar kɔc man luɔi de karɛc, mankï karɛc wek kɔc nhiaar Bɛ̈nydït, ee wëi ke kɔcke gël, ku kony keek ë kɔc rac cin.

Bɛ̈n 32:30

Na ɣɔn amiäk, ke lëk ë Mothe kɔc an, “Wek ë kërɛɛc dïït tuc thok looi. Ku ënɔɔnë, yɛn bï yanɔm puɔ̈k Bɛ̈nydït nhial në kuur nɔm ke we bä teem gum, në luɔi bï Yen we päl kërɛɛcdun.”

Jeremia 18:8

ku na cï ee jurë rɔt puk në karɛcke yiic, Yɛn cïï kë cä lueel an luɔi bï looi.

Jeremia 22:3

“Acä lueel Yɛn Bɛ̈nydït, luöi bä wek piathëpiɔ̈u ku yic aa looi. Yak raan mɛthë gël në raan cam en. Duökï raan lei, ku mɛnh abaar, ku tiiŋ abaar, ee kuöc luööi ku duökï yɔŋ, ku duökï kɔc cïn kë cïk wööc ee nɔ̈k ee të ɣericë.

Jeremia 31:7

Aye Bɛ̈nydït lueel an, “Kiɛtkï diɛt ke miɛtëpiɔ̈u në biäk ë Yithriɛl, jurdït ë juööriic. Kiɛtkï diɛtkuön ke alɛɛc, an, ‘Bɛ̈nydït acï kɔcke luök, acï kɔc cï döŋ kedhie kony.’

Edhekiɛl 45:9

Acïï Bɛ̈nydït Awärjäŋ lueel an, “Wek cï awɛ̈ɛ̈c looi në kaam bääric, wek bäny ke Yithriɛl! Pälkï akuöörkuöör ku yaaŋ de kɔc! Luɔikï yic, ku piathëpiɔ̈u. Wek cïï kɔckï bï bɛ nyɔk ë cuɔp wek keek wei pinyden. Yɛn Bɛ̈nydït Awärjäŋ, ee Yɛn lɛ̈k week ee kënë.

Danyel 2:49

Go Danyel melik lip, ago melik Cadrak, ku Mecak ku Abenego kuany ku tɛ̈ɛ̈u keek në bääny de paan de Babilon nɔm, ku Danyel acï bɛ̈n döŋ ke rɛ̈ɛ̈r ë luŋ de melik yic.

Jowɛl 2:14

Eeŋa ŋic en, tɛk däŋ, duëër Bɛ̈nydït Nhialicdun yenɔm waar, ku thieei week në rɛɛp juëc. Ku ëtɛ̈ɛ̈n aduɛ̈ɛ̈rkï gäm miɔ̈c ë rap ku miɔ̈c ye dek.

Amoth 5:10

Wek ee kɔc ee week jɔ̈ɔ̈ny tëde gööny maan, ku kɔc ee yic lueel ayak keek guɛɛny wei.

Amoth 5:24

Takï ŋiëc guiëër de löŋ tɔ wat cït man ë pïïu, ku takï piathëpiɔ̈u thiɔɔr cït man ë kiir.

Amoth 5:6

Bä tëde Bɛ̈nydït, ku yïn bï pïïr. Na cïï bɔ̈, Yɛn bï paan ë Jothep dap nap wei ëbɛ̈n cït man ë mac. Ku Bethel abï ciët kë cï ɣɔ̈k many cïn raan lëu en në liiu.

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Amoth 7:3

Go Bɛ̈nydït piɔ̈u kok, ku lueel an, “Në biäk de lɔ̈ŋdu, kë cï tïŋë acïï rɔt bï bɛ looi.

Jona 1:6

Na wën, ke yök ë bɛ̈ny de abël wïïr en ëtɛ̈ɛ̈n, ku lëk en an, “Eeŋö loi ke yï nin? Jɔt rɔt ku cɔl yanhdu. Na de të bïï yen piɔ̈u kok ke wook ku luɛ̈k wo wëi.

Jona 3:9

Na de të bïï Nhialic E piɔ̈u puk, ago löŋ waaric, nɔn de të bïï Yen agönhde pɔ̈l, ke wo cïï bï thou! Go kɔc ke Ninebe jam de Nhialic gam, ku yöökkï röt bïk thek, keek kedhie ayï mïth ayï röördït, ku tɛ̈ɛ̈u kɔc lupɔɔ ke cuɔl ë kekɔ̈ɔ̈th, yen abï ye nyuɔɔth nɔn cïï kek karɛcken pɔ̈l.

Maika 2:12

Go Bɛ̈nydït lueel an, “Wek kɔc lik ke baai de Yithriɛl cï döŋ apïïr, wek bä määt yiic tëtök wedhie, abäk ciët thök nu kɛl, ku ciëtkï thök nyuäth në tɔ̈ɔ̈ric. Ka piny abï thiäŋ ke kɔc.

Maika 3:2

Ku ënɔɔnë, wek nhiaar kërac, ku mankï këpiɛth. Wek ë kɔckï yaaŋ apïr cït man ye yiëëp läi yaaŋ, ku lëny rïŋ bei në yom kɔ̈ɔ̈th.

Maika 5:3

Në biäk de ee kënë, Bɛ̈nydït abï kɔcke kɔn päl wei, agut të bïï tiiŋ rɔ̈p kɔn dhiëth, ku kɔn kɔckɛn cï döŋ apïïr kenïïm puk, bïk bɛ̈n mat në Yithriɛl.

Dhep 2:3

Calkï Bɛ̈nydït wek kɔc ee röt kuɔɔr piny cieŋ piny, kɔc ee löŋde gam. Liɛpkï piathëpiɔ̈u, ku koor ë rɔt piny. Tɛk däŋ bäk poth në këtuc thok në kööl agönh de Bɛ̈nydït.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Romai 7:22

Yɛn mit piɔ̈u wokë löŋ de Nhialic ë yayic thïn,

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

3 Jɔn 1:11

Mɛnh nhiaar, du luɔi rac ee dɔmic, ee luɔi piɛth en ee dɔmic. Raan ee këpiɛth looi ee këde Nhialic: ku raan ee kërac looi akën Nhialic tïŋ.