Amoth 5:11 - JAM DE NHIALIC 2011

¹¹ Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Amoth 5:11 Iomraidhean Croise

Jop 20:19

në luɔi cïï yen kɔc kuanynyïïn päl wei, ku yɔŋ keek ku rum ɣööt cïï kɔc kɔ̈k yïk.

Yith 16:10

Acïn raan mit piɔ̈u në duum ŋic luɔk yiic. Acïn raan kit dit ku nɔn moc kiɛɛu de miɛtëpiɔ̈u në duum yiic. Acïn raan ee enap dhiim looi yen mɔ̈u, kiɛɛu de miɛtëpiɔ̈u acï thök.

Edhekiɛl 26:12

Kɔc ke aterdun abïk röt kony në kajuëckun ku ɣɔɔckï keek. Abïk pɛ̈ɛ̈nykun jäp piny, ku thuurkï ɣöötkuön läk piny. Abïk kur, ku tiim ku kɔi kor jɔt ëbɛ̈n, ku wɛ̈lkï keek ë wɛ̈ɛ̈r yic.

Edhekiɛl 34:21

Wek ee thök tök gup jäp wei ku cuɔpkï ke wei në thök yiic.

Ɣodh 9:2

Yiukuön ke rap abïk yiic ciën rap, ku töönykuön ke mäu abïk yiic ciën mäu.

Lebai 26:16

Wek bä jɔ luöi kakë: Wek bï yiɛ̈n riääk ëthiäu, wek bä yiɛ̈n jɔɔk thöl kɔc, ku atuöc bï week tɔ cɔɔr, ku nyiith wëikun wei, wek bï rap aa cuöm baŋ, në biäk bï kɔc dɛ wek ater ke cam.

Amoth 2:6

Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Amoth 2:7

Ayek cath në kɔc kuanynyïïn kɔ̈ɔ̈th ku kɔc cïï ril cït ka cath piny. Ku yek kɔc kuanynyïïn jäp wei kueer. Meth kekë wun ayek tɔ̈c në tiiŋ lïm töŋë, ke wëërkï, ku riäkkï rinkiën ɣeriic.

Amoth 3:15

Yɛn bï ɣöötkɛn ë aruöt, ku ɣöötkɛn amäi dhuɔŋ piny. Ɣööt cïk jäm në tuŋ ke akɔ̈ɔ̈n, abä keek jäp piny. Ku ɣöötdïtken abïï keek riɔ̈ɔ̈k. Yen kë cïï Bɛ̈nydït lueel ka.

Amoth 3:9

Lɛ̈kë kënë kɔc rëër në ɣööt ke bäny ke Acedɔd yiic, kekë bäny ke Rip, an, “Bäkï në kur ke Thamaria nïïm, bäk tiëŋkï awënwën loi rɔt, ku yaaŋ yɔŋë ë kɔc röt.

Amoth 4:1

Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Amoth 6:11

Ku ënɔɔnë, acï Bɛ̈nydït lueel an bï, ɣöötdït thuöör piny, ku dhoŋ ɣööt kor piny taitai.

Amoth 6:12

Duëër jöŋgöör riŋ në awiɛn ke kur nïïm? Ku duëër raan wɛ̈ɛ̈r puuric në miöör? Ku ka ye piathëpiɔ̈u ke luɔk, acäk ke puk ke ke ye kake kɛcëpiɔ̈u.

Amoth 8:4

Piɛŋkï kënë, wek kɔc ee cath në kɔc kuanynyïïn kɔ̈ɔ̈th, ku yak kɔc cïn käŋ kɔɔr nɔn thɔ̈l wek kenyïïn.

Amoth 9:14

Yɛn bï kɔckiën ke Yithriɛl cï lɔ në pɛ̈cic bɛ pɔ̈k nïïm ciëën pinyden. Ku bïk pɛ̈ɛ̈nydïtkɛn cï riääk bɛ nyɔk në yïk, ku ɣapkï keek, abïk duum ke enap com, ku dëkkï në mɔ̈nde, abïk duum ke tiim aa com, ku camkï mïth ke tiim.

Maika 1:6

Ago Bɛ̈nydït lueel an, “Thamaria abä riɔ̈ɔ̈k taitai, abï döŋ piny ke ye akuut ke tiɔp. Ku Yɛn bï kur ke ɣöötke thɔɔc nïïm në wakic, ku riäär këërkëër ke ɣöötke piny liŋliŋ. Ku ta ye duum bï kɔc aa com thïn.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Maika 6:15

Wek bï aa com, ku cïn këduön tɛmkï. Wek bï miök aa nyiith, ku cïn kë tac wek. Wek bï enap aa dhïïm, ku cïn mɔ̈n dɛkkï.

Dhep 1:13

Kaken abïï keek peec, ku riäk ɣöötken, acïkï ɣööt yïkkï bï cieŋ, ku nɔn dekï mɔ̈n de mïthkɛn ke tiim ë comkï.

Ɣagai 1:6

Wek ee ka juëc com, na miäk ke we tem ka lik. Wek de nïïm kacamkï, ku acïkï week ee kueth. Wek de nïïm mɔ̈n yak dek, ku acïkï week ee kueth! Wek de nïïm lupɔɔ ke kum, ku acïkï week ee tɔ tuc gup. Ku raan ee luui acïï ariöpde ee lëu.

Malakai 1:4

Tɛk däŋ, duëër kɔc ke Edom, dhiën de Ethau, lueel an, “Na cakaa nɔn cï wo riɔ̈ɔ̈kë, wok bï bɛ yïk. Ku kë cï Bɛ̈nydït de rɛm lueel kï an, “Tɛk däŋ bïk keek bɛ nyɔk në yïk, ku abä keek bɛ nyɔk në riäk riääk Ɛn keek, man abï keek aa cɔɔl an kɔc rac, ku cɔl keek an jur ye Bɛ̈nydït gɔ̈th ke keek aɣet athɛɛr.

Nyöŋ 28:30

“Wek bï nyan kaarkï aa lɔc, ku abïï ë raan däŋ thiaak. Wek bï ɣööt aa yïk, ku we cïï bï rëër thïn taitai. Wek bï tim de enap com, ku wek cïï mïthke bï cam taitai.

Jakop 2:6

Ku week, we ye raan kuany nyin tɔ cïn naamde. Ku na kɔc cuai, cïkï week ee cieŋ ë ciɛɛŋ rac, ku cïkï week ee thɛl ë bäny ke gööny nïïm?