Amoth 5:1 - JAM DE NHIALIC 2011

¹ Piɛŋkï dinë, baai de Yithriɛl, piŋ din dhiëëu Ɛn yïn arëët.

Amoth 5:1 Iomraidhean Croise

Jeremia 18:13

Aye Bɛ̈nydït lueel an, “Luɔpkï juöör ëbɛ̈n na cï kë cït ee kënë kɔn tuöl. Kɔc ke Yithriɛl acïk kërac aläl looi!

Jeremia 7:29

“Kɔc ke Jeruthalem dhiaukï, tɛmkï nhïmkun ku cuatkï keek wei. Kiɛtkï diɛt ke dhiëëu në kur nïïm, në biäk cän göth, Yɛn Bɛ̈nydït, ku Yɛn cï kɔckï rɛɛc.

Jeremia 9:10

Acä lueel, an “Yɛn bï kur dhiëëu ku dhiaau në biäk de ɣään ke nyuäth, në biäk cï kek ril wei, ku cïn raan ee cath ë keyiic. Röl de ɣɔ̈k acie bɛ piŋ, diɛt ku läi roor acïk kat ku jiëlkï.”

Jeremia 9:17

Acïï Bɛ̈nydït de rɛm lueel an, “Ye kë loi rɔt looi tak! Calkï kɔc ee dhiau bïk bɛ̈n, calkï diäär ee din ë dhiëëu kiit.”

Jeremia 9:20

Aguɔ lueel an, “Piɛŋkï kë lueel Bɛ̈nydït wek diäär, ku yak wëlke yökiic. Wɛ̈ɛ̈tkï duetkun ë dhiëëu, ku wɛ̈ɛ̈tkï määthkun ë diɛt ke dhiëëu.

Jeremia 9:9

Cä keek duëër luöi këtuc ë biäk de ee kakë? Cä rɔt duëër guöör ë jur cït ee kënë? Acä lueel, Yɛn Bɛ̈nydït.”

Edhekiɛl 19:1

Acïï Bɛ̈nydït lɛ̈k ɛn, bä ë dinë kɛ̈t wɛ̈ɛ̈t meliik ke Yithriɛl kaarou:

Edhekiɛl 19:14

Guöp de tim ë mac dɔm, go mac kërke ku mïthke nyop. Kërke acïkï bï bɛ riɛl, ka acïkï duëër bɛ ya thieec ke bääny. Kënë ee din de dhiën ë piɔ̈u, aaye ket ku nyöökë yic në kët.

Edhekiɛl 26:17

Abïk yïn kɛ̈t din de dhiëëuwë: Pänydït de kɛk acï riɔ̈ɔ̈k! Abëëlkuön wïïr acï ke nap wei ë wɛ̈ɛ̈r yic. Kɔc ke ee pänydïïtë amackï wɛ̈ɛ̈r ku tɔkï kɔc rɛ̈ɛ̈r ë wɛ̈ɛ̈r thok ëbɛ̈n riɔ̈c.

Edhekiɛl 27:2

“Mɛnh ë raan, kɛ̈të din de dhiëëu Tayer,

Edhekiɛl 28:12

“Mɛnh ë raan, dhiëëuwë riääk bï melik de Tayer yök. lɛ̈kë kë luɛɛl, yɛn Bɛ̈nydït Awärjäŋ: Yïn aa thiäŋ we pɛlënɔm ɣɔn, kekë läk cï dikëdik!

Edhekiɛl 32:16

Ku yen ee jänyë abï rɔt puk ke ye din ë dhiëëu. Abïï ë diäär ke juöör aa ket ke ye din dhiëëu kek Rip kekë kɔcke kedhie. Acä lueel, Yɛn Bɛ̈nydït Awärjäŋ.”

Edhekiɛl 32:2

“Mɛnh ë raan, jäny melik de Rip aläldïïtë. lɛ̈kë ee jamdiënë: yïn ee käŋ looi cï köör në juöör yiic, ku yïn cït nyaŋ ee bok kiir. Yïn ee pïïu tup nyïïn në yïcök abï pïïu ke kiɛɛr tuööp.

Amoth 3:1

Piɛŋkï kë cïï Bɛ̈nydït lueel në biäkdun wek kɔc ke Yithriɛl, kɔc wään bïï keek bei paan ë Rip kedhie. Acï lueel an,

Amoth 4:1

Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Amoth 5:16

Go Bɛ̈nydït Nhialic Awärjäŋ lueel an, “Abï dɛ dhiëëu ku arɔ̈ɔ̈l dït ë kuɛɛr ke pänydït yiic. Ayï kɔc nu në duum yiic, abï keek cɔɔl bïk kɔc cï thou bɛ̈n dhiëëu, mɛ̈tkï në kɔc cï riɔp bïk bɛ̈n dhiau.

Amoth 8:14

Ku kɔc lɔ aa kuëëŋ në Acima yanh de Thamaria, ku raan lɔ ye lueel an, ‘Në rin ke yanhdan tɔ̈u ë Dan, ku nɔn ee yanhdan tɔ̈u ë Biirceba,’ Kek ë kɔckë, abïk wïïk në wïïk cï kek röt bï bɛ jɔt.’

Maika 2:4

Në aköölkë, kɔc abïk week aa dɔl gup, ku ketkï week në din rɛɛcë an, ‘Wok cï ke riɔ̈ɔ̈k ë taitai! Piny de kɔckï acï kɔc tɛ̈k röt, ɣɛɛ! Acï nööm ë yic tëde wook oou! Ku tëk duumkuɔ kɔckuɔn ke ater!