Amoth 4:8 - JAM DE NHIALIC 2011

⁸ Ku kɔc cï yiɛɛl wei acïk thiëi ë wuöt yiic ke ke kɔɔr pïïu, ku acïn pïïu cïk yök. Ku wek ŋoot ke wek cïï röt puk Ɛn. Kë cïï Bɛ̈nydït lueel ka.

Amoth 4:8 Iomraidhean Croise

1 Mel 18:5

Go Aɣap lɛ̈k Obadaya an, “Lok ciɛɛthku pinyic ëbɛ̈n, ku nyïïniic ke pïïu ëbɛ̈n na de të bïï wo wal lɔ yok, wal bï jöŋgöör muk wëi ayï mul, na de të bï läi pïïr kedhie ke cïn kë bï thou.”

Yith 9:12

Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Jeremia 23:14

Ku Yɛn cï tït ke Jeruthalem tïŋ aloikï karɛc aläl, ayek diäär nööm ku luelkï lueth, ayek kɔc kuɔny bïk karɛc looi, ka acïn raan ee luɔi de karɛc dɔ̈m kɔ̈ɔ̈c. Aya ke tïŋ acïk rac kedhie, cït kɔc ke Thɔdom ku Gomoora

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Jeremia 3:7

Aa ya tak wään cïï yen ë kakë looi kedhie, nɔn bïï yen rɔt dɔ̈k Ɛn, ku yen akën rɔt dɔ̈k Ɛn, ku acïï nyankënë Juda cïn piɔ̈u adöt ke tïŋ kedhie.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 7:10

Lɛc ye Yithriɛl rɔ leec, ee ye nyuɔɔth ë gɔk. Ku në ee kakë yiic kedhie, akënkï kenïïm puɔ̈k Bɛ̈nydït Nhialicden, ku kënkï kɔɔr.

Amoth 4:6

“Ee Yɛn ë tɔ week nɛ̈k ë cɔk në wuöt yiic, ku ta week cïn rap në bɛ̈i yiic kedhie. Aa luɔi aya ke we bï röt pɔ̈k ɛn. Ku wek kën röt bɛ̈n pɔ̈k ɛn.

Maika 6:14

Wek bï ya cam, ku ŋuɔɔtkï ke we röi, ë yic we bï ya ŋoot ke we nɛ̈k cɔk. We bï käŋ aa jɔt, ku acäkï keek bï lëu në kuët, kë bäk aa kueet ëbɛ̈n abä riɔ̈ɔ̈k në tɔŋ.

Ɣagai 1:6

Wek ee ka juëc com, na miäk ke we tem ka lik. Wek de nïïm kacamkï, ku acïkï week ee kueth. Wek de nïïm mɔ̈n yak dek, ku acïkï week ee kueth! Wek de nïïm lupɔɔ ke kum, ku acïkï week ee tɔ tuc gup. Ku raan ee luui acïï ariöpde ee lëu.

Ɣagai 2:17

Wek aa tuöc käm riäkkï kakuön cäk com ëbɛ̈n, ku tuöc week wiir tuc thok, ku wek kën we piɔ̈ɔ̈th puk.