Amoth 4:7 - JAM DE NHIALIC 2011

⁷ Rɛɛpkun acä keek pɛ̈n deŋ ke ke cïï bï piɔɔk, ku yɛn ee deŋ tɔ tueny wun tök, ku pɛ̈n wun däŋë. Ku ta deŋ tueny dom tök, ku ta dɛ̈ɛ̈k dom däŋë go yom wei.

Amoth 4:7 Iomraidhean Croise

Bɛ̈n 10:22

Na wën, ke Mothe ë yɔɔk yecin nhial, go piny aa mɔ̈ɔ̈th lɔ kudum paan ë Rip ëbɛ̈n në nïn yiic kadiäk.

Bɛ̈n 10:23

Go kɔc ke Rip röt cuök tïŋ, ku cïn raan jäl baaide në ee nïnkë yiic. Ku ɣään rëër ë kɔc ke Yithriɛl thïn kedhie ariaukï yiic.

Bɛ̈n 8:22

Ku piny ë Gocen nu kɔckï thïn, abä gël ka acïn luaŋ bï lɔ thïn. Abä luöi week aya, ke bäk jɔ ŋic nɔn Yan Bɛ̈nydït, ku ŋiɛckï nɔn nuö Yɛn ee pinyë.

Bɛ̈n 9:26

Ku piny de Gocen yetök yen akën ë deŋ ë kɔɔi tuɛny thïn, piny rëër ë kɔc ke Yithriɛl thïn.

Bɛ̈n 9:4

Ku akeu abä looi në kaam de ɣɔ̈k ke Yithriɛl në ɣɔ̈kkun. Acïn weŋ töŋ bï thou në ɣɔ̈k ke Yithriɛliic taitai.

Yith 5:6

Yɛn bï wal tɔ cil thïn. Yɛn cïï tiim bï guaar kɔ̈ɔ̈th, ku cä ke puur thäär, ku yɛn bï wal kekë kuɔɔth pɔ̈l ke ke cil thïn ku kumkï keek piny. Ayï luäät abä pɛ̈n luɔi tuëny en dom.”

Jeremia 14:22

Acïn yanh de juöör kɔ̈k duëër deŋ bɛ̈ɛ̈i, ayï tënhial yetök acïï duëër nyieer. Wok cï aŋäth tääu ë Yïguöp, Yïn Bɛ̈nydït Nhialicda, në biäk yen Yïn ë loi ee kakë.

Jeremia 14:3

Kɔc kueth ayek kɔc ee keek luööi tuöc pïïu, ayek lɔ në awuuliic ku cïn pïïu yökkï ke, ayek bɛ̈n ciëën në aguut cïn yiic pïïu. Ayek kenyïïn thiaan në ayäär ku ciën aŋäth.

Jeremia 14:4

Në biäk cïn en deŋ, ku piny acï ril wei, kɔc ee pur atök ke piɔ̈ɔ̈th, ayek kenyïïn thiaan.

Jeremia 3:3

Yen acï deŋ tɔ yaak ke cïï tueny, ku yen akën ë nyïïn bɛ thiɔɔr ke ke bɔ̈ biic. Ku yïn ee tïc cït tiiŋ akɔɔrröör, yïn cïn guöp ayäär.

Jowɛl 2:23

Miɛtkï piɔ̈ɔ̈th kɔc ke Dhiɔn, dalkï në kë cï Bɛ̈nydït Nhialicdun luöi week. Acï deŋ dap tɔ këër week në ɣɛɛr de yenpiɔ̈u. Acï dëŋ dït bɛ tɔ tueny cït man ɣɔn tueŋ: dëŋ yaak, ku dëŋ anyɔ̈ɔ̈c.

Dhek 14:17

Na de jur lɔ jaai në luɔi bïï yen Bɛ̈nydït de rɛm lam ke ee Melik, ka acïn deŋ bï tueny pinyden.

Jɔn 4:35

Cäkï ee lueel an, “Ŋoot pɛ̈i wei kaŋuan, pɛ̈i ke tëm ë rap? Wɔikï, wek yɔ̈ɔ̈k an, ‘Jatkï wenyïïn nhial, ku wɔikï duum, acïk guɔ ɣɛɛr, acï aa të tem ëke!

1 Kor 4:7

Eeŋa ë yï tɔ tɔ̈u pei? Ku eeŋö cath ke yïn kë kënë gäm yïn? Ku na cï gäm yïn, ka eeŋö ee yïn rɔt leec, acït man ë kë kënë gäm yïn?

Nyöŋ 11:17

Na lak looi, Bɛ̈nydït abï piɔ̈u rac ke week. Abï deŋ tɔ kääc tënhial, ka pinydun abï ril wei aläl, ka acïn rɛɛp bï cil. Ku ëtɛ̈ɛ̈n, wek bï thou ëtɛ̈ɛ̈n, cakaa nɔn yen piny piɛth yen gäm week.

Jakop 5:17

Elija aaye raan cït piɔ̈u wook. Na wën, ke läŋ arëët ke deŋ cïï bï tuɛny, ago kën tuɛny ë piny nɔm ë run kadiäk ku pɛ̈i kadhetem.

Nyuuth 11:6

Kɔckë adekï riɛl bï kek tënhial thiöök, ke cïn deŋ bï tuɛny ë akööl ke guiëërdɛn ee kek këden guiir: ku ciɛthkï në riɛl ë piëëu nïïm puk kek keek abïk aa riɛm, ku duikï piny ë jɔɔk ëbɛ̈n, ë duidɛn ë kepiɔ̈ɔ̈th.