Amoth 4:6 - JAM DE NHIALIC 2011

⁶ “Ee Yɛn ë tɔ week nɛ̈k ë cɔk në wuöt yiic, ku ta week cïn rap në bɛ̈i yiic kedhie. Aa luɔi aya ke we bï röt pɔ̈k ɛn. Ku wek kën röt bɛ̈n pɔ̈k ɛn.

Amoth 4:6 Iomraidhean Croise

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 18:2

Go Elija lɔ lee rɔt nyuöth Aɣap, ku cɔk aacï jɔ dït aläl në Thamaria.

2 Mel 4:38

Go Elica bɛ bɛ̈n Gilgal, ɣɔn cï piny dɛk cɔk, ku tït ke Nhialic aake rɛ̈ɛ̈r ë Elica lɔ̈ɔ̈m. Na wën, ke yöök lïmde bïï töönydït cäp mɛɛc, ku bïï tït thäl cuei.

2 Mel 8:1

Na wën ke Elica ë yöök tiiŋ wun ë Cunem tiiŋ ɣɔn cïï yen wënde tɔ pïïr an bïï jäl kekë baaidu lek wun däŋ, në luɔi bïï Bɛ̈nydït cɔk tuööc ee pinyë, ku abï tɔ̈u në run kadhorou

2 Lëk 28:22

Na wën aa cï awɛ̈ɛ̈c ke melik Aɣadh juëc, go Bɛ̈nydït luöi kërɛɛc kënë kɔn looi anande.

Yith 26:11

Acïï ë kɔc ke aterdu ŋic nɔn bï Yïn ke luöi këtuc. Tɔ ke yäär Bɛ̈nydït ku tɔ ke nuan, tɔ ke yök nuan cï kiëët në biäkden. Nyuöth ë keek nhiëër dïït nhiɛɛr Yïn kɔcku.

Yith 3:1

Ënɔɔnë Bɛ̈nydït de rɛm, akɔɔr bïï këriëëc nyaai ëbɛ̈n në Jeruthalem ku Juda, raan ëbɛ̈n ku kak ee kɔc kony. Abï kacaamken ku pïïuken nyaai,

Yith 9:12

Kɔc ke Thiriya të lɔ aköl amiäk ku Pilithiin të lɔ aköl athɛ̈i, acïk kethook ŋaam bïk Yithriɛl cuääl. Ku kënë aŋoot ke kën agönh ë Bɛ̈nydït tɔ thök, aŋoot ke nu ciin biic ke kɔɔr bï këtuc looi.

Yith 9:13

Kɔc ke Yithriɛl akënkï kepiɔ̈ɔ̈th puk, cakaa nɔn cï Bɛ̈nydït de rɛm ke luöi katuc, akënkï röt pɔ̈k En.

Jeremia 14:18

Të wën lan roor, guɔ gup ke kɔc cï nɔ̈k tɔŋ tïŋ, wën bä yɛn wutic, guɔ kɔc nɛ̈k cɔk tïŋ. Tït ku bäny ke kake Nhialic aloikï luɔiden, ku akuckï kë loikï.”

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Edhekiɛl 14:21

Kënë yen aye Bɛ̈nydït Awärjäŋ lueel an, “Yɛn bï karɛc kaŋuan tuɔɔc luöi yɛn Jeruthalem këtuc, tɔŋ, ku cɔk, ku läi roor, ku jɔɔk bï kɔc ku läi nɔ̈k athöŋ.

Edhekiɛl 16:27

“Ënɔɔnë yɛn cï yaciin jɔt, bï yïn luöi këtuc, ku jat biäk de athiɛɛidï. Wek cä gäm Pilithiin, kɔc man week ku arackï piɔ̈ɔ̈th në karɛc yakkï keek looi.

Ɣodh 11:5

“Cïkï kenïïm bï bɛ puɔ̈k ë lïïmic, cït man wään në Rip? Cïï Athiriya keek bï cieŋ? Në biäk cï kek puŋ de piɔ̈u rɛɛc.

Ɣodh 5:15

“Yɛn bï kɔckï päl wei, ku ta ke gum arëët, në biäk de awɛ̈ɛ̈cken, agut të bï kek röt puɔ̈k Ɛn. Abï guöm keek tɔ kɔɔr Ɛn arëët.

Jowɛl 1:16

Rap ariɔ̈k keek në wo nyïïn ke cïn kony. Acïn miɛtëpiɔ̈u nu Luaŋdïït de Nhialicda.

Lebai 26:23

“Ku në ee kakë yiic kedhie, ku ŋuɔɔtkï ke we cïï jamdï gam ku lakï tueŋ ke we loi ater në yɛn.

Lebai 26:26

Yɛn bï të ye këcamdun bɛ̈n tɛɛm wei, ka diäär kathiëër abïk kuïnduön cï pam aa thaal në töny tök yic. Ku abïk kuïn cï pam aa thɛ̈m bei në ke ye ë them, ku të cä wek cam, wek bï ŋoot ke we nɛ̈k cɔk.

Ɣagai 2:17

Wek aa tuöc käm riäkkï kakuön cäk com ëbɛ̈n, ku tuöc week wiir tuc thok, ku wek kën we piɔ̈ɔ̈th puk.

Nyöŋ 28:38

“Wek bï kɔ̈ɔ̈th juëc aa com, ku ee kalik tei kek bäk tem, në biäk bïï gɔt rɛɛpkun cam.

Nyuuth 2:21

Ku acä gäm akööl, an, bï yepiɔ̈u yiɛ̈n puk ë kɔ̈ɔ̈r ee yen röör kɔɔr, ku reec e piɔ̈u puk.

Ruuth 1:1

Ɣɔn thɛɛr, në akööl ɣɔn cieŋ ë bäny ke luk Yithriɛl, cɔŋdït aa nu. Ago raan dhiën ë Eparath cɔl Elimelek jäl Bethleɣem de Juda kekë tiiŋde, ku wɛ̈ɛ̈tke kaarou lek yök ke ke rɛ̈ɛ̈r piny ë Mowap.