Amoth 4:5 - JAM DE NHIALIC 2011

⁵ Wek ee miɔ̈c lɛɛc wek Nhialic, ku miɔ̈c de thieithieei gam, ku gamkï miɔ̈cduön däŋ cäk tak lɛɛc wek röt! Cie kë nhiaarkï bäk looi ka wek Yithriɛl? Kë cïï Bɛ̈nydït lueel ka.

Amoth 4:5 Iomraidhean Croise

Diɛt 81:12

Aguɔ keek tɔ lɔ në kueerdɛn de dhɔ̈ɔ̈nic, ku loikï këdɛn kɔɔrkï.

Yith 1:1

Awerekë ade yic nyuuth ɣɔn cï Nhialic ke nyuöth Yithaya wën Amodh, në biäk de Juda ku Jeruthalem, në akööl ɣɔn ye Yudhia ku Jotham ku Aɣadh ku Ɣedhekia meliik ke Juda.

Yith 1:11

Acï Bɛ̈nydït lueel an, “Yak tak eeŋö duëër e miɔ̈cduön yak nɔ̈k ëbɛ̈n luöi Yɛn? Yɛn ë dɛk miɔ̈c juëc ke amɛ̈l yak gäm Ɛn ke ke ye miɔ̈c ye nyop ëbɛ̈n, ku lɔ kɔl de ɣɔ̈kkuön cuɛi. Yɛn cïï piɔ̈u ee miɛt në rim ke miöör, ku rim ke amɛ̈l ku nyök bɔɔth.

Jeremia 7:10

Wek ee ka maan looi, ku jakkï bɛ̈n aa kɔ̈ɔ̈c në yalɔ̈ɔ̈m ɣöndï, ku luɛlkï an, ‘Wok cï lɔ läŋ!’

Jeremia 7:9

Wek ee kual, ku näkkï, ku nämkï diäär, ku yak kuëëŋ në lueth, ku nyuöpkï Baal wal ŋïr, ku lamkï yiëth kënkï keek kɔn ŋic ɣɔn thɛɛr.

Ɣodh 9:1

Wek kɔc ke Yithriɛl, duökï dhuëëŋ loi cï juöör kën gam. Wek kën kake Nhialicdun döt, wek nhiaar ariöp de akɔɔrröör cït man ya wek en tak nɔn yen yiëth kek ee week gäm jööŋ ke rap!

Ɣodh 9:10

Aye Bɛ̈nydït lueel an, “Ɣɔn tueŋ yök Ɛn Yithriɛl, Yɛn ë bɛ̈n ciët kë ë yök mïth ke enap në jɔ̈ɔ̈ric. Na wën, aa tïŋ kuarkun, Yɛn ëbɛ̈n ciët kë ë tïŋ mïth ke ŋaap cï buɔ̈ny. Na ɣɔn aa lek ɣëët Baal Peyor, acïk röt bɛ̈n gäm yanh rac guöp, ago keek kum nyïïn cït man ë yen.

Lebai 23:17

Në ë köölë bɛ̈ɛ̈i yë kuïïn cï pam kaarou në kuïïn paandu yiic bï bɛ̈n gam ke ee miɔ̈c abïk aa kilɔɔ kaarou de aɣar piath, cï thaal në luɔu, ke ee miɔ̈c ee nyuɔɔth de rɛɛp cï kɔn luɔk këde Bɛ̈nydït.

Amoth 5:21

Aye Bɛ̈nydït lueel an, “Yɛn man kueer ya wek dhuëŋ ke Nhialic looi. Acä kɔɔr bä amɛɛtkun tïŋ taitai.

Amoth 5:22

Na ë we cak A gäm miɔ̈c ë rap, ayï miɔ̈c ye nyop ëbɛ̈n, acä keek bï gam. Ku na ë we cak A gäm miɔ̈c de miöör cäk cuaai ke ke ye miɔ̈c ke mät, acä keek bï nööm.

Math 15:9

Läm lɛm kek ɛn ee këɣɔ̈ric tei, Na wëët ee kek kɔc wɛ̈ɛ̈t ë lööŋ ke kɔc tei.

Math 23:23

Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye wal juaar, yï mint, ku anith, ku kumin, ku we ye ka ke löŋ pɔ̈l, ka cït guiëërëlöŋ, ku kokdepiɔ̈u, ku gäm, ka de naamden awärkï wɛl awën, kake adï cäk ke dhil aa looi, ku cäkï kak awën ee pɔ̈l ayadäŋ.

Math 6:2

“Yen ka, të miɔɔc yïn kɔc ë dhuëëŋdu, ke yï du kaaŋ tɔ koth ë yïnɔm tueŋ, cït man ë luɔi de kɔc de yic aguk, ë ɣööt ke Nhialic yiic ku kuɛɛr yiic, ke ke bï leec ë kɔc. Wek yɔ̈ɔ̈k ëyic an, “Acïk ariöpden guɔ yök.

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.