Amoth 4:1 - JAM DE NHIALIC 2011

¹ Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Amoth 4:1 Iomraidhean Croise

1 Mel 16:24

Na wën ke ɣɔc kuur de Thamaria tëde Cemer në aguum kadhetem ke ateek. Go Omri pänydït yïk ëtɛ̈ɛ̈n ku jɔ cäk an Thamaria, në rin ke Cemer raan ɣɔn de kuur.

Jop 20:19

në luɔi cïï yen kɔc kuanynyïïn päl wei, ku yɔŋ keek ku rum ɣööt cïï kɔc kɔ̈k yïk.

Jop 24:4

Ku ayek kuɛɛr kedhie thiöök në kɔc kuanynyïïn nïïm, agokï thiaan ŋuöön.

Diɛt 12:5

Go Bɛ̈nydït lueel an, “Yɛn bï jɔ bɛ̈n ënɔɔnë në luɔi cïï kɔc kuanynyïïn yɔŋ ku kɔc yɔŋ keek ayek teer në arɛɛm. Abä ke gam lɔ̈ŋ kɔɔrkï ë caŋ ɣɔn.”

Diɛt 140:12

Bɛ̈nydït aŋiɛc nɔn ee Yïn ee yiny de kɔc yɔŋ keek gël, ku Ye yic luöi kɔc cïn käŋ.

Diɛt 22:12

Kɔc ke ater juëc acïk ɛn gɛɛu cil cït man ë thön, Acïk ɛn gɛɛu cil ëbɛ̈n, cït man ë thön ke Bacan.

Kɛ̈ŋ 22:7

Kɔc ee dhëën ayek lïïm ke kɔc ee ke dhɛ̈ɛ̈n, cït man cieŋ ë kɔc kueth kɔc kuanynyïïn.

Wɛ̈ɛ̈t 4:1

Guɔ bɛ daai, ku tiëŋ yaaŋ loi rɔt ëbɛ̈n ë piny nɔm, dhiën dhiɛɛu ë kɔc yɔŋ keek, ku acïn raan dut ke piɔ̈ɔ̈th ku kony keek: ku kɔc ee keek yɔŋ adekï nïïm riɛl.

Wɛ̈ɛ̈t 5:8

Të tïŋ yïn piny ayɔŋë kɔc kuanynyïïn thïn ku jɔt yicden në riɛl, ke yï du gäi. Në luɔi ye bɛ̈ny nɔm dɛ raan mät ke yen nu në yenɔm, ku ade bäny dït kɔ̈k mät ë keek nu ë kenïïm.

Yith 28:1

Amawoou në ciɛɛŋ de Yithriɛl! Dhuëëŋde athök cï göl de gaak nu ë bänykɛn cï wiɛɛt ë mɔ̈u nïïm. Bänykɛn de gup lɛc acïk röt tɔ piɛth në aŋiëër, ku adhɔtkï piny ke ke thou në mɔ̈u.

Yith 5:8

Amawoou në week! Kɔc ee ɣööt ku duum ɣɔɔc ku matkï keek në kakuön thɛɛr yiic. Ee nïn bɔ̈yë acïn piny bï döŋ, të bï raan däŋ bɛ lɛɛr, ee kek abï nyääŋ piny ke ke ceŋ ëtɛ̈ɛ̈n kapäc.

Yith 56:12

Aye kɔc ye mɔ̈u wit lueel an, “Takï wo yïn ë mɔ̈n tuc, ku deku kë buk lëu! Ku miäk abï ee köölë wuöör aläl!”

Yith 58:6

“Thɛ̈kdiën kaar kï: nyaaikï kuɛɛt ke yaaŋ ku kuɛɛr ke luɔi rac kedhie, ku takï kɔc yɔŋ lääu nïïm.

Jeremia 50:11

Aye Bɛ̈nydït lueel an, “Wek kɔc ke Babilonia, wek cï jurdï rum. Wek mitpiɔ̈ɔ̈th ku lak piɔ̈ɔ̈th yum, wek wïïl piny cï weŋ käm rap, ku ciëtkï jöŋgör kïïu,

Jeremia 50:27

Näkkï remdɛn ë tɔŋ ëbɛ̈n! Tɛmkï keek röt! Amawoou në kɔc ke Babilonia acïk riääk! Akööl acïk bɛ̈n akööl bï ë keek luöi këtuc!”

Jeremia 51:34

Melik de Babilonia acï Jeruthalem dhuɔŋ piny ku ciɛm. Acï pänydït wiic yic, cï gul de pïïu, cït man ë ŋuäldït acï liek. Acï kë duëër jɔt jɔt, ku deeny kɔ̈k wei.

Jeremia 6:6

Bɛ̈nydït de rɛm acï meliikë yɔ̈ɔ̈k bïk tiim yep ku yïkï thɔc bïï kek Jeruthalem tuɔɔk. Acï lueel an, “Yɛn bï ee pänydïïtë luöi këtuc në biäk cï yen yic thiäŋ kekë yaaŋ.

Jeremia 7:6

Duökï alɛi ee cam, ku mïth abɛɛr, ku diëër abɛɛr. Ku duökï kɔc cïn gup awɛ̈ɛ̈c ee nɔ̈k ee pinyë. Duökï yiëth kɔ̈k ee lam, kënë abï week riɔ̈ɔ̈k.

Edhekiɛl 18:12

Ee kɔc kuanynyïïn math, ku rum ku nööm ka cï ë kɔc gäm yen bï ke tɔ̈ɔ̈u. Ee lɔ në yïk ke kɔc ke yiëth nïïm, ku lɛm yiëth rackë,

Edhekiɛl 22:12

Kɔckuön kɔ̈k aye keek riɔp në luɔi bïï kek näk. Kɔ̈k ayek aŋuëk nööm ë wëu cï kek kɔckɛn ke Yithriɛl kony kɔ̈ɔ̈th, ku jɔkï kuɛth në cäm ciɛm keek. Acïk nïïm määr në yɛn.” Bɛ̈nydït Awärjäŋ yen aa jam.

Edhekiɛl 22:27

Bäny ke luɔi de miric acïtkï aŋuööth tëër lɛ̈n cïk nɔ̈k. Ayek kɔc nɔ̈k në biäk bï kek kuɛth.

Edhekiɛl 22:29

Kɔc kueth ayek kɔc math ku rumkï kɔc. Ayek kɔc kuanynyïïn cieŋ arac, ku jɔkï alɛi cam.

Edhekiɛl 22:7

Wek kɔc tɔ̈u në pänydïtic we cïï wärkun ku märkun ee riëëu. Wek ee alɛi math ku yak kake diëër abɛɛr ku mïth abɛɛr nööm.

Edhekiɛl 34:16

“Yɛn bï ka cï määr lɔ kɔɔr, ku pɔ̈k ka cï tai roor nïïm ciëën, ku dɛɛr ɣään töök ke thök de gup bɔ̈ɔ̈t, ku ta ka de gup jɔɔk dem, ku ka cuai ku rilkï abä keek riɔ̈ɔ̈k, në biäk ee Yɛn tïn ee kë yic looi.

Edhekiɛl 39:18

Abïk gup ke rem de tɔŋ bɛ̈n cuet, ku dekkï rim ke bäny cieŋ pinynɔm, keek kedhie abïï keek nɔ̈k cït nyök ke amɛ̈l, ku nɔn ee kek nyök bɔɔth, ku nɔn ee miöör.

Jowɛl 3:3

Acïk gɛk dɛɛny tëk kek röt kɔckï. Acïk wɛ̈ɛ̈t dhuök waar në diäär akɔɔrröör, ku ɣɔɔckï duet në mɔ̈n dekkï.

Amoth 3:1

Piɛŋkï kë cïï Bɛ̈nydït lueel në biäkdun wek kɔc ke Yithriɛl, kɔc wään bïï keek bei paan ë Rip kedhie. Acï lueel an,

Amoth 3:3

Duëër kɔc kaarou cath kueer ëtök, të kën kek mat nɔn bï kek cath ëtök?

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Amoth 6:1

Amawoou në week, wek kɔc cï rëër lɔ läŋ yök në Dhiɔn, ku kɔc cï gup a päl piny në kuur ë Thamaria nɔm. Wek bänydït ke baai de Yithriɛl ee röt yök cït ka wär bäny ke juöör ëbɛ̈n. Wek kɔc ye kɔc ke kuɔɔny kɔɔr tëde keek!

Amoth 6:6

Wek ee mäu dek në guöl athiäŋ, ku yak röt tɔc në wɛ̈ɛ̈l ŋïr aläl, ku cäkï riääk de Yithriɛl dhiëëu.

Malakai 3:5

Ku lueel ë Bɛ̈nydït de rɛm an, “Ku Yɛn bï lɔ bɛ̈n ë welɔ̈m, bä löŋdun week bɛ̈n guiir, Yɛn bï tït ke yiëth dap bɛ̈n gaany, ku kɔc ee diëër lei kɔɔr, ku kɔc ee kuëëŋ në lueth, ayï kɔc ee kɔc luui keek cam në ariöp de luɔiden, ku kɔc ee diëër cïn nïïm röör yɔŋ, ku yɔŋkï abɛɛr, ku pënkï kamaan yinyden, ku cïkï riɔ̈c në Yɛn.

Kuɛ̈n 21:33

Go Yithriɛl jäl, dɔm kueer de Bacanic. Go melik Og keek kaaŋ nïïm, meliŋ de Bacan, ke cath kekë rem de tɔŋde. Agokï lɔ rɔ̈m në Ederi.

Nyöŋ 24:14

“Duökï kɔc kuanynyïïn cïn nïïm käŋ ee luui në week ee wëŋ, kɔckuön ë Yithriɛl ayï kɔc lei rɛ̈ɛ̈r wun tök në wuötkuniic.

Nyöŋ 28:33

Jur lei abï rɛɛpkun jɔt ëbɛ̈n, rɛɛp cäk keek puur në luɔi ril ke ke bï luɔk, acïn kë bäk yök thïn, ee yaaŋ cuth rɔt kekë luɔi rac.