Amoth 3:2 - JAM DE NHIALIC 2011

² “Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Amoth 3:2 Iomraidhean Croise

Cäk 10:32

Kɔckë kedhie kek aye ɣööt ke käu de Nowa, në juöörken, ku kuarken. Kɔc ke piny nɔm kedhie, aake bɔ̈ në mïth ke Nowa në amool cök.

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

Diɛt 147:19

Ee jamde lɛ̈k Jakop, ku lëk guiɛɛrde ku lööŋke Yithriɛl.

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Yith 63:19

Yïn ee wo luööi cït kë kën kɔn aa bɛ̈nyda, abuk ciët ka kën kɔn aa kɔcku.

Jeremia 1:15

në biäk caal Ɛn dhiëën ke ciɛɛŋ tɔ̈u ë biäk të lɔ rut ëbɛ̈n, bïk bɛ̈n ku meliikken abïk thöcken tääu piny në kɛ̈l ke Jeruthalem thok, ku në pɛ̈ɛ̈nyke kɔ̈ɔ̈th, ayï pɛ̈ɛ̈nydït kɔ̈k ke Juda kɔ̈ɔ̈th.

Jeremia 10:25

Pɔ̈kë agönhdu juöör cïï Yïn ee lam, ku kɔc ee yïn rɛɛc. Acïk kɔcku nɔ̈k, acïk wook riɔ̈ɔ̈k taitai, ku nyiëëŋkï pinyda piny ke cï riääk.

Jeremia 11:22

Ago Bɛ̈nydït de rɛm lueel an, “Abä keek luöi këtuc! Dhuökken abïï keek nɔ̈k në abätäu, mïthken abïk thou në cɔk.

Jeremia 13:21

Eeŋö bäk jɔ lueel, të le kɔc yak keek tɔ ee määthkun we peec ku jɔkï week ceŋ? Wek bï tɔ̈u arɛɛmic cï tiiŋ kɔɔr dhiëth.

Jeremia 14:10

Aye Bɛ̈nydït lueel në biäk ee kɔckë an, “Ayek nhiaar bïk kat ë Yɛn, ku acïkï röt bï tiit. Ka Yɛn cïï piɔ̈u mit wo keek. Yɛn bï ka cïk wööc tak, ku luöi keek këtuc ë biäk de karɛcken.”

Jeremia 9:25

Aye Bɛ̈nydït lueel an, “Akööl abïkï, kööl bän kɔc cï cueel, ayï kɔc kën ë cueel luöi këtuc.

Edhekiɛl 5:9

Në biäk ya wek kamaan keek kedhie looi, Yɛn bï Jeruthalem luöi këtuc, cït kë kɛ̈n kɔn looi ɣɔn thɛɛr, ku acä bï bɛ nyɔk.

Edhekiɛl 9:6

Näkkï röördït, ku dhuök, ku diäär kor, ku märken ke mïth, ku mïth. Ku duökï raan de nɔm kït jak. Galkï thar eenë tëɣeric.” Agokï gɔl në bäny ë kääc ëtɛ̈ɛ̈n Luaŋdït.

Danyel 9:12

Yïn cï ka wään bä lueel an bä ke luöi wook në bänykuɔ looi. Yïn cï Jeruthalem luöi këtuc aläl awär këtuc cï luöi pänydït kɔ̈k ë pinynɔm,

Ɣodh 2:13

Abä keek luöi këtuc në biäk de aköölkɛn ɣɔn cï kek a puɔ̈l, ku yek Baal nyuöp wal ŋïr. Aake ye röt jäm në joth, ku kur tuc ë ɣööcden, ku riŋkï në röör cök, ku mɛ̈ɛ̈rkï nïïm në Yɛn. Kë cïï Bɛ̈nydït lueel ka.

Ɣodh 5:3

Yɛn ŋic Eparaim apiɛth, ku Yithriɛl acïï muɔɔny tëde Ya. Ku ënɔɔnë, Eparaim yïn ë köör. Ku Yithriɛl yïn ë rɔt riɔ̈ɔ̈k.

Ɣodh 8:13

Ayek Ɛn gäm miɔ̈c, ku pukkï röt cuetkï rïŋ. Bɛ̈nydït acïï piɔ̈u mit ke keek. Bɛ̈nydït acïï awɛ̈ɛ̈cken bï puɔ̈l, abï keek luöi këtuc në baŋ de karɛcken. Ka abä keek be tɔ ye lïïm, cït man ɣɔn kɔnë keek lïïm paan ë Rip.

Ɣodh 9:9

Acïk cur arëët në luɔi de karɛc yiic, cït man ɣɔn kɔn kek cur në akööl ke Gibia. Nhialic acïï nɔm bï määr në karɛcken. Abï keek luöi këtuc në biäk de awɛ̈ɛ̈cken.

Amoth 2:4

Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Amoth 3:3

Duëër kɔc kaarou cath kueer ëtök, të kën kek mat nɔn bï kek cath ëtök?

Amoth 6:1

Amawoou në week, wek kɔc cï rëër lɔ läŋ yök në Dhiɔn, ku kɔc cï gup a päl piny në kuur ë Thamaria nɔm. Wek bänydït ke baai de Yithriɛl ee röt yök cït ka wär bäny ke juöör ëbɛ̈n. Wek kɔc ye kɔc ke kuɔɔny kɔɔr tëde keek!

Maika 2:3

Ago Bɛ̈nydït lueel an, “Piɛŋkï, wek ee kɔckë, wek luöi keek këtuc, kë cä wek weyiëth bï lëu në luny. Ka wek cïï bï bɛ cath ke we ɣɛ̈ɛ̈c wenïïm, në luɔi bï kek aa kööl rac arëët.

Naɣum 3:4

Ku ee kënë ëbɛ̈n ë röt looi luiyë Ninebe këtuc. Pänydïït cït tiiŋ akɔɔrröör, ee juöör diir, ku ade nɔm yiëthkɛn ee ke meet ku ayek wïn ë dɛ̈p.

Luɔi 17:26

Ku yen ee juöör tɔ dhiëth ëbɛ̈n në riɛm tök, abïk piny ɣap nɔm ëbɛ̈n, ku ye keek gäm runkɛn cï kɔn lueel ɣɔn thɛɛr, ku gëm keek akɛɛth ke pinydɛn bï kek ɣap thïn.

Romai 2:9

Ku yökkï këtuc bï keek dhal ku acɔ̈t bï kek nïïm acɔ̈t, raan ëbɛ̈n raan ë kërac looi, gɔl ë Judai, mɛt Girikii thïn aya.

1 Kor 8:3

Ku të nhiɛɛrë raan Nhialic, yen aye ŋic ë ye.

Nyöŋ 10:15

Ku Bɛ̈nydït anhiaar kuarkun aläldïïtë, ago week lɔc ku cï kɔc kɔ̈k lɔc, ku wek ŋoot ke we ye kɔckɛn cï lɔc.

Nyöŋ 26:18

Köölë Bɛ̈nydït acï week gam ke we ye kɔc ke nɔmde, cït man cï Yen ye thön week, ku acï week yöök bäk lööŋke ku jamde riëëu ëbɛ̈n.

Nyöŋ 32:9

Në baŋ ye biäk de Bɛ̈nydït kɔcke ku Jakop ee këdɛn cï gäm en.

Nyöŋ 4:32

“Thiëckï ënɔɔnë në biäk ë akööl ɣɔn thɛɛr, akööl ɣɔn kënë we kɔn dhiëëth, lɔɔr ciëën ya agut cï të ɣɔn bï Nhialic raan cak ë pinynɔm, kɔɔr piny nɔm ëbɛ̈n. De këdïït cït e kënë cï kɔn tuöl wään tueŋ? De raan cï kë cït ee kënë kɔn piŋ?

Nyöŋ 7:6

Luɔikï ee kënë në baŋ ya wek kɔc ɣeriic ke Bɛ̈nydït Nhialicdun. Në kɔc ke pinynɔm ëbɛ̈n yiic acï week lɔc bäk aa kɔckɛn ke nɔmde.

1 Pet 4:17

Kööl bï löŋ gɔl ë guiëër ɣön ë Nhialic kï, cï bɛ̈në: ku të cï e kɔn gɔl ë wook, ku kë bï kɔc yök rial bï ciët ŋö kekë kɔc ee wëlpiɛth ke Nhialic rɛɛc piŋ?