Amoth 3:14 - JAM DE NHIALIC 2011

¹⁴ Kööl bän kɔc ke Yithriɛl luöi këtuc, në biäk de awänydɛn cïk looi. Yɛn bï yïk ke Bethel riɔ̈ɔ̈k, ku dhuɔŋ tuŋ ke yïk kaŋuan bei në yenɔm kedhie.

Amoth 3:14 Iomraidhean Croise

2 Mel 23:15

Ayadäŋ ë yïïŋ de läm de Bethel ɣɔn yïk ë Jerobowam wën ë Nebat jäp piny, raan ɣɔn tɔ kɔc ke Yithriɛl wäc. Ku mot keek abïk aa rop, ku nyop yanh tiiŋ cɔl Acera.

2 Lëk 31:1

Na wën cï luɔi de dhuëëŋ thök, ke kɔc ke Yithriɛl ë ke lɔ ë wuöt ke Juda yiic kedhie, ku dhoŋkï mën ke kur piny, ku yepkï kïït ke yanh tik Acera piny, ku riäkkï yïk, ku ɣään ye kɔc ke yiëth lam thïn. Ku loikï ee kënë ë wuöt ke kɔ̈k ke Juda yiic, ku bɛ̈i kɔ̈k ke yï Benjamin, ku Eparaim, ku Manatha, ku jɔkï kenïïm bɛ̈n pɔ̈k ë bɛ̈iken yiic.

Bɛ̈n 32:34

Ku ënɔɔnë, lɔ watë kɔc të wään cä lɛ̈k yïn. Ku tunynhialdï abï we wat. Ku akööl abïkï, akööl bän ee kɔckë luöi këtuc në biäk de kërɛɛcden.”

Amoth 2:8

Ku të ye kek lɔ tɔ̈c në yïk kɔ̈ɔ̈th, ŋɛk ee rɔt thiëth lupɔɔ ë peec tëde kɔc kuanynyïïn, lupɔɔ ke kɔc känykï. Ku dëkkï në mɔ̈u ɣön ë Nhialicden, mɔ̈n ë nömkï tëde kɔc känykï.

Amoth 4:4

Go Bɛ̈nydït Awärjäŋ lueel an, “Kɔc ke Yithriɛl lak Bethel wun ɣeric, ku luɔikï kërac, ku lakï Gilgal ku bɛkï kërac ŋuak nyin në luɔi. Wek ee miɔ̈cdun bɛ̈ɛ̈i aköölnyïïn kedhie, ku bɛ̈ɛ̈ikï töŋ thiëër ë käŋ ë ceŋ në kööl ye akööl diäk.

Amoth 7:10

Go Amadhia, bɛ̈ny de kake Nhialic de Bethel thok tuöc Jerobowam, meliŋ de Yithriɛl, lueel an, “Amoth alui yïn kiɛɛr rac ë baai de Yithriɛl yic ëbɛ̈n. Jamde abï piny riɔ̈ɔ̈k.

Amoth 7:13

Du be cɔ̈ɔ̈r ë Bethel eenë taitai. Bethel ee yen nu tëɣeric ye melik lam thïn, ku ye luaŋ yaath de ciɛɛŋ.

Amoth 7:9

Ɣään thöny ɣɔn ye kuat de Yithaak lam thïn abïï ke nyääŋ piny. Ku ɣään ke läm ke Yithriɛl, abï ke dhuɔŋ piny. Ku riääk bääny de baai de melik Jerobowam në abätäu.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.