Amoth 2:8 - JAM DE NHIALIC 2011

⁸ Ku të ye kek lɔ tɔ̈c në yïk kɔ̈ɔ̈th, ŋɛk ee rɔt thiëth lupɔɔ ë peec tëde kɔc kuanynyïïn, lupɔɔ ke kɔc känykï. Ku dëkkï në mɔ̈u ɣön ë Nhialicden, mɔ̈n ë nömkï tëde kɔc känykï.

Amoth 2:8 Iomraidhean Croise

Bɛ̈n 22:25

“Të de yen raan kuany nyin cï kony në wëu në kɔckï yiic, wëu bï ke pɔ̈k nïïm raan de keek. Ke raanë ë cï rɔt tɔ cït kɔc ee wëu dhɛɛn, ku cïï wëu ee tɔ col në wëu wär ke.

Yith 57:7

Wek ee lɔ në kur bär nïïm bäk miɔc lɔ gam ku jakkï niin në diäär.

Edhekiɛl 18:12

Ee kɔc kuanynyïïn math, ku rum ku nööm ka cï ë kɔc gäm yen bï ke tɔ̈ɔ̈u. Ee lɔ në yïk ke kɔc ke yiëth nïïm, ku lɛm yiëth rackë,

Edhekiɛl 18:7

Acïï kɔc ee math ku cïï kɔc ee rum. Ee raan puɔ̈k nɔm kë cï nööm ë kuɔɔny apiɛth, ee kɔc nɛ̈k cɔk cääm, ku gëm lupɔɔ kɔc cath ë kekɔ̈ɔ̈th.

Edhekiɛl 23:41

Ayek jɔ nyuc në thööc läk nïïm, ku ayek pam cï thiëth nɔm kapiɛth tääu ë kenïïm, ayï walkiën ŋïr, ku miök de olip cä gäm keek.

Ɣodh 4:8

Acamkï awäny de kɔckï kɔ̈u, ka ayek piɔ̈ɔ̈th miɛt të cïï kɔckï wäc.

Ɣodh 7:14

Acïkï Yɛn ee lɔ̈ŋ ëgɔk në kepiɔ̈ɔ̈th, ku ee dhiëëu yen ye kek dhiau ke ke lam yiëth. Ayek kenïïm mat në këde rap, ku mɔ̈u, ku acïk Ɛn nyääŋ piny.

Amoth 3:14

Kööl bän kɔc ke Yithriɛl luöi këtuc, në biäk de awänydɛn cïk looi. Yɛn bï yïk ke Bethel riɔ̈ɔ̈k, ku dhuɔŋ tuŋ ke yïk kaŋuan bei në yenɔm kedhie.

Amoth 4:1

Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Amoth 6:4

Amawoou në week, wek kɔc ee wekɔ̈ɔ̈th tääc në biök piɛth yiic, ku rëërkï në thöckun nïïm, ku yak cuet në nyök ke thökkun yiic, ku miöör në ɣɔ̈kkun yiic!

Amoth 6:6

Wek ee mäu dek në guöl athiäŋ, ku yak röt tɔc në wɛ̈ɛ̈l ŋïr aläl, ku cäkï riääk de Yithriɛl dhiëëu.

1 Kor 10:21

We cïï dëk bï lëu në bïny de Bɛ̈nydït kekë bïny de jɔɔk rac ëtök: we cïï duëër rɔm ëtök ë pam ee kɔc cam, pam ë Nhialic kekë pam ë jɔɔk rac.

1 Kor 10:7

Ku duökï röt tɔ ye kɔc ee yiëth lam aya, cït man ë kɔc kɔ̈k ë keek, acït man cï e gɔ̈ɔ̈r an, “Kɔc ayek nyuc ciëmkï ku dëkkï, na ëlë, ke ke jɔt röt lek thuëëc.”

1 Kor 8:10

Ku të tïŋë raan yïn, yïn raan de ŋïnydekäŋ, ke yï nyuc ë këcam nɔm luaŋ de yath, cïï piɔ̈n ë raan kɔ̈c bï ŋeeny ago ka cï näk yiëth aa cam?

Bäny 9:27

Kɔc acïk lɔ ë duumken yiic kedhie lek mïth ke enap tet ku loikï mɔ̈u. Gokï dhuëëŋ jɔ looi në luaŋdɛn ë yathic të wën ciëm kek ku dëkkï aake ye Abimelek läät në acieer piny.