Amoth 2:7 - JAM DE NHIALIC 2011

⁷ Ayek cath në kɔc kuanynyïïn kɔ̈ɔ̈th ku kɔc cïï ril cït ka cath piny. Ku yek kɔc kuanynyïïn jäp wei kueer. Meth kekë wun ayek tɔ̈c në tiiŋ lïm töŋë, ke wëërkï, ku riäkkï rinkiën ɣeriic.

Amoth 2:7 Iomraidhean Croise

2 Tham 12:14

Ku në biäk kën yïn Bɛ̈nydït riëëu ku loi ee kënë, mɛnhdu abï thou.”

1 Mel 21:4

Go Aɣap lɔ ɣönde ku nɛ̈k e nyin ke cï piɔ̈u diu, në jam cï lɛ̈k en ë Naboth raan de Jedhreel, luɔi cï en e lueel, an, cïï bï gäm kë cä lɔ̈ɔ̈k lak tëde kuarken. Go lɔ tɔ̈c në agende nɔm, ku wel e nyin wei, ku cïï cäm.

Kɛ̈ŋ 28:21

Kuëëny de kɔc yiic acïï piath, ku kɔ̈k ayek lɔ në awäcic në ariöp de ŋuëny töŋ de kuïn.

Yith 10:1

Amawoou në week! Wek cï lööŋ rac ee kɔckï yɔŋ looi.

Yith 10:2

Yeka cä wek löŋ de kɔc kuanynyïïn ee ŋiëc guiir, ku pɛ̈nkï ke yicden. Yeka tɔ we nöm kake mïth abɛɛr ku diëër abɛɛr.

Yith 3:14

Bɛ̈nydït abï röördït ke wut, ku bäny ke kɔcke bɛ̈ɛ̈i ë luk nɔm. Aake gɔɔny an, “Wek ë duum ke tiim yak, ka ɣöötkun acïk thiäŋ në kak ë nämkï tëde kɔc kuanynyïïn.

Yith 3:15

Wek cïn nïïm yic bäk kɔckï duöm piny, ku yaŋkï kɔc kuanynyïïn, ee Yɛn Bɛ̈nydït Awärjäŋ yɛn ajam.”

Edhekiɛl 22:11

Kɔ̈k ayek niin ë diëër lei, ku nin kɔ̈k në diëër ke wɛ̈ɛ̈tken, ku kɔ̈k në duet ke wärken ku duet ë wacken.

Edhekiɛl 36:20

Të cï kek lɔ ë juöör yiic, ayek ayäär yiɛ̈n rinkiën ɣer yiic, në biäk bïï kɔc en lueel an, ‘Kakë ayek kɔc ke Bɛ̈nydït Awärjäŋ ku acïk pinyde dhil nyääŋ piny.’

Ɣodh 4:14

Duetkun acä keek bï luöi këtuc të le kek köör, kedhie ayï diëër ke wɛ̈ɛ̈tkun të le kek nööm. Në biäk ya wek diäär luui yiëth nööm ayadäŋ, week ë yiëthkun. Ku miackï yiëth në keek ëtök. Ka wek kɔc cï nïïm riääk wek bïï riɔ̈ɔ̈k!

Lebai 18:15

Du tiiŋ ë wëndu ee kɔɔr, bä tɔ̈c wekë yen, ee tiiŋ ë wëndu du tɔ̈c wekë yen.

Lebai 18:21

Du meth gɛm në mïthku yiic, bïï lɔ näk yanh cɔl Molek. Në biäk cïï yïn rin ke Nhialicdu bï läät. Ee Yɛn Bɛ̈nydït.

Lebai 18:8

Du tiiŋ de wuur ee kɔɔr bäk tɔ̈c wekë yen, kënë abï wuur yɔ̈ɔ̈r guöp.

Lebai 20:3

Yɛn bï Yanyin wɛ̈l ee raanë ku abä tɛ̈ɛ̈m bei në kɔckï yiic në biäk cïï yen mïthke gäm Molek, acï tëdiën ɣeric riɔ̈ɔ̈k ku lɛ̈ɛ̈t rinkiën ɣeriic.

Amoth 4:1

Piɛŋkï ë kënë, wek diäär ke Thamaria. Wek ë cuai cït ɣɔ̈k ke Bacan cï ŋiëc nyuääth. Wek ee kɔc kuanynyïïn looi arac, ku yaŋkï kɔc cïn nïïm käŋ. Ku yak röörkun yɔ̈ɔ̈k an, yïnkï we mɔ̈n dɛkkï.

Amoth 5:11

Ku wek ee kɔc kuanynyïïn yɔŋ, ku ruömkï agamɔden. Ku ënɔɔnë, na cakaa nɔn cä wek ɣöötdït ajämjäm yïk në kuur, wek cï bï rëër thïn. Ku na cakaa nɔn cä wek duum lɛ̈k ke tiim ke enap com, wek cïï mɔ̈nden bï dek.

Amoth 5:12

Në biäk ŋiɛc Ɛn karɛckuön juëc cäk looi, ayï awɛ̈ɛ̈c tuc thook cäk keek wuööc. Wek ee kɔc piɛth wɛ̈l nïïm ater, ku nämkï kumthok, ku pɛ̈nkï kɔc kuanynyïïn yicden tëde gööny.

Amoth 8:4

Piɛŋkï kënë, wek kɔc ee cath në kɔc kuanynyïïn kɔ̈ɔ̈th, ku yak kɔc cïn käŋ kɔɔr nɔn thɔ̈l wek kenyïïn.

Maika 2:2

Na cïk piɔ̈ɔ̈th dɛ duum, ke rumkï keek, na kɔɔrkï ɣööt, ke nömkï keek. Acïn baai ayï raan bïï ë kake poth.

Maika 2:9

Wek ë diëër ke kɔckï cuɔp wei në ɣöötkɛn läk yiic. Ku kualkï athiɛɛidï tëde mïthken aɣet athɛɛr.

Dhep 3:3

Bänyke ayek ŋäär cït kɔ̈ɔ̈r, ku cït bänykɛn ee lööŋ guiir aŋuööth nɛ̈k cɔk cï wäth, cïn yuɔɔm yek buɔ̈th miäk.

Romai 2:24

Rin ke Nhialic aye ke läät ë Juööriic në baŋdun, acït man cï e gɔ̈ɔ̈r.

1 Kor 5:1

Aye lueel ë raan ëbɛ̈n an, nu dhööm ë weyiic, ku dhööm yïnya aliu acakaa juöör yiic aliu an, ye raan tiiŋ de wun nööm!