Amoth 2:6 - JAM DE NHIALIC 2011

⁶ Aye Bɛ̈nydït lueel an, “Kɔc ke Yithriɛl abä keek luöi këtuc, në biäk de karɛc juëc cïk looi. Acïk kɔc piɛthpiɔ̈ɔ̈th ɣaac në atek, ku ɣɔckï kɔc kuanynyïïn në war ke cök ke raantök.

Amoth 2:6 Iomraidhean Croise

2 Mel 18:11

Go melik de Athiriya kɔc ke Yithriɛl peec leerë ke Athiriya, ku tɔ kɔ̈k rɛ̈ɛ̈r wun cɔl Ɣala, ku tëthiääk ke Kiir de Ɣabor piny de Godhan, ku tɛ̈ɛ̈u kɔ̈k në wuöt ke Media yiic.

2 Mel 18:12

Thamaria aa löny, në kë kën kɔc ke Yithriɛl Bɛ̈nydït Nhialicden riëëu, ku acïk löŋ cïï Bɛ̈nydït mac ke keek dhoŋ kɔ̈u, ku reeckï lööŋ ë gëmë Mothe keek, awun de Bɛ̈nydït. Keek aake cie piŋ ku cïkkï gäm.

Yith 10:2

Yeka cä wek löŋ de kɔc kuanynyïïn ee ŋiëc guiir, ku pɛ̈nkï ke yicden. Yeka tɔ we nöm kake mïth abɛɛr ku diëër abɛɛr.

Yith 29:21

Nhialic abï kɔc ee kɔc kɔ̈k nɔ̈k nɔ̈k, ku riëëk kɔc ee kɔc ë karɛc looi pɛ̈n luɔi luiyë keek këtuc, ku kɔc ee käŋ töör ke ke bï kɔc de nïïm yic pɛ̈n luɔi yök kek yicden.

Edhekiɛl 22:13

“Yɛn bï yacin päm kɔckuön ee kɔc rum ku kɔc ee kɔc nɔ̈k.

Jowɛl 3:3

Acïk gɛk dɛɛny tëk kek röt kɔckï. Acïk wɛ̈ɛ̈t dhuök waar në diäär akɔɔrröör, ku ɣɔɔckï duet në mɔ̈n dekkï.

Jowɛl 3:6

Wek cï kɔc ke Juda, ku kɔc ke Jeruthalem ɣɔ̈c kɔc ke Girikii, jatkï keek pinyden ku leerkï ke tëmec.

Dhek 11:5

Aye kɔc cï keek ɣɔɔc ke nɔ̈k, ku cïn këtuc ye luöi keek. Ku kɔc ee keek ɣaac ayek lueel an, ‘Thieithieei Bɛ̈nydït, yɛn ë kuɛth.’ Ayï tïnden guöpde acïï piɔ̈u ee kok ë keek.