Amoth 2:4 - JAM DE NHIALIC 2011

⁴ Aye Bɛ̈nydït lueel an, “Kɔc ke Juda abä keek luöi këtuc, në biäk de karɛc juëc cïk looi. Arëk abïk wëët de Bɛ̈nydït rɛɛc piŋ, ku cïkï lööŋke muk aya. Acïï yiëth ɣäär yiic keek mɔ̈ɔ̈r, yiëth ɣɔn kɔn ë kuarken keek kuany cök.

Amoth 2:4 Iomraidhean Croise

2 Mel 17:19

Ayï kɔc ke Juda aya akënkï lööŋ ke Bɛ̈nydït Nhialicden riëëu, acïk täu rɛɛc cïï kɔc ke Yithriɛl looi dɔmic.

2 Lëk 25:14

Na wën cï Amadhia bɛ̈n ciëën të wään cï en kɔc ke Edom lɔ tiaam tɔŋ, go yiëthken bɛ̈ɛ̈i ë yen ëtök ku ye ke lam, ku nyup keek wal ŋïr

2 Lëk 30:7

Duökï röt tɔ cït kuarkun ku mïthëkɔckun Yithriɛl wään cïn adöt ë Bɛ̈nydït Nhialicden. Cït man cä wek en tïŋ, acï keek luöi këtuc aläl.

Neɣe 1:7

Yïn cuk luöi kërac arëët, ku kënku kë cï lɛ̈k wook looi, ku wok kën lööŋku döt, lööŋ ɣɔn gamë wook në kueer ë Mothe lïmdu.

Neɣe 9:26

“Ku kɔcku acïk jaai ku reeckï Yïthok, acïk kekɔ̈ɔ̈th wɛ̈l lööŋku, acïk tïtkuön ee keek yɔ̈ɔ̈k nɔ̈k, kɔc ee keek yɔ̈ɔ̈k bïk röt dɔ̈k Yïn, keek ayek Yï läät në län rac në thaar nyin ëbɛ̈n.

Yith 28:15

Wek jam ke we ɣɛ̈ɛ̈c wenïïm an, “Wok cï löŋ mac në thuɔɔu ku loiku amat në paan ë thuɔɔu. Të le riääk bɛ̈n, acäk ŋic nɔn cïï yen we bï yök, në luɔi cä wek röt kan në tör ë wël ku mɛth ke bï we gël.

Yith 44:20

Ee kɔc gäm täŋ ee raan cït kë cam ŋeth. Täŋdɛn ë dhɔ̈ɔ̈n ee ye thɛl të wär kaam duëërë yen kony. Acïï bï gäm rɔt nɔn ye yanh muk në yeciin nɔn cïï yen ee yath taitai.

Jeremia 16:11

Ëtɛ̈ɛ̈n jɔ lëk keek an acïï Bɛ̈nydït lueel an, ‘Kuarkun acïk röt wɛl wei në Yɛn, ku lamkï yiëth kɔ̈k ku luuikï keek. Acïk Yɛn nyääŋ piny ku cïkï wëëtdï riëëu.

Jeremia 16:12

Ku wek cï kërɛɛc wär kërɛɛc de kuarkun looi, Week wedhie wek rilnïïm ku rackï, ku wek cïï Yɛn ee riëëu.

Jeremia 17:27

Ku abïk ya dhil riëëu, ku dötkï Thabath ke ee kööldiën ɣeric. Acïkï kathiek bï dhil aa tɛ̈ɛ̈k ë kal thok ë Jeruthalem ee köölë, na lek lɔ looi, yɛn bï thoŋ ë kal de Jeruthalem nyop ë mac. Mac abï ɣööt ke bääny nyuɔp piny ë Jeruthalem, ku acïn raan bï ye liɛɛu.”

Jeremia 6:19

Ku yïn piny piëŋë! Ku në biäk luöi Yɛn täŋdɛn rac këtuc ëbɛ̈n, Yɛn bï riääk bɛ̈ɛ̈i në ee kɔckë gup, në biäk cï kek wëëtdï rɛɛc ku kënkï wëlkï riëëu.

Jeremia 8:2

Ku abïï keek thieth në akɔ̈l nɔm kekë pɛɛi ku në rem de paannhial nɔm ëbɛ̈n, kɔc cï keek nhiaar ku luuikï keek, ku kuanykï keek cök, kɔc cïk gam ku lamkï, acïï keek bïï määtiic ku cïï keek tɔ̈ɔ̈u, abïk ciët wär ke ɣɔ̈k piny.

Jeremia 8:9

Röörkuön pelnïïm acï keek tɔ yäär, acïk nïïm mum ku dɔm keek. Acïk jamdï rɛɛc, ee pɛlënɔm ŋö jɔ tɔ̈u ke keek ënɔɔnë?

Jeremia 9:14

Acïk nïïm riɛl, ku jɔkï yiëth ke Baal lam cït man cï kuarken keek wɛ̈ɛ̈t bïk aa looi.

Edhekiɛl 13:22

“Në luethkun wek cï kɔc piɛth tɔ riääk piɔ̈ɔ̈th, kɔc cä ke kɔɔr bïk piɔ̈ɔ̈th riääk. Yïn ee kɔc ee karɛc looi pɛ̈n puŋëpiɔ̈u agokï wëiken kony.

Edhekiɛl 20:13

Ku wään tɔ̈u kek ë jɔ̈ɔ̈ric baai de Yithriɛl acï a bɛ̈n rɛɛc. Acïk lööŋkï dhoŋ kɔ̈ɔ̈th, ku reeckï ka cä lɛ̈k keek, kën ee raan rïïu keek gäm pïïr. Acïk kööl de Thabath rɛɛc taitai. Yɛn aa cï rɔt guiir bä keek tɔ yök agönhdiën tuc në jɔ̈ɔ̈ric ku riääk keek.

Edhekiɛl 20:16

Yɛn aa loi gutguut në biäk cïï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl de Thabath, ku kɔɔrkï bïk yiëthken aa lam.

Edhekiɛl 20:18

Ku ja dhuök jɔ̈ɔ̈ny në jɔ̈ɔ̈ric an: duökï luɔi wään bïï kuarkun looi be muk, duökï ciɛɛŋden kuany yic, ku duökï röt riäk në yiëthken.

Edhekiɛl 20:24

Yɛn aa loi ee kënë në biäk cï kek ka cä lɛ̈k keek rɛɛc, ku dhoŋkï lööŋkï kɔ̈ɔ̈th, ku riäkkï kööl ë Thabath ku lamkï yiëth wään ye kuarken luööi.

Edhekiɛl 20:30

Ënɔɔnë lɛ̈kë baai de Yithriɛl kë lueel ë Bɛ̈nydït Awärjäŋ: eeŋö bä wek aa wäc në awäny wään cï ë kuarkun kɔn looi, ku riɛŋkï në yiëthken cök?

Edhekiɛl 22:28

Tït ayek ee karɛckë moony cït man ye kɔc päny tɔc kɔ̈u në kïn ɣer. Ayek nyuuth lueth tïŋ, ku yek tör caar. Ayek lueel an guiirkï wël ke Awärjäŋ Bɛ̈nydït lueel, ku yɛn Bɛ̈nydït, yɛn kën jam wo keek.

Edhekiɛl 22:8

Wek cï ɣään ɣeriic ee riëëu, ku cäkï kööl de Thabath ee muk.

Ɣodh 12:2

Ku Bɛ̈nydït ade gääk wël nɔm kɔc ke Juda. Ku abï baai de Jakop luöi këtuuc rɔ̈ŋ kekë karɛckɛn yek looi.

Ɣodh 12:3

Kuɛɛrëdun Jakop ɣɔn aacï acueekde dɔm ŋuur në man yäc, na ɣɔn aacï dït, ke wiët kekë Nhialic.

Ɣodh 6:11

Ayï week ayadäŋ, wek kɔc ke Juda, akööl acä ke mac, akööl bän week luöi këtuc.

Amoth 1:3

Aye Bɛ̈nydït lueel an, “Kɔc ke Damathko abä keek luöi këtuc, në biäk de karɛc juëc cïk looi. Arëk abïk kɔc ke Giliyad kääm piny në abëël ke käm de thook wiɛth.

Amoth 3:2

“Ee wek cä lɔc wapäc në juöör ke pinynɔm yiic kedhie, ku tiɛɛt week. Yen kë tɔ we loi kërac ka arëët. Ka wek bä luöi këtuc në biäk de karɛc juëc cäk looi.

Maika 6:12

Kɔckɛn kueth ayek kɔc kuur, ku kɔcken ayek lueth töör, acïn yicdɛn yek lueel.

Ɣabakuk 2:18

Eeŋö duɛ̈ɛ̈rkï yök në läm de yiëth ë guaŋkï në we cin? Duëër aa ŋö, kë ye kɔc kak ë guaŋkï në ke cïn ŋɔ̈ɔ̈th, ku gamkï tör de lueth cït ee kënë, yiëth cie jam!

Romai 1:25

Kɔc cï yic de Nhialic puk tɔkï ye lueth, ku yek kë cï cuëëc riëëu ku yek luööi, awär Aciëŋ ë cak käŋ, Raan cath ke athiɛɛi aɣet athɛɛr. Amiin.

1 Theth 4:8

Yen ka, raan reec pïŋ, acie raan en reec en këde piŋ, ee Nhialic, Raan cï we miɔɔc në Wëidïtkɛn ɣer.

1 Pet 1:18

Në ŋïny ŋiɛc wek en an, acie ka duëër dhiap, cït ateek ku adhääp, kek ë wëërë we bei në täuduön ɣɔ̈ric cäk yök tëde kuarkun,

Bäny 10:6

Go kɔc ke Yithriɛl kërac bɛ looi në Bɛ̈nydït nyin. Acïk Baal kekë Acetaroth lam, ku yiëth ke Thiriya, ku yiëth ke Thidon, ku yiëth ke Mowap, ku yiëth ke kɔc ke Ammon, ku yiëth ke kɔc ke Pilithiin. Ku në luɔi cïï Yithriɛl Bɛ̈nydït puɔ̈l ku cïkkï be luööi.