Amoth 2:15 - JAM DE NHIALIC 2011

¹⁵ Ayï raan muk dhaŋ, acïï tɔŋ bï lëu, ku raan riŋ në jöŋgör acïï yiɛnhde bï lëu në kuny.

Amoth 2:15 Iomraidhean Croise

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 31:3

Kɔc ke Rip acïkï ee yiëth, ayek kɔc tei. Ku jöŋgöörken acïnkï riɛl bɔ̈ nhial. Të le Bɛ̈nydït lɔ lui, ke jur ril abï kuɛɛm, ku jur kɔ̈c ye kony abï wïïk. Keek kedhie abï keek riɔ̈ɔ̈k.

Jeremia 51:56

Acïk bɛ̈n bïk Babilon bɛ̈n riɔ̈ɔ̈k, remdɛn ë tɔŋ acï peec, ku dhɛ̈ŋken acï ke dhuööŋ. Yɛn ee Nhialic ee kërac luöi këtuc, ku Yɛn bï Babilon luööi cït man ë kë rɔ̈ŋ ke yen.

Edhekiɛl 39:3

Ku ëtɛ̈ɛ̈n yɛn bï dhaŋde jɔ riëër wei në ciin camde, ku nyaai wiɛth ke dhaŋ në ciin cuënyde.

Amoth 9:1

Yɛn ë Bɛ̈nydït tïŋ ke kääc në yïk lɔ̈ɔ̈m, ku lueel an, “Yup gɔ̈ɔ̈l nu ë mën ke Luaŋdït nïïm aläl ke yiɛɛu bï lath ku thiɔ̈i ke. Dhuɔŋë ke wei, ke ke bï wïïk në kɔc nïïm kedhie. Kɔc cï döŋ ë keyiic, abä keek nɔ̈k në abätäu. Acïn raan töŋ bï kɔt wei në ke yiic, ku cïn raan töŋ bän.

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Dhek 10:5

Kɔc ke Juda abïk aa tiam cït man ë rem de tɔŋ, ku dumkï kɔckɛn ke ater piny ë tiɔɔm de kuɛɛr yiic. Abïk rem de tɔŋ ë jöŋgöör aa tiaam, në baŋ tɔ̈u ë Bɛ̈nydït ke keek.