Amoth 2:14 - JAM DE NHIALIC 2011

¹⁴ Ku raan ŋic riŋ acï bï ban, ku kɔc ril, riɛlden acï bï tïc. Ayï jööt ke tɔŋ acïkï röt bï lëu në kuny aya.

Amoth 2:14 Iomraidhean Croise

Jop 11:20

Ku nyïïn ke piɔ̈ɔ̈th ke kɔc ee karɛc looi acïkï ee bɛ daai, acïkï kuɛɛr ke bän ee bɛ yök, ku jäl ë wëiken yen aŋäth töŋdɛn cï döŋ.

Diɛt 33:16

Melik acie tiam në biäk de riɛl ë remdɛn ë tɔŋ, ku jön ë tɔŋ acie tiam në biäk ë riɛlde.

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Jeremia 25:35

Tïït acïn kueer bä wek röt kual.

Jeremia 39:4

Wën cï Dhedekia melik kekë bänyke kedhie kë loi rɔt tïŋ, gokï them luɔi bïï kek röt kual wei ë pänydïtic wakɔ̈u. Gokï tëëk në kueer ë dom ë bääny, tëkkï në kaam de kueer ee kɛ̈l kaarou rek, ku jɔkï röt kual ë kueer të lɔ wak de Jordanic.

Jeremia 9:23

Aye Bɛ̈nydït lueel an, “Kɔc pelnïïm ë ke cïï röt ee leec në pɛlënɔmden, ku kɔc ril ë ke cïï röt ee leec ë riɛlden, ku kɔc kueth ë ke cïï röt ee leec ë kuɛthden.

Amoth 5:9

Ee riääk tɔ bɔ̈ tëde kɔc ril, ku riëëk ɣään ril ke tɔŋ.