Amoth 2:13 - JAM DE NHIALIC 2011

¹³ Ku ënɔɔnë, wek bä miɛn piny, ka wek bï teer cït man ë jöŋgör mit abël cï thiɔ̈ɔ̈ŋ në rap.

Amoth 2:13 Iomraidhean Croise

Cäk 37:7

Yɛn aa nyuöth ke wo dut agamɔ domic. Na wën, ke nɔmdiën ë duööt ë ciëp ë thar piny. Go nïïm ë duötkï keek bɛ̈n ku geeukï piny. Ku gutkï kenïïm piny në yenɔm.”

Jop 39:12

Ye ŋɔ̈ɔ̈th nɔn duëër en kakuön cï tem bɛ̈ɛ̈i, ku kut ke nïïm në yiɛɛudu yic.

Diɛt 78:40

Ee raandï yen cï kek agɔ̈th looi në yen ë jɔ̈ɔ̈ric, ee raandï yen ye kek En tɔ göth!

Yith 1:14

Yɛn man Dhuëëŋduön ë pɛɛi piac wil, ku akööl ke lɔ̈ŋ, ayek kathiek cän ke bäp në ɣɔ̈ɔ̈cden.

Yith 43:24

Wek kën a ɣɔ̈c wal ŋïr, nɔn takï ya kueth në kɔɔl ke läikun. Në nyinden yic wek cï ya doony në awɛ̈ɛ̈c, we cï ya tɔ bäp në awɛ̈ɛ̈ckuön yak ke looi.

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Edhekiɛl 16:43

Yïn cï nɔm määr wään mɔ̈k yɛn yïn, ɣɔn koor yïn, ku yïn cï ya tɔ göth në biäk de kakuön cï looi kedhie. Yeka ta yɛn yïn col keek kedhie. Eeŋö yïn kake bal mat në karɛc kɔ̈k cï looi?” Bɛ̈nydït Awärjäŋ yen aa jam.

Edhekiɛl 6:9

të bïï kek lɔ rëër ë juöör yiic. Abïk a tak, ku ŋickï nɔn cän keek luöi këtuc ku cä ke yɔ̈ɔ̈r gup, në biäk cïn kek piɔ̈ɔ̈th gäm, acïk a nyääŋ piny, gamkï yiëth ku pälkï yɛn. Ku keek gupken abïk kërac tïŋ në biäk de karɛcken, ku ka yäär ke gup cïk looi.

Malakai 2:17

Wek ë Bɛ̈nydït nuaan në jam. Ku wek ee lop an, “Cuk nuaan adï? Acäk nuaan në luɔiduön ya wek en lueel an, “Kɔc ee karɛc looi ëbɛ̈n, kek aye kɔc piɛth tëde Bɛ̈nydït. Ku luɛlkï an, ye Bɛ̈nydït piɔ̈u miɛt ke keek. Ku ayï lop ya wek lop ayadäŋ an, “Nu Nhialic ë nou, Nhialic de yic?

Kuɛ̈n 7:3

acïk Bɛ̈nydït bɛ̈n yiɛ̈n miɔ̈c në abëël ke jöŋgöör kadhetem athiäŋ, ku bïïkï thön kathiëër ku rou, dhiën ke thɔn, ku dhiën kaarou aake ye abël ë jöŋgöör rɔm. Agokï ke gam në paany de mät thok.