Amoth 1:9 - JAM DE NHIALIC 2011

⁹ Aye Bɛ̈nydït lueel an, “Yɛn bï kɔc ke Tayer luöi këtuc në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm Edom, ku cïkï löŋ ë cïk mac në biäk de ŋiëc rëërden be döt.

Amoth 1:9 Iomraidhean Croise

2 Tham 5:11

Go melik Ɣiram në päny de Tayer kɔc tuɔɔc tëde Debid, ke ke muk mën dït ke tiim ke thidar, ku kɔc ë tiim guaŋ, ku kɔc ee kur pak yiic, ke ke bï ɣönë bääny ë Debid yïk.

Diɛt 83:7

Kɔc ke Gebal, ku kɔc ke Ammon, ku kɔc ke Amalek, ku kɔc ke Pilithtia kekë Tayer.

Jeremia 47:4

Akööl acïk bɛ̈n akööl bïï ë ke Pilithtiya riɔ̈ɔ̈k, bïï ë ye tɛɛm wei tëde Tayer kekë Thidon ku kuɔɔny cï döŋ ë bɛ̈n. Yɛn Bɛ̈nydït Yɛn bï Pilithtiya riɔ̈ɔ̈k, kɔc ë bɔ̈ në wɛ̈ɛ̈r de Keret yɔu ëbɛ̈n.

Edhekiɛl 27:1

Go jam de Bɛ̈nydït bɛ̈n tëde yɛn an:

Edhekiɛl 27:27

Kajuëckuön ye ɣaac kedhie, kɔckuön ee ger në abël wïïric kedhie, kɔckuön ee abëël wïïr guaŋ ku kɔc ee käŋ ɣaac, raan de rem de tɔŋ ë tɔ̈u në abëlic ëbɛ̈n Keek kedhie acïk bɛ̈n määr ëbɛ̈n ë wɛ̈ɛ̈ric Wään bï abël wïïrdu mɔu.

Edhekiɛl 28:1

Go jam de Bɛ̈nydït bɛ̈n tëde yɛn an:

Edhekiɛl 28:18

Yïn cï kërac looi, në ɣööc ku ɣɛɛc arëk abï ɣäänkuön ke läm riääk, Aguɔ pänydït ɣök mac ëbɛ̈n ku nyuɔp piny. Kɔc woi yïn kedhie ayek yïn tïŋ ke yï cï tɔ ye ŋeth.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Amoth 1:6

Aye Bɛ̈nydït lueel an, “Kɔc ke Gadha abä keek luöi këtuc, në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm kɔc ke Edom.

Obadaya 1:11

Të ɣɔn dhuuŋ kɔckɛn ke ater kɛ̈lken thook, yïn ë bɛ̈n kɔ̈ɔ̈c tëmec. Yïn ë bɛ̈n ciët raan töŋ de kɔc ɣɔn pec kajuëc ke Jeruthalem, ku tëkkï ke röt në deeny ë gɛk.

Dhek 9:1

Kë cï Bɛ̈nydït lueel kï: Akɔɔr nɔn lui yen piny de Ɣadrak këtuc, kekë Damathko. Ku kɔc kedhie abïk kenyïïn puɔ̈k Bɛ̈nydït cït man cï dhiëën ke Yithriɛl kenyïïn puk.

Math 11:21

An, “Amawoou në yïn, yïn Karadhin! Amawoou në yïn, yïn Bethaida! Tëë cï luɔi ril looi ë Tayer ku Thidon, cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ku ceŋkï cual ku rëërkï ë aropic.

Math 11:22

Ku wek yɔ̈ɔ̈k an, Këtuc bï Tayer yök ayï Thidon acïï bï kït kekë këtuc bäk yök ëkööl ë guiëërëlöŋ.

Luk 10:13

Amawoou në yïn, Koradhin! Amawoou në yïn, Bethaida! Tëë kadït ril cï looi ë Tayer ku Thidon cït man cï ke looi ë weyiic, adï cïk kepiɔ̈ɔ̈th puk ɣɔn thɛɛr, ke ke ceŋ cual ku yek rëër ë aropic!

Luk 10:14

Ku këtuc bïï Tayer ku Thidon yök acïï bï kït kekë këtuc bäk yök.