Amoth 1:6 - JAM DE NHIALIC 2011

⁶ Aye Bɛ̈nydït lueel an, “Kɔc ke Gadha abä keek luöi këtuc, në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm kɔc ke Edom.

Amoth 1:6 Iomraidhean Croise

2 Lëk 28:18

Ku kɔc ke Pilithiin aake lɔ ke ke yak bɛ̈i ke Juda yiic, bɛ̈i nu ë kur thäär të lɔ aköl athɛ̈i ku bɛ̈i nu të lɔ wöuwic. Ku peckï pɛ̈ɛ̈nydït ke Beth Cemec, Aijalon ku Gederoth, ku pɛ̈ɛ̈nydït ke Thoko, ku Timena, ku Gimdho në wuötkɛn kor, ku lek ëtɛ̈ɛ̈n ɣap ke ee këden.

Jeremia 47:1

Ɣɔn kën ë melik de Rip Gadha kɔn mak, go Bɛ̈nydït jam ke tiët Jeremia në biäk de Pilithtiya.

Edhekiɛl 35:5

“We aaye kɔc ke ater de Yithriɛl ë caŋɣɔn, ku takï kɔcke temë röt në akööl ke riääkde yic, akööl ciëën ke këtuc cï luöi yen në biäk de awɛ̈ɛ̈cke.

Jowɛl 3:4

“Eeŋö kaarkï tëde Yɛn yïn Tayer wekë Thidon, ku paan de Pilithtiya ëbɛ̈n? De kë guöörkï, kë cä luöi week? Na de kë guöörkï, ke Yɛn bï kë cäk luöi Yɛn jɔ dap guöör nɔm në week aruööth.

Jowɛl 3:6

Wek cï kɔc ke Juda, ku kɔc ke Jeruthalem ɣɔ̈c kɔc ke Girikii, jatkï keek pinyden ku leerkï ke tëmec.

Amoth 1:11

Aye Bɛ̈nydït lueel an, “Kɔc ke Edom abä keek luöi këtuc, në biäk de karɛc juëc cïk looi. Arëk abïk kɔc ke Yithriɛl, mïthëkɔcken yɔ̈ɔ̈p në abätɛ̈ɛ̈u, abïk jɔ tïc ëgɔk nɔn cïn en kokdepiɔ̈u tɔ̈u ke keek taitai. Ayek tɔ̈u ke ke diu piɔ̈ɔ̈th aköölnyïïn kedhie. Ku ayek agönhden mukic ananden.

Amoth 1:3

Aye Bɛ̈nydït lueel an, “Kɔc ke Damathko abä keek luöi këtuc, në biäk de karɛc juëc cïk looi. Arëk abïk kɔc ke Giliyad kääm piny në abëël ke käm de thook wiɛth.

Amoth 1:7

Në biäk de ee kënë, yɛn bï mac tuɔɔc pänydïït de Gadha, ku nyuɔp ɣään riilke piny.

Amoth 1:9

Aye Bɛ̈nydït lueel an, “Yɛn bï kɔc ke Tayer luöi këtuc në biäk de karɛc juëc cïk looi. Arëk abïk kɔc ke paan tök peec kedhie, ku lek keek gäm Edom, ku cïkï löŋ ë cïk mac në biäk de ŋiëc rëërden be döt.

Obadaya 1:11

Të ɣɔn dhuuŋ kɔckɛn ke ater kɛ̈lken thook, yïn ë bɛ̈n kɔ̈ɔ̈c tëmec. Yïn ë bɛ̈n ciët raan töŋ de kɔc ɣɔn pec kajuëc ke Jeruthalem, ku tëkkï ke röt në deeny ë gɛk.

Dhek 9:5

Acekelon abï riɔ̈ɔ̈c të le yen ee kënë tïŋ. Ku Gadha abï ë thiëu kuemic arëët. Ku aŋäth de Ekeron abï riäär. Melik de Gadha abï thou, ku Acekelon abï pɔ̈l.

Luɔi 8:26

Na wën, ke tunynhial tuny ë Bɛ̈nydït jɔ Pilip yɔ̈ɔ̈k an, “Jɔt rɔt, lɔ të lɔ wöuwic, të nu kueer jël ë Jeruthalem le Gadha.” Kueer tëk ë jɔ̈ɔ̈ric.

1 Tham 6:17

Yen luɔi ë gëmë kɔc ke Pilithiin miɔ̈c de awäc Bɛ̈nydït ka, aake ye ŋoiŋooi ka adhääp kadhïc ke ke thöŋ në pii, tök ke wun tök në wuötken yiic: Acedɔd ku Gadha, ku Acekelon, ku Gath, ku Ekeron.