Amoth 1:14 - JAM DE NHIALIC 2011

¹⁴ Në biäk de ee kënë, Yɛn bï mac tuɔɔc Raba bï lɔ nyuɔp piny, ku nyop ɣään riilke piny. Ku ëtɛ̈ɛ̈n, abï dɛ awuɔɔu de tɔŋ, ku anuɔɔn de kööl amaŋdït.

Amoth 1:14 Iomraidhean Croise

2 Tham 11:1

Na ɣɔn yaak, të ye melik tɔŋ dap lɔ thɔ̈ɔ̈r, go Debid Jowap tuɔɔc biic kekë rem de tɔŋ ë Yithriɛl, gokï kɔc ke Ammon lɔ tiaam, ku geeukï Raba cil. Ku dɔ̈ŋ Debid ke rɛ̈ɛ̈r në Jeruthalem.

2 Tham 12:26

Go Jowap ŋoot ke lui tɔŋ Raba de kɔc ke Ammon, ku aacï thiök në luɔi bïï en en dɔm.

2 Tham 12:31

ku ye kɔc ke wut tɔ ɣɛ̈ɛ̈r tiim yiic, ku yek pur looi, ku loikï yiëp ke wëëth, ku tɔ keek loi thop. Ku lui ee kënë kɔc ke wuöt kɔ̈k ke Ammon kedhie. Na wën ke Debid ë jɔ rɔ dak Jeruthalem kekë remdɛn ë tɔŋ ëbɛ̈n.

1 Lëk 20:1

Na ɣɔn yaak, të ye melik tɔŋ dap lɔ thɔ̈ɔ̈r, go Jowap rem de tɔŋ lɛɛr tɔŋ ku peec piny de Ammon, ku melik Debid aa rɛ̈ɛ̈r ë Jeruthalem. Gokï pänydït de Raba gɛɛu cil, ku mɛkï ku riäkkï.

Jop 39:25

Ee tɔŋ ŋöör ke mec, ku bäny tueŋ ayek rem de tɔŋ kiiu, ku të cïï kaaŋ kooth ke jöŋgöör ë ke jɔ kiɛɛu moc.

Diɛt 83:15

Cuɔpë ke wei në amaŋdu ku riääcë keek në yomduön dït.

Yith 29:6

Bɛ̈nydït de rɛm abï we luök në rel ye deŋ rel arëët ku lɛthë piny. Abï amaŋdïït ril kekë many dɛ̈p arëët tuööc,

Yith 30:30

Bɛ̈nydït abï röl ë dhuëëŋde tɔ piŋ ë raan ëbɛ̈n ku tɔ yök rac de agönhde. Abï dɛ lɔ̈k de mac, ku luändïït adur, ku rel ë deŋ, ku deŋ ë kɔɔi.

Yith 9:5

Wɛɛr cieŋ ë kɔc ke ater bïï tɔŋ, ku lupɔɔkɛn de gup rim ëbɛ̈n abïï ke riɔ̈ɔ̈k në mac

Jeremia 23:19

Agönhde ee amaŋdït, ee yomdïït bï lööny ë kɔc ee karɛc looi nïïm,

Jeremia 49:2

Ku akööl abïkï akööl bän kɔc ke Rabba tɔ piŋ awuɔɔu de tɔŋ, ku abï nyääŋ piny ke cï riääk, ku bɛ̈ike abïï ke nyuɔp piny ë mac. Ku ëtɛ̈ɛ̈n Yithriɛl abï pinyde pɔ̈k nɔm ciëën tëde kɔc ɣɔn cï ye nööm tëde keek.

Edhekiɛl 21:20

Abï dɛ raan nyoth kueer lɔ pänydït de kɔc ke Amon cɔl Raba, ku kueer däŋ lɔ Jeruthalem pänydït cï gël ë Juda.

Edhekiɛl 21:22

Ënɔɔnë! Ciin cuënyde amuk wïnh ë dhaŋ cï giit an ‘Jeruthalem’ aye yɔ̈ɔ̈k bïï kɛ̈l lɔ dhuööŋ thook, ku looi awuɔɔu de tɔŋ, ku took kɛ̈l thook, ku thɔɔc tiɔp nɔm, ku wec puɔ̈l.

Edhekiɛl 21:25

“Yïn bɛ̈ny rɛɛc de Yithriɛl cïï yic ɣer, kööldu, köölduön ciëën bïï ë yïn luöi këtuc abɔ̈.

Edhekiɛl 25:5

Yɛn bï pänydït de Raba puk ke ye të bïï ë thɔ̈rɔ̈ɔ̈l mac thïn, ku piny de Ammon ëbɛ̈n abï döŋ ke ye të ye thök mac thïn, ke bäk ŋic nɔn ee yɛn Bɛ̈nydït.

Edhekiɛl 25:7

Në biäk de kë cäk looi, wek bä ke tääu në riɛl de juöör kɔ̈k cin, kɔc bï week rum ku yiɛkkï week. Wek bä riɔ̈ɔ̈k taitai, ka wek cïï bï bɛ aa jur, ku ciënkï piny de nɔmdun. Ëtɛ̈ɛ̈n abäk jɔ ŋic nɔn ee yɛn Bɛ̈nydït.”

Danyel 11:40

“Ke të cï kööl ciëën ke melik de Thiriya thiɔ̈k në bɛ̈n, abïï melik de Rip yen yiɛ̈n tɔŋ, ku melik de Thiriya abï tɔŋ looi në riɛlde ëbɛ̈n, abï tɔŋ looi në abëël ke tɔŋ, ku joŋgöör, ku abëël wïïr juëc. Abï wuöt juëc luöi tɔŋ cït man ë pïïu ke amool.

Amoth 2:2

Në biäk de ee kënë, yɛn bï mac tuɔɔc Mowap le nyuɔp piny, ku nyop ɣään riilke piny në Kerioth. Ku kɔc ke Mowap abï keek tiaam, ku näk keek në awuɔɔu de tɔŋ, ku lɔ rem de tɔŋ ke ke kïïu, ku lɔ kaaŋ ke koth.

Dhek 7:14

Aguɔ keek gap wei cït man ë yom, lɛɛr keek ë juöör lei yiic. Yen ee piny lɛ̈kë, ëbɛ̈n döŋ baaŋ ke cïn raan nu thïn.”

Nyöŋ 3:11

(Og melik de Bacan, ee yen ee raan töŋ ë dɔ̈ŋ ë kɔc ke Repaimiic, acï looi ë kuur, Ku raŋde acï looi në kuur ye bɛ̈ɛ̈rde yen kɔ̈u mitïïr kaŋuan, ku päu de yenyic ee mitïïr kaarou, cït tɔ̈u de athëm cï gam. Ku aŋoot ke täu ë Rabba pänydïït de kɔc ke Ammon ënɔɔnë.)