Luɔi 2:4 - JAM DE NHIALIC 2011

⁴ Agokï thiäŋ në Wëidït ɣer kedhie, ku jɔkï jam në thok lei, acït man cï Wëidït ɣer e gäm keek bï kek jam.

Luɔi 2:4 Iomraidhean Croise

2 Tham 23:2

Wëi ke Bɛ̈nydït ajamkï në yaguöp, jamde atɔ̈u në yathok.

Yith 28:11

Na cakkï kë luɛɛl piŋ, ke Nhialic abï kɔc alɛi bɛ̈ɛ̈i, kɔc ee jam ë thoŋ mɛɛn, bïk week bɛ̈n wɛ̈ɛ̈t ë piööc.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Jeremia 6:11

Agönhduön göth yïn we keek Bɛ̈nydït, ee dëp në ya yic ayadäŋ, ku acïn luöi duɛ̈ɛ̈r ɛn en bɛ muk.” Na wën, go ë Bɛ̈nydït lɛ̈k ɛn an, “Wälë agönhdï në mïth gup në kuɛɛriic ku në amɛɛt ke dhuök yiic. Ku moc ku tik abï keek jat wei, acakaa raandït cï dhiɔp arëët acïï bïï pɔ̈l.

Edhekiɛl 3:11

Ku ëtɛ̈ɛ̈n jɔ lɔ tëde kɔckuön tɔ̈u piny lei, ku lɛ̈kë keek kë luɛɛl, Yɛn Bɛ̈nydït Awärjäŋ. lɛ̈kë keek ee kënë, na bïk piŋ ku na cïkï bï piŋ.”

Maika 3:8

Na yɛn, yɛn thiäŋ wokë riɛl ku Wëi ke Bɛ̈nydït. Yɛn cï riit piɔ̈u, ku gëmë ya yic, bän baai de Yithriɛl lɛ̈k awänyden, ku guiëër keek kërɛɛc cïk looi.

Math 10:19

Ku të cï we yiɛ̈n kɔc, duökï ë diɛɛr në jam bä wek jam ku në wël bäk lueel, kë bäk lueel abï gäm week ë thaar manë guöp.

Mak 16:17

Ku kagöökkë abïk kɔc aa kuany cök kɔc cï gam: an, në rinkï abïk jɔɔk rac aa cieec, abïk aa guɛl ë thook mɛɛn thook cï piac yök,

Luk 1:15

Abï dït ë Bɛ̈nydït nyin, ku acïï bï aa dek ë mɔ̈n tuc ayï mɔ̈u ëbɛ̈n, ku abïï Wëidït ɣer thiɔ̈ɔ̈ŋ piɔ̈u ë kööl dhiëëthëye.

Luk 1:41

Na wën, aacï Elithabeth thiëc de Meri piŋ, ke meth jɔt rɔt ë yeyäc, go Elithabeth thiäŋ ke Wëidït ɣer:

Luk 1:67

Go Dhekaria wun go thiäŋ ke Wëidït ɣer, ku jɔ wël guiir an:

Luk 12:12

Wëidït ɣer abïk we wɛ̈ɛ̈t ë thaar manë guöp në kë bäk dhil lueel.”

Luk 21:15

we bä gäm thook pɛlënɔm, ke kɔc de ater në week ke ke cïï bëër bëër kek këdun bï lëu, ayï teer teer kek në week aya.

Luk 4:1

Na wën, ke Yecu dɔk enɔm ë Jordan, ke cï thiäŋ ke Wëidït ɣer, ku jɔ Wëidït thɛl ë jɔ̈ɔ̈ric,

Jɔn 14:26

Ku Raan ee kɔc muk piɔ̈ɔ̈th, yen aye Wëidït ɣer, Wëi bïï Wäär tooc në rinkï, yen abï we wɛ̈ɛ̈t ë këriëëc ëbɛ̈n, ago we tɔ tak wenïïm ë ka cä lɛ̈k week kedhie.

Jɔn 20:22

Na wën, aacï kënë lueel, ke jɔ wëi ë kegup, ku yöök keek an, “Nämkï Wëidït ɣer.

Luɔi 1:5

Jɔn ee kɔc baptith ë pïïu në yic, ku week, we bï baptith ë Wëidït ɣer acïn nin juëc bï lɛɛr.”

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 10:46

Acïk ke piŋ ke ke jam ë thook lei, ke ke lec Nhialic. Go Petero bɛ̈ɛ̈r, an:

Luɔi 10:47

“De raan duëër pïïu pëën an, cïï kɔckë baptith, kɔc wën cï Wëidït ɣer yök cït man ë wokë?”

Luɔi 11:15

Na wën, aa gal jam, ke Wëidït ɣer ke ke lööny ë kegup, acït man cï kek kɔn lööny ë wogup wään.

Luɔi 11:24

Baranaba ee raan piɛth, raan cï piɔ̈u thiäŋ ke Wëidït ɣer ku gäm, go kɔc gam Bɛ̈nydït ago ke ŋuak nyïïn aläl.

Luɔi 13:52

Go kɔcpiööcë piɔ̈ɔ̈th miɛt aläl, ku thiëŋkï në Wëidït ɣer.

Luɔi 13:9

Go Thaulo, rinkɛn kɔ̈k acɔlke Paulo aya, wën cï en thiäŋ ke Wëidït ɣer go toom guöp,

Luɔi 15:8

Ku Nhialic, Raan ŋic kɔc piɔ̈ɔ̈th, acï aa cäätɔden, në miɔ̈c cï en keek miɔɔc në Wëidït ɣer, acït man cï en wo miɔɔc.

Luɔi 19:6

Ku të cï Paulo yecin thany ë kegup, ke Wëidït ɣer ke ke bɔ̈ ë kegup, agokï jam gɔl në thook lei, ku guiirkï wël ke Nhialic.

Luɔi 2:11

ku kɔc ke Keret, ku kɔc ke Arabia, kek a piŋku ke ke jam në thookkuɔ ë kagöök ë looi Nhialic!”

Luɔi 2:3

Na wën, ke liëp ë ke tul, liëp cït mac, cï keyiic tek: ku jɔkï nyuc ë kegup kedhie.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 4:8

Go Petero thiäŋ në Wëidït ɣer, ku yöök keek an, “Week, we bäny ke kɔc, ku wek röördït ke Yithriɛl:

Luɔi 6:3

Na ënɔɔnë, wek mïthëkɔckuɔ, jakï röör kadhorou kɔɔr ë weyiic, röör cath ë rin piɛth ë kɔc yiic, ku cïk thiäŋ ë Wëidït ku pɛlënɔm, kɔc buk tääu ë luɔiyë nɔm.

Luɔi 6:5

Ku löŋë acï kut ë kɔc tɔ mit piɔ̈ɔ̈th kedhie, agokï Thepano lɔc, raan ë gam arëët, ku cï thiäŋ ke Wëidït ɣer, ku Pilip, ku Porokoro, ku Nikanor, ku Thimon, ku Parmena, ku Nikola raan ë bɔ̈ Antiokia ku cï rɔt tɔ ye Judai.

Luɔi 6:8

Ku Thepano ee raan ee piɔ̈u adhuɛ̈ŋ arëët, ku ciɛth ke riɛldït, ku acï göök looi ë kɔc yiic ayï ka ye kɔc ke gäi.

Luɔi 7:55

Go Thepano, wën cï en thiäŋ ke Wëidït ɣer, go tënhial toomic ë daai, ku tïŋ dhuëëŋ de Nhialic, ku tïŋ Yecu ke kääc ë baŋ cuëny de Nhialic.

Luɔi 8:17

Ku jɔkï kecin thany ë kegup, agokï Wëidït ɣer nööm.

Luɔi 9:17

Go Anania jäl, le ɣöt, na wën, ke thɛny ecin ë yenɔm, ku lueel an, “Thaulo mɛnhkäi, yɛn aa tooc Bɛ̈nydït Yecu, raan ë tiëc tëde yïn kueer wään bï yïn eenë, yen aa toc ɛn, ke yï bï piny bɛ tïŋ, ku bä thiäŋ në Wëidït ɣer.”

Romai 15:13

Ku ënɔɔnë, Nhialic de aŋäth ë week thiɔ̈ɔ̈ŋ piɔ̈ɔ̈th në miɛtëpiɔ̈u ëbɛ̈n kekë mät në gäm gäm wek, ke aŋäth ŋäth wek abï lɔ ke dït, në riɛl ë Wëidït ɣer.

1 Kor 12:10

ŋɛk aye miɔɔc ë kë bï en luɔi ril aa looi, ku miɔɔc ŋɛk ë guiëër bï en wël ŋiëc aa guiir, ku ŋɛk në pɛ̈ɛ̈k duëër en wëi pääk, ku ŋɛk në jam ë thoŋ kithic, ku ŋɛk në ŋïny bï en thok aa puk yiic.

1 Kor 13:1

Na ya cak jam wokë liëp ke kɔc ayï tuucnhial, ku ciën nhiëër, ke yɛn cï ciët maläŋ kök, ku ciët alogör cï tɔɔŋ.

1 Kor 13:8

Nhiëër acie dak anande. Ku na de guiëër ë wël nu, ka bï aa ciën naamde, ku na de liëp nu, ka bïk jɔ kɔ̈ɔ̈c, ku na de ŋïnydekäŋ nu, ka bï aa ciën naamde.

1 Kor 14:18

Thieithieei Nhialicdï, yɛn ee jam në thook mɛɛn, ka week wäär wedhie.

1 Kor 14:5

Ku yɛn duëër piɔ̈u miɛt të ya wek jam ë thook mɛɛn wedhie, ku luɔi bä wek wël aa guiir yen anu ë yapiɔ̈u arëët. Ku raan ee wël guiir yen adït awär raan ee jam ee thook mɛɛn, të kën en jam puk, ke ɣön ë Nhialic ë bï kueet.

Epethiei 3:19

Aguɔkï nhiëërde ŋic, nhiëër wär ŋïnydekäŋ, ke we bï kuɛth në kuɛth ë Nhialic ëbɛ̈n.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

Epethiei 6:18

Ku yak cool ë lɔ̈ŋ ë aköölnyïïn kedhie në lɔ̈ŋ ëbɛ̈n ku pal ë Wëi yiic, ku yak cök ë tiɛɛt wek röt ë keyiic, në ŋäŋ aa wek wenïïm ŋak arëët ku pal aa wek pal në biäk de kɔc ɣerpiɔ̈ɔ̈th kedhie.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

2 Pet 1:21

Acïn jam ë guiir tiët jam ë bɔ̈ në këde piɔ̈n ë raan ëtaiwei: kɔc ɣerpiɔ̈ɔ̈th kɔc ke Nhialic aake ye jam guiir të ye Wëidït ɣer ke kuaath.

1 Tham 1:14

ago Eli lɛ̈k en an, “Eeŋö ee yïn cool ke yï wiɛɛt? Päl mɔ̈u në dëk!”

1 Tham 10:10

Na wën aa ɣeet Gibia, ke räm kekë tït juëc, ago wëi ke Nhialic ye dɔm arëët, ago käŋ caar kekë tït ëtök.