Luɔi 2:2 - JAM DE NHIALIC 2011

² Ago awuööu dap bɛ̈n ëthiäu paannhial, acït awuööu de yom dïït put, ku thiëëŋ ɣöt ëbɛ̈n ɣön rëër kek thïn.

Luɔi 2:2 Iomraidhean Croise

1 Mel 19:11

Go ë Bɛ̈nydït lɛ̈k en, an, “Lɔɔ, ku kääcë ë kuur nɔm ë Bɛ̈nydït nɔm.” Go Bɛ̈nydït tëëk, go yom dïït ril ago kur ɣääriic ku dhoŋ kur kor ë Bɛ̈nydït nɔm, ku Bɛ̈nydït acïï nu ë yomic: na wën, aacï yom wan, ke piny nieŋ rɔt, ku Bɛ̈nydït ë cïï nu të nieeŋ piny ë rɔt.

Diɛt 18:10

Ee kɛɛc ë cerubiim kɔ̈u ku pɛ̈ɛ̈r, ee cath në wuök ke yom kɔ̈ɔ̈th.

Diɛt ke 4:16

Jɔt rɔt pääcë yom de të lɔ rut. Ku yïn yom de wöuwic puɔ̈të të lɔ domdï, thiɔ̈ŋ yomic në awäu. Tɔ monydiën nhiaar bɔ̈ domde, ku bïï bɛ̈n cam në mïthkɛn mit aläl.

Yith 65:24

Aɣet të ŋoot kek ke ke läŋ ɛn, yɛn bï lɔ̈ŋden puk nɔm.

Malakai 3:1

Go Bɛ̈nydït de rɛm ke yɔ̈ɔ̈k an, “Piɛŋkï, Yɛn bï tunydï tuɔɔc tueŋ, le kueerdï kiɛm piny. Ku bïï löŋdiën cï mac bɛ̈n caal, yen tuny nhiaarkï. Ku ëtɛ̈ɛ̈n, Bɛ̈nydïïtduön kaarkï abï dap guɔ bɛ̈n Luaŋdït ëthiäu.

Luk 2:13

Na wën, ke remdïït ë paannhial ke jɔ tuöl ëthiäu në tunynhial ëtök, ke ke piɔny Nhialic, ku luelkï, an:

Jɔn 3:8

Yom ee pɔ̈t tëde piɔ̈nde, ku yïn ee awööude piŋ, ku kuc të bï yen thïn, ayï të le yen thïn: raan ëbɛ̈n raan cï dhiëëth ë Wëi yen acït en.”

Luɔi 2:3

Na wën, ke liëp ë ke tul, liëp cït mac, cï keyiic tek: ku jɔkï nyuc ë kegup kedhie.

Luɔi 2:6

Na wën, aacï jamë piŋ ë kɔc, ke kut ë kɔc ë guëër, gokï nïïm mum, raan ëbɛ̈n ë keek piŋ ke ke jam ë thoŋde guöp.

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.