Luɔi 2:1 - JAM DE NHIALIC 2011

¹ Na wën, aacï kööl ë Thiërdhïc guɔ bɛ̈n, ke ke tɔ̈u tëtök kedhie.

Luɔi 2:1 Iomraidhean Croise

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

2 Lëk 5:13

Kɔc koth kɛŋ, ku kɔc ket diɛt, acïk ke röt mat abï ciët röl ë raan tök, bïk lɛc ku dhuëëŋ gäm Bɛ̈nydït. Ku ciɛthkï në lɔ̈r, ku kɛŋ ku thom, acïk ke röl jat nhial ku yek Bɛ̈nydït leec ku lëkkï thieithieei ë diɛt an, “Pianykï Bɛ̈nydït në biäk de piɛthde, Ku nhiëërdɛn agɔk atɔ̈u athɛɛr.” Na wën aa jɔ bäny ke kake Nhialic Luaŋdït nyääŋ piny, go guɔ thiäŋ ëthiäu ke luäät, ku riau de ɣɛɛr ë Bɛ̈nydït,

Diɛt 133:1

Ee këpiɛth cït ŋö, ee kë diik cït ŋö, luöi ye kɔc ke Nhialic rëër ëtök ë mätic!

Bɛ̈n 23:16

“Yak dhuëëŋ de tëm looi, në baŋ de ka cï kɔn luɔk të cä wek tëm de ka cï luɔk gɔl ë duumkun yiic. “Yak Dhuëëŋ de Kɛ̈ɛ̈t looi, të ye käŋ määt yiic, kakuön cï luɔk ë duumiic në thök ë ruöön.

Bɛ̈n 34:22

“Yak dhuëëŋ de tëm döt, të gal wek tëm de agamɔ cï kɔn luɔk. Ku dɔ̈tkï dhuëëŋ de kɛ̈ɛ̈t rut të määt wek mïth ke tiimkun yiic.

Jeremia 32:39

Ku abä ke gäm täŋ tök në pïïric: ee luɔi bïk kek Yɛn aa riëëu akööliic ëbɛ̈n, në biäk de piathden ku piath de kuatden.

Dhep 3:9

“Ku Yɛn bï jam de juöör puk ke ye jam lɔ wai, ku abïk Ɛn aa lam ke cie yiëth kɔ̈k, ku yek A riëëu kedhie.

Luɔi 1:5

Jɔn ee kɔc baptith ë pïïu në yic, ku week, we bï baptith ë Wëidït ɣer acïn nin juëc bï lɛɛr.”

Luɔi 1:8

Ku we bï riɛl yök, të cï Wëidït ɣer bɛ̈n ë wegup, ku we bï aa cäätɔɔkï ë Jeruthalem, ku Juda ëbɛ̈n, ku Thamaria, ku aɣet të guutë piny thar.”

Luɔi 2:46

Agokï aa cool ë Luaŋdïtic aköölnyïïn kedhie në piɔ̈n tök, ku yek kuïn wääkic ɣönë ku ɣönë, ku yek këden cam në piɔ̈nmit cïnic ruëëny,

Luɔi 20:16

Paulo aa de piɔ̈u luɔi bï en Epetho winy thok ë abël, acïn piɔ̈u luɔi bï en ceŋ në Athia, aa cath aläl, nɔn de të bï en nu Jeruthalem ë kööl ë Thiërdhïc.

Luɔi 4:24

Na wën, aa cïk jam piŋ, ke ke jɔt keröt lamkï Nhialic në piɔ̈n tök, luelkï an, “Bɛ̈nydït, Yïn Nhialic, Yïn Aciëŋ ë cak paannhial ku piny ku wɛ̈ɛ̈r, ku ka nu ë keyiic kedhie!

Luɔi 4:31

Na wën, aa cïk lam, ke piny nieŋ rɔt të wën cï kek guëër thïn, agokï thiäŋ në Wëidït ɣer kedhie, ku jɔkï jam ë Nhialic guiir në ŋeeny.

Luɔi 4:32

Ku tɔ̈u kut ë kɔc cï gam në piɔ̈n tök ku në jam tök: ku acïn raan ee ye lueel në ka cath ë yen an, ee kake yenguöp, ayek rɔm ëtök në käŋ kedhie.

Luɔi 5:12

Ku göök juëc ku ka ye kɔc ke gäi acï ke looi ë tuuc cin ë kɔc yiic: go kɔc aa guëër ë piɔ̈n tök ë göl ë Tholomonic.

Romai 15:6

ke we bï Nhialic aa lɛc nɔm në piɔ̈n tök ku në thoŋ tök, yen aye Wun Bɛ̈nydan Yecu Kërtho.

1 Kor 16:8

Ku yɛn bï rëër Epetho aɣet kööl ë Thiërdiäk.

Pilipoi 1:27

Yak tɔ̈u apiɛth tei, ke täudun bï aa röŋ kekë wëlpiɛth ke Kërtho, ku na miäk, aa cä bɛ̈n bä week bɛ̈n tïŋ, ku na kɛ̈n bɛ̈n aya, ke yɛn duëër këdun piŋ, nɔn kääc wek aril në piɔ̈n tök, ku nɔn luööi wek arëët në piɔ̈n tök në këde gäm de wëlpiɛth.

Pilipoi 2:2

Ke we bï miɛt de yɛnpiɔ̈u tɔ ye yic, në luɛl aa wek jam tök lueel, ku dɛkï nhiëër töŋë, ku yak löŋ tök mat, ku cathkï në piɔ̈n tök.