Luɔi 13:3 - JAM DE NHIALIC 2011

³ Na wën, aa cïk cäm bɛ rɛɛc, ku lɛ̈ŋkï, gokï kecin thany ë kenïïm, ku tɔkï ke jël.

Luɔi 13:3 Iomraidhean Croise

Kuɛ̈n 27:23

Ku thɛny Jocua nɔm, ku ciɛɛl nɔn yen bɛ̈ny në nyinde yic cït man cïï Bɛ̈nydït ye lɛ̈k en.

Luk 2:37

Ke acï tɔ̈u ke ye tiiŋ thuööm runke acïtkï thiërbɛ̈t ku ŋuan, ku cïï Luaŋdït ee pɔ̈l, ee ka ke Nhialic looi wɛ̈ɛ̈rwakɔ̈u ku aköl, në reec ee yen cäm rɛɛc ku në pal yen pal.

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 13:2

Na wën, të looi kek ka ke bɛ̈nydït, ku reeckï cäm, ke ke yöökë Wëidït ɣer an, “Pɔ̈ckï yɛn Baranaba kekë Thaulo në këde luɔi cän ke caal thïn.”

Luɔi 13:4

Ku keek, të cï keek tooc ë Wëidït ɣer, ke ke jël lek Theleukia, ku jëlkï ëtɛ̈ɛ̈n, ke ke cath në abël lek Thaiperuth.

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 14:26

ku jëlkï ëtɛ̈ɛ̈n në abël lek Antiokia, paan cï wäthii ke kɔn tɔ̈ɔ̈ŋ thïn wään an, bïk cath në dhuëëŋ de Nhialic piɔ̈u në këde luɔiden, luɔi cïk guɔ thöl ënɔɔnë.

Luɔi 15:40

Ku lɔc Paulo Thila, ku jël, acïï wäthii ke kɔn tɔ̈ɔ̈ŋ an, bï dhuëëŋ ë Nhialic piɔ̈u cath ke keek.

Luɔi 6:6

Gokï ke tääu ë tuuc nïïm: na wën aa cïk lɔ̈ŋ, ke ke thɛny kecin ë kegup.

Luɔi 9:17

Go Anania jäl, le ɣöt, na wën, ke thɛny ecin ë yenɔm, ku lueel an, “Thaulo mɛnhkäi, yɛn aa tooc Bɛ̈nydït Yecu, raan ë tiëc tëde yïn kueer wään bï yïn eenë, yen aa toc ɛn, ke yï bï piny bɛ tïŋ, ku bä thiäŋ në Wëidït ɣer.”

Romai 10:15

Ku bïk aa guiir adï, të kënë ke tooc? Acït man cï e gɔ̈ɔ̈r an, “Eeŋö cï kɔc cök dikëdik alë, kɔc ee wëlpiɛth guiir, wël ke mät, kɔc ë wëlpiɛth guiir, wël ke këpiɛth!”

1 Tim 4:14

Du yïnɔm tɛɛk piny në miɔ̈c cath ke yïn, miɔ̈c wään cï gäm yïn në guiëërë wël ku thäny cï röördït yï thany ë kecin.

1 Tim 5:22

Du yïcin ee dap thany ë raan nɔm, ku du ye mɛt ë karɛc ke kɔc kɔ̈k yiic: ye rɔt muk ke yï lɔ piɔ̈u wai.

2Tim 1:6

En a täk ɛn yïnɔm, luɔi bï yïn miɔ̈c de Nhialic aa kooth abï dëp apiɛth cït man ë mac, miɔ̈c cath ke yïn në thäny cän yï thany ë yacin.

2Tim 2:2

Ku ka cï piŋ tëde yɛn ë cäätɔɔ juëc nïïm, jɔ ke yiɛ̈n kɔc adööt, kɔc bï kɔc kɔ̈k lëu në wëët aya.

3 Jɔn 1:6

Kek acïk aa cäätɔɔ lëk ɣön ë Nhialic nhiëërdu: ku të ye yïn keek nyuööc apiɛth në kenyden në nyuuc rɔ̈ŋ ke nyuuc ë kɔc ke Nhialic, ke yïn bï këpiɛth aa looi:

3 Jɔn 1:8

Yen a duëër wok kɔc cït keek dhil aa tɔ ye kamaan, ke wo bï aa kɔc ee luui në keek ëtök në baŋ de yic.