Luɔi 1:4 - JAM DE NHIALIC 2011

⁴ Na wën, aa cïk guëër, ke ke yöök an, “Duökï jël ë Jeruthalem, tiɛtkï kë cïï wäär lueel an, bï gäm week, kë cäk piŋ tëde yɛn.

Luɔi 1:4 Iomraidhean Croise

Kuɛ̈n 9:22

Të cïï luät nïn aa rou ke rɛ̈ɛ̈r ë paany nɔm ee të töŋë, ku nɔn yen pɛɛi, ku nɔn yen ruöön, ku nɔn wɛ̈ɛ̈r ruöön, ke kɔc ayek rëër ë të töŋë ke ke cïï jël të kën ë luät jäl. Na cï luät jäl ke ke jël ayadäŋ.

Math 10:20

Ku acie week ee jam, ee wëi ke Wuöördun kek ee jam ë wegup.

Luk 11:13

Ku të ŋiɛc wek mïthkun miɔɔc në kapiɛth, wek kɔc rac, na Wuöörduön nu paannhial cïï kɔc lip en bï dhil miɔɔc në Wëidït ɣer!”

Luk 12:12

Wëidït ɣer abïk we wɛ̈ɛ̈t ë thaar manë guöp në kë bäk dhil lueel.”

Luk 24:49

Ku tiëŋkï, wek tuöc kë cïï wäär lueel an, bï gam: ku week, jakï rëër ë pänydït Jeruthalem, aɣet të bï we piɔ̈th në riɛldïït bɔ̈ nhial.”

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Jɔn 15:26

Ku Raan ë kɔc riit piɔ̈ɔ̈th, Raan bä tuöc week në Wäär lɔ̈ɔ̈m, yen aye Wëi yic, Wëi ë bɔ̈ bei ë Wäär lɔ̈ɔ̈m, të cï en bɛ̈n, ka bï aa cäätɔdï.

Jɔn 20:22

Na wën, aacï kënë lueel, ke jɔ wëi ë kegup, ku yöök keek an, “Nämkï Wëidït ɣer.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

Luɔi 10:41

ku acie tëde kɔc kedhie, yen ë tïc en, ee tëde cäätɔɔ cïï Nhialic kɔn lɔc, kek wook, kɔc wën ee cam në yen ku dëkkï, të cï en rɔt jɔt ë kɔc cï thou yiic.

Luɔi 2:33

Ku ënɔɔnë, nɔn cï e tɔ dït ë ciin cuëny de Nhialic, ago Wëidït ɣer nööm ku cï Wun kɔn lueel an, bï ke gäm en, yen a luuŋ en ee kënë piny, ke wɔikï ku piɛŋkï ënɔɔnë.