2 Tham 5:3 - JAM DE NHIALIC 2011

³ Go bäny ke Yithriɛl kedhie lɔ tëde Debid në Ɣebron. Ago mät looi ke keek në Ɣebron në yïïŋ de Bɛ̈nydït lɔ̈ɔ̈m. Na wën ke ke jɔ Debid wäl nɔm miök ku tɔkï ee melik de Yithriɛl.

2 Tham 5:3 Iomraidhean Croise

2 Tham 2:4

Go kɔc ke Juda bɛ̈n Ɣebron ku jɔkï Debid tɔc ke ye melik de Juda ëbɛ̈n. Wën cïï Debid ye piŋ nɔn cïï kɔc ke Jabec Giliyad Thaulo tɔ̈ɔ̈u,

2 Tham 2:7

Ënɔɔnë jakï riɛl ku takï röt ee jööt, melikdun Thaulo acï thou, ku kɔc ke Juda acïk yɛn tɔc ke ya ye melikden.”

2 Tham 3:21

Na wën ke Abener ë yɔ̈ɔ̈k Debid an, “Yïn ë bɛ̈nydï ku ë melikdï, yɛn bï lɔ bä kɔc ke Yithriɛl lɔ yiɛ̈n yïn kedhie. Ku ëtɛ̈ɛ̈n abïk mät jɔ looi në yïn, ago tɔ̈u në kenïïm kedhie, ku këduön kɔɔr abä jɔ yök.” Go Debid Abener pɔ̈l ke jël në mät.

1 Mel 1:34

Ëtɛ̈ɛ̈n abï Dhadok bɛ̈ny de kake Nhialic, ku tiët ë Nhialic Nathan en lɔ tɔc ke ye melik bï nu në Yithriɛl nɔm. Ku kuɔthkï kɛŋ ku mɔckï kiɛɛu an, “Yïn bï pïïr anandu melik Tholomon.”

2 Mel 11:17

Go Jeɣoyada bɛ̈ny de kake Nhialic, löŋ mac ë kaam ë Bɛ̈nydït kekë melik Jowac, në luɔi bï kek aa kɔc ke Bɛ̈nydït, ku mɛckï löŋ në kaam de melik kekë kɔc.

1 Lëk 11:1

Na ɣɔn ke kɔc ke Yithriɛl ë ke lɔ tëde Debid kedhie, ku yöökkï an, “Wok ee rïïŋdu ku riɛmdu.

1 Lëk 11:3

Ago bäny ke Yithriɛl kedhie lɔ tëde melik Debid ë Ɣebron. Gokï mät looi ë yen, ku jɔkï tɔc ë miök cït man ë kë cï Bɛ̈nydït lueel në Thamwɛl thok.

1 Lëk 28:4

Bɛ̈nydït Nhialic de Yithriɛl acï yɛn lɔc wo kuatdï buk aa bäny bï Yithriɛl ceŋ aɣet athɛɛr. Acï Juda lɔc ke ye bɛ̈ny, ku në Juda yic acï ɣön de wäär lɔc, ku në wɛ̈ɛ̈t ke wäär yiic acï piɔ̈u miɛt ke yɛn, bïï yɛn tɔ ee melik në kɔc ke Yithriɛl nïïm ëbɛ̈n.

2 Lëk 23:16

Go Jeɣoyada bɛ̈ny de kake Nhialic Melik Jowac cɔɔl kekë kɔc bïk mät looi në luɔi bïï kek aa kɔc ke Bɛ̈nydït.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Bɛ̈n 3:16

Lɔ mat röördït ke Yithriɛl nïïm kedhie, ku lɛ̈kë keek an, ‘Yɛn Bɛ̈nydït Nhialic de kuarkun, Nhialic de Abraɣam kekë Yithaak, ku Jakop, acï tuöl tëde yɛn. Ku acï lueel an, cï we tïŋ, ku tïŋ kë luiyë week paan ë Rip.

Jocua 10:36

Ku jɔ Jocua jäl ë Egolon kekë rem de tɔŋde lek Ɣebron, ku lek muɔɔk piny,

Bäny 11:11

Go Japetha jɔ lɔ kekë röördït ke Giliyad, ago kɔc yen tɔ ye bɛ̈nyden ku ye bɛ̈ny tueŋ wat keek. Ku nyɔk lööŋkë yiic kedhie në Bɛ̈nydït nɔm ë Midhpa.

1 Tham 11:15

Agokï lɔ Gilgal kedhie, lek Thaulo bɛ tɔ ye melik. Agokï miɔ̈c de mät gam, ago Thaulo dhuëëŋ de ee kënë looi ee köölë kekë kɔc ke Yithriɛl kedhie.

1 Tham 16:13

Go Thamwɛl miök de olip nööm ku wɛ̈l ë Debid nɔm në wɛ̈ɛ̈tëkɔcken nïïm. Gɔl ëtɛ̈ɛ̈n, ku le tueŋ, Wëi ke Bɛ̈nydït acïk bɛ̈n tɔ̈u në Debid guöp. Ku jɔ Thamwɛl rɔt bɛ̈n puɔ̈k Rama.

1 Tham 23:18

Agokï mät looi në Bɛ̈nydït nɔm kaarou. Na wën ke Jɔnathan ë lɔ baai, ku döŋ Debid Ɣorec.