2 Tham 16:1 - JAM DE NHIALIC 2011

¹ Na wën aacï Debid kuur de Olip duɛ̈ɛ̈r waan nɔm, go yök kekë Dhiba lïm de Mepiboceth, ku Dhiba aa cath ke mul juëc ɣɛ̈ɛ̈c bot kaarou de kuïn cï pam, ku bɔt de enap cï riɛl, ku bɔt de mïth ke tiim amäi ë piac luɔk, ku athep thiäŋ ke mɔ̈u.

2 Tham 16:1 Iomraidhean Croise

1 Tham 25:18

Ago Abigail rɔt dap jɔt, ku looi kuïn dït agök, ku töny ke mäu kaarou, ku amɛ̈l cï nyop kadhïc, ku apeet kaarou de rɛɛp cï guöör, ku kuïïn de anyuɔl, ku mɔ̈n de enap cï dhiim, ku tɛ̈ɛ̈u keek ë mul kɔ̈ɔ̈th.

2 Tham 15:32

Na wën aacï Debid ɣet në kuur nɔm nhial të wën ye kɔc lam thïn, go yök kekë raan mɛ̈ɛ̈th kek cɔl Ɣucai raan de Arkit, ee mɛ̈thëdɛn ŋɛ̈ɛ̈th arëët, go bɛ̈n ke ceŋ lupɔ cï yic rɛɛt, ku ade nɔm ade tɔɔr në dhiën ë piɔ̈u.

Amoth 8:1

Na wën ke Bɛ̈nydït Awärjäŋ ë be yɛn nyuöth nyuuth däŋ, në nyuuthic yɛn cï diöny de mïth ke tiim amäi tïŋ.

Jeremia 40:12

Go Judai ëbɛ̈n ɣään wään cïï ë keek thiäi thïn nyääŋ piny, ku pukkï röt Juda. Gokï bɛ̈n tëde Gadalia ë Midhpa, ku ëtɛ̈ɛ̈n jɔkï mɔ̈n dït kekë mïth ke tiim amäi määtiic.

Jeremia 40:10

Yɛn guöpdï, yɛn bï rëër në Midhpa ku bä aa jam ë biäkdun të le kɔc ke Babilonia bɛ̈n eenë. Ku wek duëër mäu määtiic, ku mïth ke tiim amäi, ku miök de olip, ku rɛ̈ɛ̈rkï në wuötkuön ceŋkï keek yiic.”

1 Lëk 12:40

Go kɔc bɛ̈n ë ɣään mec ke Dhiën nu të lɔ rut de yï Yithakar, ku Dhebulun, ku Naptali. Kɔc acïk bɛ̈n ë mul, ku thɔ̈rɔ̈ɔ̈l, ku miöör cï thiɔ̈ɔ̈ŋ kɔ̈ɔ̈th ë kacaam, ku aɣaar, ku ŋaap, ku rap, ku mäu ku miök de olip. Acïk ɣɔ̈k ku thök bïk bɛ̈n nɔ̈k ku cuetkï keek bɛ̈ɛ̈i. Kënë aaye nyuöth de miɛt de piɔ̈u cï rɔt looi ë baai yic ëbɛ̈n.

2 Tham 19:32

Ku Bardhilai aaye monydïït cï dhiɔp, ade nɔm run kathiërbɛ̈t. Aa ye raan kueth, ku aaye melik yiɛ̈n këcam në Maɣanayim.

2 Tham 15:30

Ago Debid lɔ nhial në kuur de Olip nɔm ke dhiau, ku ë yenɔm kuöm piny ë dhiën ë piɔ̈u ku ciɛth ë yecök ke cïn war. Ago kɔc cath ë yen kedhie kenïïm kuöm piny ku dhiaukï ayadäŋ.

1 Tham 16:20

Go Jethe Thaulo tuöc Debid, ku tuc amɛthɔ̈k, ku mul athiäŋ kɔ̈u kekë kacaam, ku tuc athep athiäŋ ke mɔ̈u.

1 Tham 10:3

Ku yïn jɔ baaric ëtɛ̈ɛ̈n ɣet ë tim ɣeric ë ɣök de Tabor. Yïn bï lɔ rɔ̈m wekë kɔc kadiäk ëtɛ̈ɛ̈n, kɔc lɔ Nhialic miɔɔc Bethel. Raan tök në keyiic athel thök bɔɔth kadiäk, ku raan däŋë amuk kuïïn cï pam kadiäk, ku raan ye kek diäk amuk athep thiäŋ ke mɔ̈u.

Maika 7:1

Amawoou, yɛn cïï gök yök! Yɛn cï ciët raan nɛ̈k cɔk, ku cïn mïth ke tiim amäi nhiɛɛr ye cam cï yök në tim nɔm.

Kɛ̈ŋ 18:16

Miɔ̈c gɛmë raan në dhuëëŋ ee ye lɛɛr në bɛ̈ny lɔ̈ɔ̈m.

2 Tham 19:17

Ku Cimei aa cath kekë agum de kɔc ke dhiën ë Benjamin. Ku Dhiba lïm baai de Thaulo, acï bɛ̈n aya ke cath ke wɛ̈ɛ̈tke kathiëër ku dhïc ku lïïm kathiërrou, gokï ɣet ë wɛ̈ɛ̈r de Jordan nɔm ë melik nɔm tueŋ.