2Tim 4:3 - JAM DE NHIALIC 2011

³ Ade kööl bï bɛ̈n, kööl cïï kɔc wëët piɛth bï guum, abïk yith aa yilëyil, agokï röt kuöt kɔc bï keek aa wɛ̈ɛ̈t ë kë röŋ në ŋɔ̈ɔ̈ŋ ee ke dɔm.

2Tim 4:3 Iomraidhean Croise

1 Mel 18:22

Go Elija lueel, an, “Yɛn aye tiët ë Bɛ̈nydït cï döŋ yatök, ku tït ke Baal ayek bot kaŋuan ku thiërdhïc.

1 Mel 22:18

Go Aɣap lɛ̈k Jeɣocapat an, “Kɛ̈në tïŋ wään cän e lɛ̈k yïn an acïn këpiɛth ee caar në biäkdï ee kërac ëbɛ̈n!”

1 Mel 22:8

Go Aɣap jam de Jeɣocapat bɛ̈ɛ̈r an, “Ade raan däŋ nu duëër wok Bɛ̈nydït luɔp në yen, Mikaya wën ë Yimla, ku amaan guöp, acïn këpiɛth cï kɔn caar në biäkdï, ee kërac ëbɛ̈n.” Go Jeɣocapat bɛ̈ɛ̈r an, “Yïn cïï ee kënë duëër lueel!”

Bɛ̈n 32:33

Go Bɛ̈nydït puɔ̈k nɔm an, “Ee kɔc cï ya luöi awäc kek abä keek bɛ̈ɛ̈i rin bei në awerekdï yic.

Yith 28:12

Ë we gäm lɔ̈ŋ wedhie ku duöt ë piɔ̈u, ku wek cïï jaai bäk këde piŋ.

Yith 30:10

Ayek lɛ̈k tït ke Nhialic an, “Miɛmkï thook duökï wo lëk yïth, lɛ̈kkï wook kë nhiaarku buk piŋ. Tɔ wo muk luethkuɔ.

Jeremia 18:18

Go kɔc jɔ lueel an, “Loiku këdäŋ në biäk de Jeremia! Wok bï nïïm aa dɛ bäny de kake Nhialic bï wook aa wɛ̈ɛ̈t, kɔc pel nïïm bï wook aa wɛ̈ɛ̈t, ku tït bï wook aa lɛ̈k jam de Nhialic. Lok ciëku thok, ke wo bï kɔ̈ɔ̈c në pïŋ piŋ wok ka ye lueel.”

Jeremia 27:9

Ka duökï tïtkun piŋ thook, ku duökï kë lueel raan ee jam an duëër kë bï rɔt looi wadäŋ caar ee piŋ, kɔc ee nyuöth, ku kɔc ee kɔc cï cɔ̈ɔ̈l bei, ku kɔc ee cɔ̈ɔ̈r ë yiëth. Ku abïk we yɔ̈ɔ̈k an, duökï melik de Babilon ee luööi.

Jeremia 29:8

Yɛn Bɛ̈nydït de rɛm, Nhialic de Yithriɛl, we ya yɔ̈ɔ̈k an, duökï röt bï tɔ mɛth ë tït rɛ̈ɛ̈r ë weyiic, ku duökï röt tɔ mɛth ë kɔc kɔ̈k ee ye lueel nɔn duëër kek ka bï bɛ̈n wadäŋ caar. Duökï nyuöthden gam.

Jeremia 5:31

tït ee lueth ke yek lueel, bäny de kakë Nhialic ayek käŋ looi, ku jɔ tït keek aa yɔ̈ɔ̈k, ku kɔckï acïn kë yek rɛɛc. Ku eeŋö bïk looi të lee këriëëc ëbɛ̈n lɔ kɔ̈ɔ̈c?”

Maika 2:11

“Të de yen aluenh cï bɛ̈n, ku lëk week an, ‘Wek bä thuɛ̈th mɔ̈u ayï mɔ̈n tuc, ka bïk juëc.’ Yen tiët yak gam ka.

Luk 20:19

Ku bänydït ke ka ke Nhialic ku kɔc ee löŋ gɔ̈ɔ̈r akɔɔrkï luɔi bï kek e dɔm ë thaar manë guöp, ee riɔ̈ɔ̈c riɔ̈ɔ̈c kek ë kɔc tei: aŋickï nɔn ë lueel en kääŋë në këden.

Luk 6:26

“Amawoou në week, të leecë week ë kɔc kedhie, wärken aake ye tït aluɛth luööi yikya.

Jɔn 8:45

Ku luɔi luɛɛl ɛn yic, yen a cä wek a gam.

Luɔi 17:21

(Kɔc ke Athenai kedhie ku kamaan ee tɔ̈u ëtɛ̈ɛ̈n acïn luɔi däŋ yek looi, ee luɔi bï kek ka cï piac bɛ̈ɛ̈i ya lueel tei, ku pïŋ bï kek keek aa piŋ).

1 Kor 2:1

Ku yɛn, mïthëkɔckuɔ, wään bän tëde week, yɛn aa cïï bɔ̈ wo ŋiëc jam ayï pɛlënɔm, wään guiëër ɛn week jam në këde Nhialic.

1 Kor 2:4

Ku jamdï ayï guiëër ë ya yɛn guïïr aake cïn yiic wël ee kɔc wëŋ, wël ke pɛlënɔm de raan, aake ye cath në nyuuth ee Wëidït ke nyuɔɔth ayï riɛldɛndït,

Galatai 4:16

Cä rɔt tɔ ye raan de ater ke week, nɔn cän week lɛ̈k yic?

1 Tim 1:10

këde kɔc ee diäär kɔɔr, ku röör ee röör kɔɔr, ku kɔc ee kɔc peec, ku kɔc ee lueth töör, ku kɔc ee gutguut lueel ë lueth, ku na de däŋ kë de ater ke wëët piɛth,

2Tim 1:13

Ye täu de wël piɛth muk, wël cï piŋ tëde yɛn, abä keek aa muk në gäm ku nhiëër nu ë Kërtho Yecuyic.

Juda 1:18

Wël wään cïk ke lɛ̈k week an, “Kööl rial kɔc de gup agɛɛt abïk dhil nu, kɔc bï ŋɔ̈ɔ̈ŋdɛn rac aa kuany cök.”