2Tim 4:18 - JAM DE NHIALIC 2011

¹⁸ Ku Bɛ̈nydït abï a luök ë luɔi racyic ëbɛ̈n, ku jɔ a muk aɣet ciɛɛŋdɛn nu paannhial. Ë dhuëëŋ ë ye tɔ̈u kekë yen aɣet athɛɛr ya! Amiin.

2Tim 4:18 Iomraidhean Croise

Cäk 48:16

Abï tunynhial ke thieei, tunynhial ɣɔn luäk ɛn në karɛciic ëbɛ̈n. Ku abïk ŋoot ke ke ye cɔ̈l ɛn, ku cɔ̈lë ke wärkuɔ: yï Abraɣam kekë Yithaak. Ku abïk nïïm dɛ mïth juëc arëët, ku dekï nïïm mïth ke mïthkɛn juëc!”

1 Lëk 4:10

Go Jabedh Nhialic de Yithriɛl lɔ̈ŋ an, “Thieei ɛn Nhialic, ku miɔc ɛn ë piny lääu, ku bä tɔ̈u wek ë yɛn, ago yɛn aa gël ë karɛc bï ya tɔ yök arɛɛm.” Go Nhialic yen gäm këdɛn cï thiëëc ë lɔ̈ŋde yic.

Diɛt 121:7

Bɛ̈nydït abï yïn gël ë karɛc yiic ëbɛ̈n ku abï yïn gël apiɛth.

Diɛt 37:28

në biäk nhiɛɛr ë Bɛ̈nydït yic, acïï kɔckɛn cï gam bï pɔ̈l. Kɔc piɛthpiɔ̈ɔ̈th abïk tɔ̈u athɛɛr, ku mïth ke kɔc rac abïï ke cuɔp wei.

Diɛt 73:24

Yïn ee yɛn wat në wëëtdu, ku miäk wadäŋ Yïn bï yɛn loor nɔm në dhuëëŋ.

Diɛt 92:10

Ku Yïn cï yɛn gäm riɛl thöŋ ke riɛl ë thɔn anyaar, Yïn cï yɛn thieei ë miɛtëpiɔ̈u.

Kɛ̈ŋ 14:32

Luɔi rac ee kɔc ee karɛc looi wit, ku yök raan piɛth piɔ̈u gëlgël të ciɛk en thou.

Math 13:43

Ë aköölkë kɔc piɛthpiɔ̈ɔ̈th abïk a riauriau cït man akɔ̈l ë ciɛɛŋ de Wuöndenic. Raan de yïth ee yen ke piŋ ke pïŋ!

Math 25:34

Na ëlë, ke Melik abï kɔc nu ë baŋ cuënyde yɔ̈ɔ̈k an, “Bäkï, wek kɔc cï thieei ë wäär, bäk lakkï ciɛɛŋ cï guiëk week të ɣɔn ciɛkë piny,

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Luk 11:4

Ku ye wo päl karɛckuɔ, ku wook aya wo ye kɔc pɔ̈l kedhie kɔc cath në känykuɔ. Ku du wook ee lɛɛr ë thëmic, ye wo luök ë kërac.”’

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Luk 22:29

ku wek yiɛ̈n ciɛɛŋ, cït manë cï e yiɛ̈n ɛn ë wäär,

Jɔn 17:15

Acie luɔi bï yïn ke bɛ̈ɛ̈i bei ë piny nɔm en läŋ, ee luɔi bï yïn ke gël ë kërac.

Romai 11:36

Këriëëc ëbɛ̈n ee kake, ku aake bɔ̈ në yen, ku lek tëde yen. Ë dhuëëŋ tɔ̈u kekë yen aɣet athɛɛr! Amiin.

Romai 16:27

Nhialic de nɔm pɛl, yen etök, ë ye tɔ̈u ke dhuëëŋ aɣet athɛɛr në Yecu Kërtho. Amiin.

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 10:13

Acïn thëm cï we them pei, ee yen ë thëm töŋë jäŋ ëbɛ̈n. Ku Nhialic ee piɔ̈u adöt, acïï we bï pɔ̈l a them ë thëm cäkï duëër lëu ë guöm, ku abï kueer looi kekë thëm ëtök, kueer duɛ̈ɛ̈r wek ban thïn, luɔi bä wek e lëu në guöm.

1 Kor 15:50

Ku kënë en aluɛɛl, wek mïthëkɔckuɔ an, rïŋ kekë riɛm acïkï ciɛɛŋ de Nhialic duëër lɔ̈ɔ̈k lak, ayï kë bï dhiap, acïï kë cïï bï dhiap duëër lɔ̈ɔ̈k lak.

2 Kor 1:10

Raan ë wo luök në thon dïït yïnya, ku ŋoot ke ye wo luök: ku yen aŋäthku luɔi bï en ŋoot ke luäk wook aya,

Galatai 1:5

Ë dhuëëŋ ë ye tɔ̈u kekë yen aɣet athɛɛr ya. Amiin.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

2 Theth 3:3

Ku Bɛ̈nydït en aye piɔ̈u adöt, raan bï we tɔ kääc aril, ku gël week ë kërac.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 4:1

Yïn cök ë than ɛn yïn ë Nhialic nɔm, ku Bɛ̈nydït Yecu Kërtho nɔm, raan bï löŋ de kɔc guiir kɔc pïïr ku kɔc cï thou, kööl bï en tuöl ku tul ciɛɛŋde,

Ɣeberuu 11:16

Aake tit të tueŋ, wun ŋuän cï kiëët paannhial, yen kë cïï Nhialic ë yäär ka, të cɔɔl kek En ke Ye Nhialinyden.

Ɣeberuu 12:22

Ënɔɔnë we cï bɛ̈n paannhial në kuur ë Dhiɔn nɔm, Jeruthalem pänydït de Nhialic pïïr, kekë aguum ke tuucnhial loi miɛtëpiɔ̈u.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.

1 Pet 5:11

Në ye tɔ̈u kekë dhuëëŋ ku riɛldït aɣet athɛɛr ya. Amiin.

2 Pet 1:11

Ku yen abï we dap päl lɔ ë ciɛɛŋ ë Bɛ̈nydïïtdan Yecu Kërtho Konydayic, ciɛɛŋ ee tɔ̈u athɛɛr.

2 Pet 3:18

Yak lɔ ke we lɔ tueŋ në dhuëëŋ de wepiɔ̈ɔ̈th ku në ŋïny ŋiɛc wek Bɛ̈nydïïtdan Yecu Kërtho, yen aye Konydan ë wëi. Ë dhuëëŋ ë ye tɔ̈u ke ye këde ayï ënɔɔnë aɣet athɛɛr. Amiin.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic:

1 Tham 17:37

Go Debid lueel, an “Bɛ̈nydït ë ya kony në kɔ̈ɔ̈r ku kony ɛn në köör ayuääl, ka Yen abï ya kony në ee Pilithiinë aya.” Go Thaulo lɛ̈k en an, “Apiɛth lɔ, Bɛ̈nydït abï tɔ̈u ke yïn.”

1 Tham 25:39

Na wën, aa piŋ ë Debid nɔn cï Nabal thou, go lueel an, “Athiɛɛi abï tɔ̈u kekë Bɛ̈nydït, në luɔi cï yen göönydï lueel wokë Nabal, raan wään yɔŋ ɛn. Acï lïmde tiit ke cïï kërac bï looi, ku tɔ karɛc ye Nabal ke looi lööny në yenɔm yetök.” Na wën ke Debid ë tɔ thok lɔ tëde Abigail, luɔi kɔɔr en en bïï ya tiiŋde.