2Tim 4:16 - JAM DE NHIALIC 2011

¹⁶ Kööl ë kan ɛn këdï lueel ë göönyic, acïn raan ë kɛ̈ɛ̈c wok ëtök, yɛn cïï kɔc päl wei kedhie. Ë cïï tɛ̈ɛ̈uwë ë keyiëth!

2Tim 4:16 Iomraidhean Croise

Mak 14:50

Gokï nyääŋ piny kedhie, ku kɔtkï.

Luk 12:11

“Ku të ye kek week bɛ̈ɛ̈i ë ɣööt ke Nhialic yiic ku bäny nïïm bäny ee löŋ guiir, ku bäny ee kɔc cieŋ, ke we duökï ë diɛɛr në wël bäk bɛ̈ɛ̈r, ku në kë bäk lueel.

Jɔn 16:32

Wɔikï, kööl abɔ̈, yeka bɔ̈yë ënɔɔnë, kööl bï we thiäi wei, lɔ ŋɛk tëde ku lɔ ŋɛk tëde, ku nyääŋkï ya piny yatök: ku yɛn cïï tɔ̈u a tök, luɔi nu Wäär kekë ɛn.

Luɔi 22:1

“Week, wɛ̈ɛ̈tkewäär ku wärkuɔ, piɛŋkï këdiën luɛɛl ë wenïïm ënɔɔnë.

Luɔi 25:16

Aguɔ këden bɛ̈ɛ̈r an, Acie ciɛɛŋ de Romai an, bïk raan yiɛ̈n kɔc, le nɔ̈k, të ŋootë raan cï gaany ke kën e thok kɔn tuööm kekë kɔc gɔɔny en, ago päl luɛl lueel en këde në kë ë gɔɔnyë ye.

Luɔi 7:60

Go emiɔl tuk, ku cööt ë röl dït an, “Bɛ̈nydït, du kërɛɛc deer ë keyiëth!” Na wën, aacï kënë lueel, ke thou.

1 Kor 13:5

acïï kë cïï piɛth ee looi, acïï ka ke yenguöp ee kɔɔr, acie dap gɔ̈th, acïn kërɛɛc ee tak,

1 Kor 9:3

Bëër bän e pɔ̈k nɔm kɔc thiëc ɛn, kï an:

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

Pilipoi 1:17

Ku guiir kɔckë në nhiëër, aŋickï nɔn cï a dɔm në kuny bän wëlpiɛth aa kony.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

2Tim 1:15

Cöökë aŋic an, kɔc nu Athia acïk röt yal wei ë yalɔ̈ɔ̈m kedhie, kɔc deyiic yï Pugelo kekë Kermogene.

2Tim 4:10

Demath acï a päl wei, në nhiëër cï en pinyë ënɔɔnë nhiaar, ago jäl le Thethalonika, ku lɔ Kerethke Galatia, ku lɔ Tito Dalmatia.

2Tim 4:15

Ayïk yïn, ye rɔt tiit ë yen aya, ee ater dït cak kekë wëlkuɔ.

1 Pet 3:15

Ku yak Kërtho theek ë wepiɔ̈ɔ̈th takï ë Bɛ̈nydït. Yak cool ë cuɔc wek röt, ke we bï löŋ de raan ëbɛ̈n ŋiëc aa bɛ̈ɛ̈r, raan ee we thiëëc në këde aŋäth ŋäthkï, abäk aa bɛ̈ɛ̈r në piɔ̈nlir ku riëëu,