2Tim 3:2 - JAM DE NHIALIC 2011

² Kɔc abï ŋɛk ke rɔt aa nhiaar, ku nhiaar ŋɛk rɔt, ku bïk aa kɔc nhiaar wëu, kɔc ee röt leec, kɔc ee röt tɔ ye adhuëŋ, kɔc ee lɔ̈t, kɔc ee ka ke kɔc ë dhiëth keek rɛɛc piŋ, kɔc ee thieithieei rɛɛc lueel, kɔc cïï piɔ̈ɔ̈th ɣer,

2Tim 3:2 Iomraidhean Croise

Diɛt 10:3

Kɔc rac ayek röt lɛɛc në kërɛɛc de kek piɔ̈ɔ̈th, röördït piɔ̈ɔ̈th ayek lam aciɛɛn ku reeckï Bɛ̈nydït.

Diɛt 49:6

kɔc ee karɛc looi ŋäth kuɛthden ee röt lɛɛc në wëukɛn juëc,

Diɛt 52:1

Eeŋö ee yïn rɔt lɛɛc në kërɛɛcdu, raan ril? Eeŋö yïn kërac luöi kɔc piɛthpiɔ̈ɔ̈th. Piɔ̈n adöt ë Nhialic ee tɔ̈u athɛɛr.

Yith 10:15

Ku aye Bɛ̈nydït lueel an, “Duëër yiëp yenɔm lɛc an dïït në raan ee yep ë yen? Ku duëër yiëp dɛ naamde në raan ee luui në yen? Thieec acïï raan ee jat nhial, ee raan yen ee thieec jat nhial.”

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 7:25

Abï jam rac luɛɛl ë Nhialic dït guöp, ku abï kɔc ke Nhialic yɔŋ. Abïï them në luɔi bï yen löŋdɛn ë lɔ̈ŋ wel yiic, ayï lööŋken ayï akööl ke dhuëëŋken, ku abï kɔc ke Nhialic cieŋ në run kadiäk ku pɛ̈i kadhetem.

Math 15:6

ka cïn kë cï wööc, të cïï en wun ee riëëu ayï man. Yen acä wek jam ë Nhialic tɔ ye ɣɔ̈ric në löŋduön thɛɛr.

Luk 12:15

Go keek yɔ̈ɔ̈k an, “Yak röt tïŋ, ku tiɛtkï röt në kɔ̈ɔ̈r ë kajuëc, juëc de ka nu ë raan cin acïï en ke ee pïïr.”

Luk 16:14

Go Parithai, kɔc nhiaar wëu, gokï kakë piŋ kedhie, ku jɔkï geet guöp.

Luk 6:35

Ku week, yak kɔc de ater në week nhiaar, ku yak ke luööi apiɛth, ku dhɛ̈nkï ke käŋ, ku cïn kë ŋäthkï, ke ariöpdun abï dït, ku we bï aa mïth ke Nhialic Awärjäŋ, ee piɔ̈u adhuɛ̈ŋ kekë kɔc cïn piɔ̈ɔ̈th ayï kɔc racpiɔ̈ɔ̈th.

Luɔi 5:36

Raan cɔl Theuda ë rɔt jɔt wään, ago rɔt tɔ ye raan de naamde, ago kɔc mat ë yen, acït bot kaŋuan: ku acï nɔ̈k, ago rem piŋ këde agokï thiäi kedhie, abïk riäär.

Romai 11:18

Ke yï cïï rɔt ee leec në kër nïïm. Ku të leec yïn rɔt, tak yïnɔm nɔn cie yïn ë muk meei, ee meei yen aa muk yïn.

2 Kor 5:15

Ku thon thou en në biäk de raan ëbɛ̈n, ee kë cïï kɔc pïïr bï bɛ pïïr ë këde yenhden, ka bïk pïïr ë këde raan cï thou në biäkden ku be rɔt jɔt.

Pilipoi 2:21

Kɔc kedhie ayek kakë kek gup kɔɔr kapäc, ku cïkï kakë Yecu Kërtho ee kɔɔr.

Kolothai 3:5

Yak ka ke wegup tɔ thou, ka nu ë piny nɔm, kɔ̈ɔ̈rëdiäär, luɔi col, tum ee raan e piɔ̈u tuöm ka ke piny, ŋɔ̈ɔ̈ŋ de kërac, ku wui de kalei, yen aye läm de yiëth.

2 Theth 2:4

Raan ee rɔt yiëk ater në ka cï tɔ ye Nhialic ku läm ëbɛ̈n, ayï ka riëëuwë, ku tɔ rɔt dït ë keek, ago rëër ë luaŋdïït ë Nhialic ke ye rɔt tɔ ye Nhialic guöp.

1 Tim 1:20

Kɔc de yiic yï Kumenayo kekë Alekandaro, kɔc cä yiɛ̈n Catan, luɔi bï ke wɛ̈ɛ̈t, ke ke cïï Nhialic bï aa läät.

1 Tim 1:9

Në luɔi ŋic wok kënë an, Löŋ akënë tääu në këde raan piɛthpiɔ̈u, ee këde kɔc reec löŋ gam kɔc ee löŋ yalic, yen aa tɛ̈ɛ̈uwë ye, ayï këde kɔc reec Nhialic gam ku kɔc ee kërac looi, këde kɔc cïn piɔ̈ɔ̈th riëëu ku cïnku gup athɛɛk, këde kɔc ee wärken dui ku duikï märken, këde kɔc ee kɔc nɔ̈k,

1 Tim 3:3

raan cïï mɔ̈u ee nhiaar, ku cïï kɔc ee dui, ku cïï ee wäth ë wëu ke ayäär, raan lir piɔ̈u, ku cïn piɔ̈u ater, ku acïï wëu ee nhiaar.

1 Tim 6:10

Nhiëër ë wëu ee mei de këriëëc rac ëbɛ̈n: aye kɔc kɔ̈k woi ë kepiɔ̈ɔ̈th, ago ke cɔ̈k nïïm wei ë gämic, ku jɔkï röt guööt ë jiɛth ë kajuëc cï kek piɔ̈ɔ̈th jiɛth.

1 Tim 6:4

ka ye rɔt tɔ dït, acïn kë ŋic, ku ye raan ee jiɛɛm wei në thiëc ɣɔ̈ric ku teer ë wël, ku jam cït ee kënë ee tiɛɛl bɛ̈ɛ̈i, ku bïï ater ku lɛ̈ɛ̈t, ku meek rɛɛc ee kɔc kenyïïn mɛɛk,

2Tim 3:4

kɔc ee kɔc nyiɛɛn, kɔc ril nïïm ëtör, kɔc ee röt tɔ dït, kɔc nhiaar këmit ë kepiɔ̈ɔ̈th awär nhiëër nhiɛɛr kek Nhialic,

Jakop 2:8

Ku të cä wek löŋ tiiŋic, löŋ de naamde ku cïn kë wär en, cït man ë këcïgɔ̈ɔ̈r an, “Nhiaar raan rɛ̈ɛ̈r kekë yïn cït man nhiɛɛr yïn rɔt, ke we ye këpiɛth looi.”

Jakop 4:16

Ku ënɔɔnë, wek ee röt tɔ ye adhuëŋ në lɛc aa wek röt leec, lɛc cït ee kënë ëbɛ̈n ee kërac.

Jakop 4:6

Acie yen, ee dhuëëŋdepiɔ̈u ŋuak nyin. En a lueel en en an, “Nhialic ee kɔc ee röt tɔ dït ŋɛ̈ny, ku ye kɔc ee röt tɔ kor miɔɔc ë dhuëëŋdepiɔ̈u.”

1 Pet 5:5

Ku week aya, wek kɔc kor, yak ka ke röördït piŋ. Yeka, week wedhie, yak wethook piëëŋ abäk kuur aa wek röt kuɔɔr piny cieŋ cït man ë lupɔ: Nhialic ee kɔc ee röt tɔ dït ŋɛ̈ny, ku ye kɔc ee röt kuɔɔr piny gäm dhuëëŋdepiɔ̈u.

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.

2 Pet 2:12

Ku kɔckë, kɔc cït läi röör cïn nïïm, läi ke piny tei, läi cï cak në döm bï ke dɔm, ku ɣäth bï kek ɣäth, ayek ka kuckï lat, ku abïk määr ëtaiwei në ɣäthdɛn bï kek ɣäth,

2 Pet 2:18

Në luɛl ë ye kek jam juëc ɣɔ̈ric lueel ë keliëp tei, në ŋɔ̈ɔ̈ŋ de ka ke yäc, ku në luɔi ë dhööm, en aye kek kɔc wëŋ, kɔc, an, bɛ̈nkï ë liŋliŋ në kɔc ee tɔ̈u ke ke wäc käŋ.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!

Juda 1:16

Kɔckë ayek kɔc ee dok ë këyäc, kɔc ee piɔ̈ɔ̈th dap dït, ku yek ŋɔ̈ɔ̈ŋdɛn rac kuany cök (ayek jam dïït ɣɔ̈ric lueel ë kethook), ku yek kɔc kɔ̈k kɔ̈c nyïïn nɔn de en ke bïk yök.

Nyuuth 13:1

Na wën, ke ya kääc ë liɛɛt nɔm ë wɛ̈ɛ̈r yɔu: guɔ lɛ̈n rac tïŋ ke bɔ̈ bei ë wɛ̈ɛ̈ric, acath ke nïïm kadhorou, ku tuŋ kathiëër, ku nu dhor kathiëër ë tuŋke kɔ̈ɔ̈th, ku cï rin ke lɛ̈t rac gɔ̈ɔ̈r ë nïïmke kɔ̈ɔ̈th.

Nyuuth 16:11

ku yek Nhialic de paannhial läät në baŋ de rɛm reemëke gup ku në baŋ de tëtööken, ku reeckï kepiɔ̈ɔ̈th puk ë luɔidɛn rac.

Nyuuth 16:21

Ku lööny kɔi dït piny nhial löönykï ë kɔc nïïm, thiek de kɔi tök akït kekë cuaal bɔ̈ɔ̈ric: go kɔc Nhialic aa läät në baŋ de riääk de kɔi, riääk riëëk en piny adït aläldïïtë.

Nyuuth 16:9

Go kɔc nyop ë tuöc dït: ku yek rin ke Nhialic läät Raan de riɛl ë ka ye piny riɔ̈ɔ̈kë nïïm, ku reeckï kepiɔ̈ɔ̈th puk piɔnykï.