2Tim 3:17 - JAM DE NHIALIC 2011

¹⁷ ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

2Tim 3:17 Iomraidhean Croise

Neɣe 2:18

Ku lɛ̈k keek luɔi tɔ̈u ë athiɛɛi de Nhialicdï ke yɛn ku guiëër keek ka cïï melik ke lɛ̈k ɛn aya. Ku acïk jamdï bɛ̈n gam, ku lueelkï an, “Gɔlku yïk!” Gokï röt coc buk luɔi gɔl.

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

2 Kor 9:8

Ku Nhialic aduëër dhuëëŋdepiɔ̈u ëbɛ̈n tɔ dït tëde week, ke we bï kuɛth aläl anandun në këriëëc ëbɛ̈n, aguɔkï kuɛth ë lëu bä wek luɔi piɛth aa lëu ëbɛ̈n.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 2:21

Ku raan ee rɔt waak në ka cïï piɛth, yen abï aa töny de dhuëëŋ, töny ɣeric, ku piɛth në luɔi de bɛ̈ny, ku ye röŋ ke luɔi piɛth ëbɛ̈n.

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Tito 3:1

Ye ke täk nïïm ke ke bï aa rëër ë bäny cök, ku rëërkï ë kɔc nu ë kenïïm cök, ku yek löŋ piŋ, ku yek luɔi piɛth ëbɛ̈n dap gam.

Ɣeberuu 10:24

Thɛmkï ŋɛk ëye ŋɛk riit piɔ̈u, yak rɔm ëtök yok nhiëërda nyuɔɔth ku luɔi piɛth.