2Tim 2:20 - JAM DE NHIALIC 2011

²⁰ Ku ɣöndïït ë bɛ̈ny adeyic töny ee käŋ muk, ku acïkï ee kak ë cuëc ë adhääp ku ateek kapäc, ku adeyic kak ë cuëc ë tim, ku tiɔp ayadäŋ, ku kɔ̈k ee ka ke dhuëëŋ, ku kɔ̈k acïkï ee ka ke dhuëëŋ.

2Tim 2:20 Iomraidhean Croise

Edhr 1:6

Go kɔc wën rɛ̈ɛ̈r ë keek ke kuɔny në aduuk ë loi atek, ku adhɛ̈p, ku ka kɔ̈k, ku läi ee käŋ ɣääc, ku lɔ miɔ̈c tuc ë ɣööcde, ayï miɔ̈c ëbɛ̈n ye gam në dhuëëŋ.

Edhr 6:5

Ayadäŋ aduuk ke adhɛ̈p, ku atek ë tɔ̈u në ɣön ë Nhialicic, ka wään cïï Nebukadnedhar keek jɔt ë Luaŋdïtic në Jeruthalem ku leer keek Babilon, abï ke pɔ̈k nïïm ciëën Jeruthalem, ku abï ke lɔ tääu ë ɣön ë Nhialicic tëden.”

Bɛ̈n 27:3

Cuɛ̈cë thɛ̈k ke ŋeth, ku ka ye mac jok, ku thɛ̈k, ku thialtuŋ, ku abɔ̈c ke mac. Cuëc kake kedhie në maläŋ.

Dhiëëu 4:2

Dhuök ke Dhiɔn atuckï thook tëde wook cït man adhääp, ku ënɔɔnë aye keek luööi cït man ë tööny ë tiɔp ë cuëëc ciin.

Danyel 5:2

Ku të wën dëk kek ë mɔ̈u, go Belcadhar kɔc yöök, bïk cuöp ku aduuk kë adhääp ku ateek bɛ̈ɛ̈i, ka wään cïï ë wun Nebukadnedhar ke nööm Luaŋdït në Jeruthalem. Aake le melik keek tɔ bïïyë, ago bɛ̈n dek ë keek, yen ku adhuëëŋke ku diëërke, ku diëër määthke.

Jɔn 8:49

Go Yecu bɛ̈ɛ̈r an, “Yɛn cïn guöp jɔŋ rac, ku yɛn riëëu Wäär, ku wek reec a riëëu.

Romai 9:20

Ku yïn ŋadï, yee ŋa raan bëër Nhialic thok? Kë cï cuëëc bï raan ë cuëc en yɔ̈ɔ̈k, Eeŋö ee yïn a looi aya?”

1 Kor 3:9

Wok ee kɔc ë luui në Nhialic ëtök: wek ee dom ë Nhialic. Ku yak alooc de Nhialic.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

Epethiei 2:22

Ku week aya, we cï yiëk thïn ëtök bäk aa ɣön bï Nhialic cieŋ në Wëidïtke.

1 Tim 3:15

Ku na cä gääu, ke yïn bï täu bï raan dhil aa tɔ̈u ɣön ë Nhialic ŋic, yen aye ɣön ë Nhialic pïïr, ku ye mën ee yic ku ye yic thar.

1 Pet 2:5

Ke week aya wek ee ciët kuur pïïr, ago we yïk a ye ɣön ë wëi, bäk aa bäny ɣeriic bäny ke kake Nhialic, bäny ë ka ye läm näk keek yiɛ̈n Nhialic kake wëi, kamit ë Nhialic piɔ̈u në Yecu Kërtho.