2Tim 2:15 - JAM DE NHIALIC 2011

¹⁵ Cök ë them yïn rɔt ë gɛm bï yïn rɔt gäm Nhialic, ke yï bï tɔ ye raan piɛth, raan ee käŋ looi ke cïï yäär, raan ee jam de yic ŋiëc tek.

2Tim 2:15 Iomraidhean Croise

Math 13:52

Go ke yɔ̈ɔ̈k, an, “Yen tëde ka, raan ëbɛ̈n raan ë löŋ gɔ̈ɔ̈r raan cï wɛ̈ɛ̈t në këde ciɛɛŋ de paannhial, yen acït raan ee bɛ̈ny de baai, raan ë käŋ bɛ̈ɛ̈i bei në wëuke yiic ayï ka cï piac yök ayï kathɛɛr.”

Mak 4:33

Go keek aa guiëër në kɛ̈ŋ juëc cït ee kake, cït man lëu kek keek ë piŋ:

Luk 12:42

Go Bɛ̈nydït lueel an, “Eeŋa ye raan tit dhiën, raan adöt ku de nɔm, raan bïï bɛ̈nyde tääu ë dhiënde nɔm, bï kɔc aa tɛ̈k këcam ëkööldɛn cï lueel?

Luɔi 2:22

“Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

Romai 16:10

Thiëckï Apele raan cï leec ë Kërtho yic. Thiëckï kɔc ke baai de Arithobolo.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

1 Kor 2:6

Ku wok ee jam de pɛlënɔm lueel wokë kɔc cï ŋuɛ̈ɛ̈n, ku acie pɛlënɔm ee pinyë ënɔɔnë, ku acie pɛlënɔm ë bänydït ke pinyë nɔm, bäny bï ciën naamden rial.

2 Kor 10:18

Acie raan lec rɔt etök yen piɛth ëgɔk, ee raan leec Nhialic yen apiɛth.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Kor 5:9

Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

Galatai 1:10

Kaar luɔi bï kɔc piɔ̈ɔ̈th miɛt në yɛn ënɔɔnë, ku ye Nhialic? Kaar luɔi bän kɔc kɔ̈c nyïïn? Tëë ya ŋoot ke ya ye kɔc kɔ̈c nyïïn, adï cä ye lïm de Kërtho.

Epethiei 1:13

Ku ye raan cäk gam ayadäŋ week, të cä wek jam de yic piŋ, yen jam piɛth de kuny cï we kony wëi: ku week, të cä wek guɔ gam, ke we cï gäär piɔ̈ɔ̈th Wëidït ɣer, Wëi cï kɔn lueel an, bï gäm wook.

1 Theth 2:4

Ku acït man cï Nhialic wo tɔ piɛth an, bï wëlpiɛth tääu ë wocin, yen aye wok jam, acie kɔc ke yok tɔ mit piɔ̈ɔ̈th, ee Nhialic Raan ee wo them piɔ̈ɔ̈th.

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

1 Tim 4:6

Të ee yïn mïthëkɔckuɔ täk nïïm ee kakë, ke yïn bï aa raan ee ka ke Yecu Kërtho looi apiɛth, raan cï ŋiëc muk në wël ke gäm ku wëët piɛth wëët cï kuany cök ëgɔk.

Ɣeberuu 4:11

Riitku röt piny apiɛth ke wo bï lɔ në ee lɔ̈ŋë yic, ke bï ciën raan bï ee lɔ̈ŋë dääk në woyiic cït man ë kek.

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 1:18

Në löŋ cï lueel ë yepiɔ̈u en aa dhiëëth en wook në jam de yic, luɔi bï wok ciët ka cï kɔn luɔk, në ka cï cak kedhie.

2 Pet 1:10

Yen aŋuɛ̈ɛ̈n ë luɔi bä wek cök ë kaar wek en nɔn bä wek cɔ̈t ë cɔɔlë week ku löny ë lɔcë week tɔ ye yic ëgɔk: na luɔikï kakë, ke we cïï bï kɔ̈th anandun.

2 Pet 1:15

Ku abä ya cök ë luɔi ɛn en ë aköölnyïïn kedhie aya, na miäk cä thou, ke we duëër ee kake aa tak ë wenïïm.

2 Pet 3:14

Yen tëde ka, wek kɔc nhiaar, në tiët tiɛɛt wek ka cït ee kakë, yak cök ë kaar wek luɔi bï we yök ke we rɛ̈ɛ̈r adïu, ke we cïn piɔ̈ɔ̈th tëthiin col, ku cïn kë bï we gɔ̈k ë yenɔm.