2Tim 2:12 - JAM DE NHIALIC 2011

¹² Të ye wo käŋ guum, ke wo bï piny cieŋ në yen ëtök. Të jiɛi wok en, ka bï wo jai aya.

2Tim 2:12 Iomraidhean Croise

Kɛ̈ŋ 30:9

ku cä bï kuɛth abä nɔm määr në Yïn, ku na cä dak, ke yɛn duëër dhil kual ku ta rinku lɛ̈ɛ̈të.

Math 10:33

Ku raan ëbɛ̈n raan bï a jai ë kɔc nïïm, yen abä jai ayadäŋ ë wäär nɔm wäär nu paannhial.

Math 26:35

Go Petero lueel an, “Na ya cak dhil thou wokë yïn ëtök, ke yïn cä bï jai ë taiwei!” Ku yen aa lueel kɔcpiööcë kɔ̈kkë kedhie ayadäŋ.

Math 26:75

go Petero jam de Yecu tak, jam wën cï lueel an, “Të ŋoot ajïth ke kën kiiu, ke yïn bï a jai ëtaitai raandiäk.” Go lɔ biic, le dhiau ë dhiën tuc.

Mak 10:33

Go lueel an, “Tiëŋkï, wo lɔ Jeruthalem, ku Wën ë Raan abï yiɛ̈n bänydït ke ka ke Nhialic ku kɔc ee löŋ gɔ̈ɔ̈r, agokï löŋde teem an, näk, ku jɔkï yiɛ̈n Juöör:

Mak 8:38

Ku raan ëbɛ̈n raan ë yäär ë këdï ku në wëlkï ë remë yic rem ë diëër lei kɔɔr, ku ye rem ë kërac dap looi, ke Wën ë Raan abï yäär ë këde aya, Të nu yen në dhuëëŋ de Wun kekë tuucnhial ɣeriic.”

Luk 12:9

Ku raan ee ya jai ë kɔc nïïm, yen abä jai ë tuuc ke Nhialic nïïm.

Luk 22:29

ku wek yiɛ̈n ciɛɛŋ, cït manë cï e yiɛ̈n ɛn ë wäär,

Luk 22:30

bäk aa cam ku dɛ̈kkï ë pamdï nɔm ë ciɛɛŋdï yic, ku we bï aa rëër ë thöny nïïm ku guiɛɛrkï löŋ de dhiëën ke Yithriɛl kathiëër ku rou.

Luk 9:26

Raan cï guöp riɔ̈ɔ̈c në biäkdï ku në biäk de wëlkï, raanë abï Wën ë Raan guöp riɔ̈ɔ̈c në biäkde, të bï yen ke dhuëëŋ de yenguöp, ku dhuëëŋ de wun, ku dhuëëŋ de tuucnhial ɣeriic.

Luɔi 14:22

Ku ritkï kɔcpiööcë piɔ̈ɔ̈th, yöökkï keek an, “Bïk aa tɔ̈u ë gämic apiɛth, ku an, në guöm ee wok katuc juëc guum en abï wo dhil lɔ ë ciɛɛŋ de Nhialicic.”

Romai 5:17

Ku na cï thuɔɔu piny cieŋ në baŋ de raan tök, në wäc cï raan tök këdäŋ wööc, awär kënë arëët, kɔc yök dït de dhuëëŋdepiɔ̈u ku yeke miɔɔc në piathëpiɔ̈u, kek abï piny cieŋ në pïïr në baŋ de raan tök, Yecu Kërtho.

Romai 8:17

Ku tën ee wok mïth, ke wo bï käŋ lɔ̈ɔ̈k lak, wok ee mïth bï ka ke Nhialic lɔ̈ɔ̈k lak, ku löökku käŋ rɔm ë Kërtho ëtök, na yok käŋ guum në yen ëtök, ke wo bï gäm dhuëëŋ ëtök.

Pilipoi 1:28

Ku duökï wepiɔ̈ɔ̈th ee tɔ päu ë këdäŋ në kɔc dɛ wek ater. Aterden në week, yen aye ŋïny aa wek riääkden ŋic, ku ye ŋïny bä wek kunyduön ëwëi ŋic, kuny ë bɔ̈ tëde Nhialic.

1 Tim 5:8

Ku na de raan reec diɛɛr në këde kɔcken, ka ye raan rac, ku na reec diɛɛr në këde dhiënde guöp, ka ye raan rac aläl, acï gäm rɛɛc ëtaiwei, aŋuɛ̈ɛ̈n ë raan kën kɔn gam.

Juda 1:4

Luɔi de en kɔc kɔ̈k cï bɛ̈n thïn ëcuëër, kɔc cï kɔn meek ɣɔn thɛɛr, bïk këdɛn tucë yök, kɔc reec Nhialic riëëu, ku yek dhuëëŋ de Nhialicda piɔ̈u puk tɔkï ye këde dhööm, ku reeckï Bɛ̈nydïït töŋ nu ë wonïïm, Bɛ̈nydan Yecu Kërtho.

Nyuuth 1:6

ku cï wo tɔ ye Meliik ku bäny ke ka ke Nhialic ë Nhialic Wun nɔm. Ë dhuëëŋ ë ye tɔ̈u ke yen ayï ciɛɛŋ aɣet athɛɛr ya! Amiin.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 2:13

Yɛn ŋic luɔidu, ku ŋiɛc të tɔ̈u yïn thïn, yen të nu thööny ë Catan, ku yïn ee rinkï döt ë muk, ku kɛ̈në gäm gɛm yïn ɛn jai, acakaa kööl ɣɔn nu Antipa cäätɔdiën adöt, raan cï nɔ̈k ë weyiic, të ye Catan rëër.

Nyuuth 20:4

Na wën, ke ya tïŋ thöny, ku kɔc arëërkï ë kenïïm, ku acï ke gäm guiëër bï kek löŋ aa guiir: ku tiëŋ wëi ke kɔc wään cï kiëp nïïm wei në baŋ ee kek cäätɔɔ ke Yecu ku në baŋ de jam de Nhialic, ku kɔc ee lɛ̈n rac rɛɛc lam, ku reeckï këcïcuëëc ke cït guöp en lam, ku reeckï gäärde gam ë kenïïm tueŋ, ayï kecin, ku acïk bɛ pïïr ku yek piny cieŋ në Kërtho ëtök ë agum de run.

Nyuuth 20:6

Thieithieei në raan ɣeric raan röm ke kɔc ë jön tueŋic jön ë kɔnë kɔc rö jɔt: thon ee kek rou acïn naamde tëde kɔckë, ku abïk aa bäny ke kake Nhialic kekë Kërtho, ku abïk piny aa cieŋ në yen ëtök ë agum de run.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.

Nyuuth 3:21

Raan ee tiam, abä tɔ nyuc kekë yɛn ëtök ë thöönydï nɔm, cït man cän tiam aya, aguɔ jɔ nyuc wokë Wäär ëtök ë thöönyde nɔm.

Nyuuth 3:8

Yɛn ŋic luɔidu (tïŋ, ɣön cï liep thok acä tuɛɛl ë yïnɔm tueŋ, ɣön cïn raan duëër e lëu ë thiɔ̈k), luɔi ciɛth yïn we riɛl thiinakäŋ, ku ye jamdï döt, ku kɛ̈në rinkï jai.

Nyuuth 5:10

ku tɔ wook ee meliik ku bäny ke kake Nhialicda, ku wo bï piny cieŋ nɔm.”