2Tim 2:10 - JAM DE NHIALIC 2011

¹⁰ Yen a ya yɛn këriëëc guum ëbɛ̈n në biäk de kɔc cï lɔc, ke ke bï kunydewëi yök aya kuny nu ë Kërtho Yecuyic kekë dhuëëŋ bï tɔ̈u aɣet athɛɛr.

2Tim 2:10 Iomraidhean Croise

Kɛ̈ŋ 8:35

Raan cï ya yök ka cï pïïr yök, ku yen abï miɛt ë piɔ̈u yök tëde Bɛ̈nydït.

Math 24:22

Ku të kënë aköölkë teem kɔ̈ɔ̈th, ka cïn kɔc duëërë luök, ku në baŋ de kɔc cï lɔc, aköölkë abï ke teem kɔ̈ɔ̈th.

Math 24:24

Kërtho aluɛth abïk röt jɔt kekë tït aluɛth, ku abïk göök dït aa nyuöth kɔc, ayï kagɛ̈iyë ke dït, ku aduëërkï kɔc cï lɔc gup cɔ̈k nïïm wei, të cï kek e lëu.

Math 24:31

Na ëlë, abï tuuckɛn nhial tooc në kaaŋ kök arëët, lek kɔc cï lɔc kut nïïm, kɔc nu të lɔ rut, ku wöuwic, ku të lɔ aköl amiäk, ku të lɔ aköl athɛ̈i, gɔl ë nhial baŋ tök aɣët nhial baŋ tui.

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Luk 22:57

Go jai an, “Tik, ee raan kuöc!”

Jɔn 11:52

ku acie nyin ë jurëyic etök, ee luɔi bïï en mïth ke Nhialic të mat keyiic ëtök ayadäŋ, mïth cï thiäi.

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Jɔn 17:9

“Yɛn läŋ në biäkden: yɛn cïï läŋ në biäk de kɔc ke piny nɔm, ee biäk de kɔc wään gämë yɛn, luɔi ee kek kɔcku.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

Romai 9:23

ku bï dït ë dhuëëŋde nyuɔɔth në töny ke kokdepiɔ̈u, töny cï kɔn looi, bïk aa ka ke dhuëëŋ,

1 Kor 1:21

Ku të cï kɔc ke piny nɔm Nhialic guɔ kuc në pɛl ë kek nïïm, cït man cï Nhialic e lueel në pɛlënɔmde, ke Nhialic jɔ piɔ̈u miɛt luɔi bï en kɔc gäm kony wëi në këɣɔ̈ric cɔl guiëër ë wëlpiɛth.

1 Kor 9:22

Tëde kɔc kɔ̈c, yɛn ë cï ciët raan kɔ̈c, luɔi bän kɔc kɔ̈c dɔm: yɛn cï tɔ ye käŋ kedhie tëde kɔc kedhie, luɔi bän kɔc kɔ̈k kony në këriëëc cä looi.

2 Kor 1:6

Ku na dhal käŋ wook, ee këde muŋ bï we muk piɔ̈ɔ̈th ayï kuny bï we kony wëi, ku aye ke luöi week në ruöt aa wek wepiɔ̈ɔ̈th ruut në ka guömkï, ka kït ë ka gumku ayadäŋ: ku të cï wo muk piɔ̈ɔ̈th, ee këde muŋ bï we muk piɔ̈ɔ̈th aya ku kuny bï we kony wëi.

2 Kor 12:15

Ku yɛn bï kakï aa riäär piny ke ya mit piɔ̈u, ku ja rɔt riäär piny aya në biäk de wëikun, ciɛk an, dït nhiëër nhiaar ɛn week ke yen aye nhiëërduön nhiaar wek ɛn tɔ koor.

2 Kor 4:15

Ku käŋ kedhie atɔ̈ukï në biäkdun, ke dhuëëŋdepiɔ̈u bï rɔt ŋuak në kɔc juëc në luɛl cï kɔc juëc thieithieei lueel, ke Nhialic bï dhuëëŋ yök.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

Epethiei 3:13

Yen a läŋ ɛn week, ke we cïï piɔ̈ɔ̈th bï bäp në katuc ë ya dhal në biäkdun, yen aye dhuëëŋdun.

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

1 Theth 5:9

Nhialic akën wo dɔm në këde agɔ̈th, ee luɔi bï wo kunydewëi yök, en aa dɔm en wook në Bɛ̈nydït Yecu Kërtho,

2 Theth 2:14

Yen aa cɔɔl en week në wëlkuɔn piɛth, ke we bï dhuëëŋ de Bɛ̈nydan Yecu Kërtho yök.

2Tim 1:1

Yɛn Paulo, tuny de Yecu Kërtho në këde piɔ̈n ë Nhialic, në këde pïïr cï kɔn lueel an, bï gäm kɔc, pïïr nu ë Kërtho Yecuyic.

2Tim 2:1

Yeka mɛnhdï, ye riɛl në dhuëëŋdepiɔ̈u nu ë Kërtho Yecuyic.

2Tim 2:3

Ku yïn, ye këril guum cït man ë raan de tɔŋ piɛth raan de tɔŋ ë Yecu Kërtho.

Tito 1:1

Yɛn Paulo, lïm ë Nhialic, ku ye tuny ë Yecu Kërtho, në këde gäm de kɔc cïï Nhialic lɔc, ku në këde ŋïny bï kɔc yic ŋic ëgɔk, yic ee röŋ ke riëëu de Nhialic,

1 Pet 2:10

Ɣɔn wek ë cie kɔc, ku ënɔɔnë we cï aa kɔc ke Nhialic: wek aa kën kokdepiɔ̈u yök ɣɔn, ku ënɔɔnë acäk ja yök.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.