2Tim 1:5 - JAM DE NHIALIC 2011

⁵ Yɛn ee yanɔm cät ë gäm nu ë yïpiɔ̈u gäm cïnic ruëëny, gäm ë kɔn cath kekë kɔk Loyith, ku be cath kekë Yunike moor, ku aŋiɛc ëgɔk nɔn ciɛth en ke yïn aya.

2Tim 1:5 Iomraidhean Croise

Diɛt 116:16

Yɛn awundu Bɛ̈nydït, Yïn ya luöi, cït man cï maar ye looi. Yïn cï yɛn kony ë thuɔɔu.

Diɛt 17:1

Piŋ lɔ̈ŋdï Bɛ̈nydït yɛn lip yic, gɔk lɔ̈ŋdï yic apiɛth yɛn läŋ kuɔɔny! Piŋ lɔ̈ŋdiën cïn yic ruëëny.

Diɛt 18:44

Kɔc lei ayek kenïïm guöt piny në yanɔm, ku të cï kek ya piŋ, ayek këdï gam.

Diɛt 22:10

Ku yɛn ë rɔt kan në yïn ë cieŋ ë dhiëëth ë ya, ku yïn aye Nhialicdï ë ceŋ ë dhiëëth ë ya.

Diɛt 66:3

Lëkë Nhialic an, “Luɔɔidu ee këdïït ë gäi! Riɛldu adït aläl ee kɔc ke aterdu tɔ gut kenïïm piny në Yïnɔm, në riɔ̈ɔ̈c.

Diɛt 77:6

Yɛn ë wɛ̈ɛ̈r thöl ke ya jam piɔ̈n, yɛn ee tak aläl ku thiëëc rɔt an,

Diɛt 81:15

Kɔc man Ɛn abïk kenïïm guöt piny ë Yanɔm në riɔ̈ɔ̈c, ku dui bïï ë keek dui abï tɔ̈u aɣet athɛɛr.

Diɛt 86:16

Wël ë rɔt ɛn ku kokëpiɔ̈u we yɛn, gämë ë ya riɛl ku kony awundu, në luɔi yan Yïn luööi, cït man ye maar ye looi.

Jeremia 3:10

Ku na ɣɔn në ee kake cök ke Juda nyankënë Yithriɛl cïn piɔ̈u adöt, aacï them bï rɔt looi ke cït kë puk rɔt Ɛn, ku aacïï tɔ̈u në yepiɔ̈u. Acä lueel, Yɛn Bɛ̈nydït.”

Jɔn 1:47

Na wën, ke Yecu tïŋ Nathanyel ke bɔ̈ tëde yen, go lueel an, “Wɔikï, raan ë Yithriɛl ëgɔk ka, raan cïn yäc ruëëny!”

Luɔi 16:1

Go ɣet Derbe ku Luthura aya, ku ade raanpiööcë ëtɛ̈ɛ̈n, cɔl Timotheo, wën ë tiiŋ cï gam, ku ye nyan e Judai, ku wun ee Girikii.

Luɔi 26:26

Kakë aŋic melik keek, yɛn ë käŋ lueel ë yenɔm ke ya ril nyin: aŋiɛc ëgɔk an, cïn tök ë kakë yiic kë cï thiën en, kënë akënë looi athiaan.

Romai 14:14

Cöök ŋiɛc kï, acä cök ë ŋiɛc ɛn en ëgɔk ë Bɛ̈nydït Yecu yic an, acïn kën ee rac etök, ku raan ë tɔ këdäŋ rac, ke jɔ rac tëde yen.

Romai 14:5

Raan tök aye kööl tök riëëu awär kööl däŋ, ku lueel raan däŋ an, akööl akïtkï. Ë raan ëbɛ̈n ë ye këdäŋ ŋic ëgɔk ë yepiɔ̈u.

Romai 15:14

Ku yɛn guöp yɛn ë këdun guɔ ŋic ë yapiɔ̈u aya, wek mïthëkɔckuɔ, dït dïïtë piathdun, ku dït ë ŋïny ŋiɛc wek käŋ, ku lëu aa wek röt lëu ë wëët.

Romai 4:21

Acï gam ëdhöc an, kë cï kɔn lueel, en Nhialic, abï lëu në luɔi.

Romai 8:38

Cöök ŋiɛc ë yapiɔ̈u arëët kï an, Thuɔɔu, ayï pïïr, ayï tuuc bɔ̈ nhial, ayï bäny, ayï riɛl, ayï ka ke ënɔɔnë, ayï ka bï nu wadäŋ,

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

1 Tim 1:5

Thar ë jam cï guiir en aye nhiëër ee kɔc röt nhiaar në piɔ̈n awai ku në ŋïny ee raan epiɔ̈u ŋic nɔn piɛth en ëgɔk, ku në gäm cïnic mɛthë nyin.

1 Tim 4:6

Të ee yïn mïthëkɔckuɔ täk nïïm ee kakë, ke yïn bï aa raan ee ka ke Yecu Kërtho looi apiɛth, raan cï ŋiëc muk në wël ke gäm ku wëët piɛth wëët cï kuany cök ëgɔk.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

2Tim 3:15

ku ŋic kënë aya an, ɣɔn ee yïn mɛnhthiinakäŋ, yïn ë ŋic kacïgɔ̈ɔ̈r kaɣer yiic, ka cath në riɛl bïk yï tɔ ye raan pelnɔm aɣet kuny bï yï kony wëi në gäm cï yïn Kërtho Yecu gam.

Ɣeberuu 11:13

Ku kek ë kɔckë aake ŋoot ë gämic, gäm de yic aŋäth ɣɔn thou kek. Cakaa nɔn kën kek kë cï kɔn lɛ̈k keek yök, ke keek amitkï piɔ̈ɔ̈th në luɔi ëye kek ee kakë tïŋ tëmec në nyin ë gäm. Ku gamkï luɔi ë ye kek kamaan lɛɛn ë këny ee pinyë nɔm.

Ɣeberuu 6:9

Ku wek määthkï na wo cak jam aya, ke wek ŋäthku nɔn dɛ wek nïïm athiɛɛi ŋuän në këde kuny de wëikun.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic: