1 Tim 6:2 - JAM DE NHIALIC 2011

² Ku lïïm de nïïm bänykɛn cï gam, ë ke cïï keek ee biɔɔn, luɔi ee kek mïthëkɔcken, aŋuän bï kek ke ya luööi apiɛth, luɔi ee kek kɔc cï gam kɔc nhiaar, ku yek piath ë wëlpiɛth rɔm ëtök. Ye kɔc wɛ̈ɛ̈t ee kakë ku guiëërë ke keek.

1 Tim 6:2 Iomraidhean Croise

Jowɛl 2:28

“Ku në ee kakë cök, Yɛn bï Wëikï luööŋ në kɔc gup kedhie, ka wɛ̈ɛ̈tkun, ayï duetkun abïk käŋ aa caar, röördïtkun abïk aa nyuöth, ku tïŋ dhuökkun nyuuth.

Kuɛ̈n 16:3

acïk bɛ̈n guëër në Mothe lɔ̈ɔ̈m kekë Aron ku göthkï në keek luelkï an, “Këdun acäk ŋuak nɔm arëët! Akutnɔm de Yithriɛl ëbɛ̈n aɣeric acïn raan tök. Ku Bɛ̈nydït atɔ̈u ke keek. Ka yeŋö ya wek röt tïŋ cït ka wär kɔc?”

Math 23:8

Ku week, duökï röt ë tɔ cɔl an, ‘Rabi,’ në biäk dɛ wek nïïm Bɛ̈nyduön tök ee wëët, yen aye Kërtho, ku wek ee mïth ke raan tök wedhie.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luɔi 1:15

Ë aköölkë ke Petero jɔt rɔt ë kɔc yiic cil kɔcpiööcë (kuën ë rinken kedhie acït bɔt tök ku thiërrou),

Romai 11:17

Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic.

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

Galatai 5:6

Ku në Kërtho Yecu yic cuɛ̈l acïn naamde ayï luɔi kënë raan cueel, ee gäm lui në nhiëër en ade nɔm.

Epethiei 1:1

Yɛn Paulo, tuny ë Yecu Kërtho në këde piɔ̈n ë Nhialic. Awerek en gäär kɔc ɣerpiɔ̈ɔ̈th nu Epetho, kek kɔc adööt kɔc nu ë Kërtho Yecu yic:

Epethiei 1:15

Ku yɛn aya, të cän gämduön cä wek Bɛ̈nydït Yecu gam piŋ, ku piɛŋ nhiëër nhiaar wek kɔc ɣerpiɔ̈ɔ̈th kedhie,

Epethiei 3:6

jam de röm bï Juöör kë bï kɔc lɔ̈ɔ̈k lak rɔm ëtök, ku luɔi bï kek aa guöp tök, ku bïk kë cï kɔn lueel rɔm ëtök ë Kërtho yic në wëlpiɛth.

Kolothai 1:2

Awerek en gɛ̈ɛ̈rku kɔc ɣerpiɔ̈ɔ̈th ku mïthëkɔckuɔn adööt ë Kërthoyic kɔc nu Kolothai: Ë dhuëëŋdepiɔ̈u ë tɔ̈u ke week ayï mät, në ke bɔ̈ tëde Nhialic Wääda kekë Bɛ̈nydït Yecu Kërtho.

Kolothai 1:4

Luɔi cï wok gämduön cä wek Kërtho Yecu gam piŋ, ku piŋku nhiëërduön aa wek kɔc ɣerpiɔ̈ɔ̈th nhiaar kedhie,

Kolothai 4:1

Wek bäny de lïïm, yak lïïmkun gäm ka röŋ ë luɔiden, yak ke miɔɔc ë ke kiëëtkï, aŋiɛckï nɔn dɛ wek Bɛ̈nydun aya paannhial.

2 Theth 1:3

Wo bï dhil aa cool ë lec Nhialic nɔm në biäkdun, wek mïthëkɔckuɔ, cït man piɛth en, ë luɔi ee gämdun rɔt ŋuak aläldïïtë, ku luɔi dïïtë nhiëër nhiaar wek röt wedhie aläl.

1 Tim 4:11

Ye kakë guiëër kɔc wëët yïn ke.

1 Tim 5:1

Raandït nu ë kɔc nïïm du ye nen aläl, ye lɔ̈ŋ tei cït man ë wuur, ye dhuök tɔ cït mïthëkɔckun,

Tito 2:1

Ku yïn, ye käŋ lueel ka röŋ në wëët piɛth.

Tito 2:15

Ye kake lueel, riit yïn ke kɔc piɔ̈ɔ̈th, ku jäny keek në riɛl ëbɛ̈n. Ë cïn raan bï yï biɔɔn.

Tito 3:8

Ee jam yic ee kënë. Ku yɛn de piɔ̈u luɔi bï yïn kakë aa ŋak nïïm arëët, ke kɔc cï Nhialic gam ke ke bï röt tiit apiɛth, agokï aa cool ë loi luɔi piɛth. Kakë apiɛthkï ku adekï naamden tëde kɔc.

Ɣeberuu 3:1

Yeka, wek mïthëkɔckuɔn ɣeriic tɔ̈u në gämic, kɔc rɔm wok cɔ̈t ë paannhial, tääukï täŋdun në Yecu guöp, Raan cïï Nhialic tuööc ke ye Bɛ̈nydïït ë kake Nhialic de gämdan yok luɛɛl.

Ɣeberuu 3:14

Wok duëër rɔm në Kërtho ëtök, të muk wok gämdan cï wok kɔn gam aril agut cï thök de käŋ.

1 Pet 5:1

Röördït nu ë weyiic kek yɔ̈ɔ̈k, ku yɛn ee monydït aya, ku ya cäätɔ de ka cïï Kërtho guum, ku ya raan bï dɛ këdï aya në dhuëëŋ bï rɔt nyuɔɔth rial an:

2 Pet 2:10

ku kɔc bï këdɛn tuc dït yök kek aye kɔc ee ka ke yäc kɔɔr, në döm cï ke dɔm ë ŋɔ̈ɔ̈ŋ de luɔi col, ku yek bäny baar nyïïn. Ee kɔc dham gup, kɔc ril nïïm, ayek adhuëŋ lat gup ku cïkï ee riɔ̈ɔ̈c.

Juda 1:8

Ku kɔckë aya, acïtkï keek, kɔc ee nyuöth ë kërac, ayek kegup tɔ nhiany, ku yek bäny kuöc riëëu, ku yek adhuëŋ läät ë lɛ̈ɛ̈t rac.